ΣΙΚΛΙΠΕ 39
Σαρ Ντικχέλ ο Ντελ ο Ρατ
Ο ρατ σι μπουτ σημαντικό ε τραϊμάσκε. Μπι ρατέσαρ, κχονίκ αμένταρ ναστίκ τε τραϊσαρέλας. Ζερέμ ο Ντελ λατσσαρντάς-αμέν, σι-λες ο δικαίωμα τε πφενέλ αμένγκε σαρ πρέπει τε χρησιμοποιησάολ ο ρατ. Σο πφεντάς ε ρατέσκε; Νταλίκ τε χας-λες ή τε κεράς μετάγγιση ρατέσκι; Σαρ νταλίκ τε λες λατσσέ αποφάσεις ανταλέ σεέσκε;
1. Σαρ ντικχέλ ο Ιεχωβά ο ρατ;
Κάι ε πουρανέ μπρεσά, ο Ιεχωβά πφεντάς κάι πε υπηρέτες: «Ο τραϊπέ ερ κέσκο σι λέσκο ρατ». (Λευιτικό 17:14) Ε Ιεχωβάσκε, ο ρατ μανγκέλ τε σικαέλ ο τραϊπέ. Αφού ο τραϊπέ σι εκ ιερό, ή αβέρτουλις άγιο, δώρο ε Ντεβλέσταρ, άρα ο ρατ-ντα σι ιερό.
2. Με σαέ τρόπους ιν μανγκέλ ο Ντελ τε χρησιμοποιησαράς ο ρατ;
Μπι τε αβέλ ο Χριστόζι κάι ι πφουβ, ο Ιεχωβά ντιάς κάι πε υπηρέτες ι εντολή τε να χαν ρατ. (Διαβασαρέν Γένεση 9:4 τα Λευιτικό 17:10) Σικαντάς γκένε σαρ ντικχέλ ο ρατ αντράλ ατάρ ι οδηγία κάι ντιάς ο κυβερνών σώμα κάι ε Χριστιανούς “τε νασέν ντουρ ε ρατέσταρ”.—Διαβασαρέν Πράξεις 15:28, 29.
Σο μανγκέλ τε πφενέλ τε νασάς ντουρ ε ρατέσταρ; Άμα o εκίμο κα πφενέλας τούκε τε νασές ντουρ ε μολάταρ, σίγουρα να κα πιέσας. Αμά κα χάσας χαμάτα κάι σι αντρέ μολ ή κα τθόσας-λα κάι κο σώμα αντράλ ατάρ κε φλέβες; Άερ. Καντιάλ-ντα, η εντολή κάι ντιάς-αμέν ο Ντελ τε νασάς ντουρ ε ρατέσταρ μανγκέλ τε πφενέλ ότι δεν πρέπει τε πιάς ρατ ούτε τε χας μας κάι ιν νασλό λέσταρ ο ρατ. Ούτε πρέπει τε χας καέκ χαπέ κάι σι αντρέ ρατ.
Ε εκίμορα μπέλκιμ τε μανγκέν τε χρησιμοποιησαρέν ρατ για τε κερέν λατσσές εκχέ νασφαλέ μανουσές. Για παράδειγμα, μπέλκιμ τε κερέν μετάγγιση ρατέσκι ή τε χρησιμοποιησαρέν εκ ατάρ ε σταρ βασικά σέα κάι σι αντό ρατ—ε ερυθρά αιμοσφαίρια, ε λευκά αιμοσφαίρια, ε αιμοπετάλια ή ο πλάσμα. Ανταά σι ξεκάθαρα αντίθετο κάι ο νόμο ε Ντεβλέσκο. Όμως, ε εκίμορα χρησιμοποιησαρέν ο ρατ με αβέρ-ντα τρόπους κάι ινάι ξεκάθαρα αντίθετοι κάι ο νόμο ε Ντεβλέσκο. Μπέλκιμ τε λεν εμπούκα κλάσματα ε ρατέσκε, δηλαδή πρωτεΐνες, βιταμίνες ή αβέρ σέα ατάρ ε βασικά συστατικά ε ρατέσκε για τε κερέν κάποια ντραμπά. Σε αβέρ περιπτώσεις, ε εκίμορα μπέλκιμ τε χρησιμοποιησαρέν ε μανουσέσκο ρατ. Ερ κις αμένταρ κάνα ντουσουνούρ λατσσές σο κα κερέλ, σι λαζίμι τε λελ πι απόφαση κόρκορου.a—Γαλάτες 6:5.
ΡΟΝΤΕ ΝΤΑΑ ΝΤΕΡΙΝΙ
Ντικ σαρ νταλίκ τε λες αποφάσεις κάι ιατρικά σέα κάι σι τε κερέν ε ρατέσαρ.
3. Τε λες αποφάσεις κάι κερέν ε Ιεχωβάσκο γκι
Σαρ νταλίκ τε λες αποφάσεις κάι ιατρικά σέα καντιάλ σαρ μανγκέλ ο Ντελ; Ντικχέν ο ΒΙΝΤΕΟ τα σονά κονουσούρουν κάντικι σημαντικό σι τε κεράς ε σέα κάι σι νταά τελέ:
Κερ προσευχή για τε μανγκές γκογκιαεριπέ.—Ιακώβου 1:5.
Ρόντε λατσσές για τε αρακχές αρχές αντί Αγία Γραφή κάι σι ανταλέ σεέσκε τα ντουσούν σαρ κα κερές-λεν.—Παροιμίες 13:16.
Σικλό ε επιλογές κάι σι-τουτ ε τθεμέστε κάι μπεσές.
Ντικ σαέ σέα ναστίκ τε κερές σο-ντα τε κερντόλ.
Κερ σο νακχέλ κε βαστέσταρ για τε αβές σίγουρος ότι κα αβέλ-τουτ τεμίζι συνείδηση σονά ατάρ ι απόφαση κάι κα λες.—Πράξεις 24:16.b
Τε σι ξεκάθαρο κε γκογκιάτε ότι κχονίκ—ούτε κο ρομ ή κι ρομνί, κάποιος πρεσβύτερος ή ο τζενό κάι κερέλ τούσαρ μελέτη ατάρ ι Γραφή—δεν πρέπει τε πφενέλ τούκε σο τε κερές ε σεέντε κάι σι τε κερέν με τη συνείδηση κιρί.—Ρωμαίους 14:12.
Γραψάρ κι απόφαση.
4. Ε Μάρτυρες ε Ιεχωβάσκε μανγκέν τε σι-λεν η νταά λατσσί θεραπεία
Νταλίκ εμ τε ασουνάς κάι ο νόμο ε Ντεβλέσκο ε ρατέσκε, εμ τε σι-αμέν εκ λατσσί θεραπεία μπι τε τθον αμένγκε ρατ. Ντικχέν ο ΒΙΝΤΕΟ.
Διαβασαρέν Τίτο 3:2 τα σονά κονουσούρουν ο πουτσλιπέ:
Σόσκε σι λαζίμι τε σικαάς σεαριπέ τα τε αβάς ήρεμοι κάνα ορμπισαράς ε εκιμόνσαρ;
Ιν κερντόλ τε τθας |
Απόφαση ε Χριστιανόσκι |
|---|---|
Α. Πλάσμα ρατέσκο |
Κλάσματα κάι ικλέν ατάρ ο πλάσμα |
Β. Λευκά αιμοσφαίρια |
Κλάσματα κάι ικλέν ατάρ ε λευκά αιμοσφαίρια |
Γ. Αιμοπετάλια |
Κλάσματα κάι ικλέν ατάρ ε αιμοπετάλια |
Δ. Ερυθρά αιμοσφαίρια |
Κλάσματα κάι ικλέν ατάρ ε ερυθρά αιμοσφαίρια |
5. Κάνα σι λαζίμι τε διαλεξαρές σο κα κερές με τα κλάσματα ε ρατέσκε
Αντό ρατ σι σταρ βασικά σέα—ε ερυθρά αιμοσφαίρια, ε λευκά αιμοσφαίρια, ε αιμοπετάλια τα ο πλάσμα. Ανταλένταρ ικλέν νταά σικνέ σέα, κάι πφεντινάον κλάσματα ε ρατέσκε.c Μερικά κλάσματα χρησιμοποιησάον κάι ε ντραμπά για τε νασέλ εκ νασφαλιπέ ή για τε ατσσόλ η αιμορραγία.
Κάθε Χριστιανός σι λαζίμι τε λελ κόρκορου ι απόφαση σο κα κερέλ με τα κλάσματα ε ρατέσκε, καντιάλ σαρ πφενέλ λέσκι συνείδηση κάι σικλαρντάς-λα ατάρ ι Γραφή. Μερικά μανουσά μπέλκιμ τε να μανγκέν εκ θεραπεία ή κάτι αβέρ κάι σι τε κερέλ με τα κλάσματα ε ρατέσκε. Η συνείδηση αβερέ μανουσένγκι μπέλκιμ τε μεκέλ-λεν τε τθον κλάσματα.
Κάντικι λες κε αποφάσεις, ντουσούν ο πουτσλιπέ:
Σαρ κα ντάβας κάι εκ εκίμο τε ακχιαρέλ σόσκε ιν μανγκάβ ή σόσκε μανγκάβ τε τθαβ κλάσματα ε ρατέσκε;
ΕΚ ΤΖΕΝΟ ΜΠΕΛΚΙΜ ΤΕ ΠΟΥΤΣΕΛ-ΤΟΥΤ: «Σόσκε σι μπέτι τε κεράς μετάγγιση ρατέσκι;»
Του, σο πακιάς;
ΕΜΠΟΥΚΑ ΟΡΜΠΕΝΣΑΡ
Ο Ιεχωβά ιν μανγκέλ τε χρησιμοποιησαράς ο ρατ με μπέτι τρόπο.
Σο Σικλιλάν;
Σόσκε ε Ιεχωβάσκε ο ρατ σι ιερό;
Σαρ τζανάς ότι η εντολή κάι ντιάς ο Ντελ τε νασάς ντουρ ε ρατέσταρ σι τε κερέλ με τις μεταγγίσεις ε ρατέσκε;
Σαρ νταλίκ τε λες λατσσέ αποφάσεις κάι ιατρικά σέα κάι σι τε κερέν ε ρατέσαρ;
ΚΕΡ ΕΡΕΥΝΑ
Σο σι λαζίμι τε ντουσουνούρσουν μπι τε λες αποφάσεις σεένγκε κάι σι ιατρικά τα σι τε κερέν κε ρατέσαρ;
Σο σι λαζίμι τε ντουσουνούρσουν μπι τε λες απόφαση άμα κα τθος σικνέ κλάσματα ε ρατέσκε;
Σο κερντάς εκχέ εκιμός τε πακιάλ ότι σι λογικός ο τρόπος κάι ντικχέλ ο Ντελ ο ρατ;
«Δέχτηκα την Άποψη του Θεού για το Αίμα» (Ξύπνα! 8 Δεκεμβρίου 2003)
Σικλό σαρ βοηθισαρέν πε πφραλέν τα πε πφεέν ε πρεσβύτεροι κάι σι κάι ι Επιτροπή Προσέγγισης Νοσοκομείων.
a Ντικ ο Σικλιπέ 35, «Σαρ τε Λες Λατσσέ Αποφάσεις».
b Ντικ ο σημείο 5, «Κάνα Πρέπει τε Διαλεξαρές σο κα Κερές με τα Κλάσματα ε Ρατέσκε», τα ι Σημείωση 3 κάι ε παλουτνέ σελίδες, «Ιατρικά Σέα κάι Σι τε Κερέν ε Ρατέσαρ».
c Σι εκίμορα κάι πακιάν ότι ε σταρ βασικά σέα αντό ρατ σι κλάσματα. Ανταλέσκε, μπέλκιμ σι λαζίμι τε εξηγισαρές ι απόφαση κάι λιάν τε να κερές μετάγγιση ρατέσκι ή τε τθον τούκε εκ ατάρ ε σταρ βασικά σέα κάι σι αντό ρατ, δηλαδή ε ερυθρά αιμοσφαίρια, ε λευκά αιμοσφαίρια, ε αιμοπετάλια τα ο πλάσμα.