Κερέν Σα ε Γιορτίες ε Ντεβλέσκο Γκι;

Ο Ιεχωβά μανγκέλ τε μπεενούρους ο τραϊπέ τα τε κεράς γιορτίες εμπούκα σουκάρ σεένγκε. Αμά, κερέν σα ε γιορτίες λέσκο γκι; Σαρ νταλίκ τε σικαάς ότι μανγκάς ε Ιεχωβάς ανταλέ σεέστε;

1. Σόσκε μπουτ γιορτίες ιν κερέν ε Ιεχωβάσκο γκι;

Μπέλκιμ τε σασουρούρσουν-τουτ άμα κα σικλός ότι μπουτ γιορτίες σι τε κερέν σεένσαρ κάι ινάι σύμφωνα ε Γραφιάσαρ ή ότι αβέν ατάρ ι χοχαμνί θρησκεία. Καντισαέ γιορτίες μπέλκιμ σι τε κερέν μπενγκιαλέ σεένσαρ ή βασισάον ανταλέστε κάι πακιάν μπουτ μανουσά ότι ο γκι ιν μερέλ. Σι γιορτίες κάι βασισάον χοχαμνέ σεέντε κάι πακιάν ε μανουσά ή κάι ι λατσσί μπαχ. (Ησαΐας 65:11) Ο Ιεχωβά πφενέλ οντολένγκε κάι υπηρετισαρέν-λες: «Ικλέν λένταρ τα νασέν . . . τα τσσιναέν τε ασταρέν ανταά κάι ινάι τεμίζι».​—2 Κορινθίους 6:17.a

2. Σαρ αβέν ε Ιεχωβάσκε ε γιορτίες κάι ντεν δόξα ε μανουσέντε;

Ο Ιεχωβά πφενέλ αμένγκε τε να περάς κάι ι παγίδα “τε γκιουβενούρους μανουσέντε”. (Διαβασαρέν Ιερεμίας 17:5) Σι γιορτίες κάι ντεν δόξα κάι κυβερνήτες ή ασκερέντε. Αβέρ γιορτίες ντεν δόξα κάι ε σύμβολα πε τθεμέσκε, σαρ σι ε σημαίες, ή γιορτασαρέν ο γκιές κάι μουκλιλό λένγκο τθεμ πε ντουσμαένταρ. (1 Ιωάννη 5:21) Τα αβέρ γιορτίες ισπίλντεν ε μανουσέν τε καρουστουρούρουν-πες κάι ε πολιτικά ή τε κιντινάον για τε ικλέν αρκάα εκχέ σεέσκε κάι βον σανεντέρουν ότι σι σωστό. Σαρ κα αβέλας ε Ιεχωβάσκε άμα κα ντάσας ακατάλληλη δόξα εκχέ μανουσέστε ή κάι εκ οργάνωση, τα νταά μπουτ άμα ανταλά σι αντίθετα με τον σκοπό Λέσκο;

3. Σαέ σέα κάι κερντόν κάι ε γιορτίες σι μπουτ μπέτι;

Η Γραφή πφενέλ ότι σι λάθος “τε ματιάς, τε κεράς γλέντια χωρίς όρια τα συναγωνισμούς κάι ο πιιπέ”. (1 Πέτρου 4:3) Σι γιορτίες κάι ε μανουσά ιν ασταρέν-πες τα κερέν μπιλατζανέ τα λουμπνικανέ σέα. Για τε ατσσάς αμαλά ε Ιεχωβάσαρ, σι λαζίμι τε νασάς ντουρ καντισαέ σεένταρ κάι σι μελαλέ λέσκε γιακχέντε.

ΡΟΝΤΕ ΝΤΑΑ ΝΤΕΡΙΝΙ

4. Τε νασές ντουρ ατάρ ε γιορτίες κάι μελαρέν ε Ιεχωβάσκο αλάβ

Διαβασαρέν Εφεσίους 5:10 τα σονά κονουσούρουν ε πουτσλιμάτα:

• Σαέ σεέσκε σι λαζίμι τε αβάς σίγουροι κάνα διαλεξαράς άμα κα κεράς εκ γιορτία ή άερ;

• Σαέ γιορτίες κερέν ε μανουσά οτθέ κάι μπεσές;

• Πακιάς του ότι ανταλά ε γιορτίες κερέν ε Ιεχωβάσκο γκι;

Για παράδειγμα, ντουσουντούν ιτς σαρ ντικχέλ ο Ντελ ε γενέθλια; Πουθενά κάι ι Γραφή ιν διαβασαράς ότι εκ υπηρέτης ε Ιεχωβάσκο κερντάς γενέθλια. Πφενέλ αμά, ντουέ μανουσένγκε κάι ιν υπηρετισαρένας-λες τα κερντέ γενέθλια. Διαβασαρέν Γένεση 40:20-22 τα Ματθαίος 14:6-10. Σονά κονουσούρουν ε πουτσλιμάτα:

• Σαό ίδιο σέι κερντιλό κάι ανταλά ε ντούι γενέθλια;

• Σαρ πακιάς ότι αβέν ε Ιεχωβάσκε ε γενέθλια, καντιάλ σαρ σικαέν ανταλά ε ιστορίες ε Γραφιάκε;

Αμά, μπέλκιμ τε ντουσουνούρσουν: “Τσατσές ενδιαφερισάολ ο Ιεχωβά άμα με κα κεράβ ή κα τζαβ σε γενέθλια ή σε εκ αβέρ γιορτία κάι ινάι σύμφωνη ανταλένσαρ κάι πφενέλ η Αγία Γραφή;” Διαβασαρέν Έξοδος 32:1-8. Σονά, ντικχέν ο ΒΙΝΤΕΟ τα κονουσούρουν ε πουτσλιμάτα:

ΒΙΝΤΕΟ: Γιορτές που Δυσαρεστούν τον Θεό (5:07)

• Σόσκε σι λαζίμι τε αβάς σίγουροι ανταλέσκε κάι μανγκέλ ο Ιεχωβά;

• Σαρ νταλίκ τε κεράς-λες ανταά;

Σαρ κα ακχιαρές άμα εκ γιορτία πφαγκέλ ε Ντεβλέσκο γκι

• Μήπως σι τε κερέλ σεένσαρ κάι ινάι σύμφωνα ανταλένσαρ κάι πφενέλ η Γραφή; Για τε σικλός-λες ανταά, ρόντε τε ντικχές κάταρ αβέλ ανταϊά η γιορτία.

• Μήπως ντελ ακατάλληλη δόξα μανουσέντε, κάι οργανώσεις ή κάι ε σύμβολα εκχέ τθεμέσκε, σαρ σι ε σημαίες; Αμέν ντας δόξα νταά μπουτ σάορενταρ κάι ο Ιεχωβά τα γκιουβενούρους λέστε ότι βοβ κα νασαλέλ σα ε προβλήματα ε ντουνιαάκε.

• Μήπως σι αντρέ κάι ι γιορτία αντέτα τα σέα κάι σι αντίθετα με τους κανόνες ε Γραφιάκε; Αμέν σι λαζίμι τε ατσσάς τεμίζι κάι ε Ντεβλέσκε γιακχά.

5. Βοηθισάρ οκολέν τε σεάρουν ανταλά κάι πακιάς

ΒΙΝΤΕΟ: Να Εξηγείτε Διακριτικά τις Πεποιθήσεις Σας (2:01)

Διαβασαρέν Ματθαίος 7:12 τα σονά κονουσούρουν ε πουτσλιμάτα:

• Σαρ ντικχλάμ κάι ανταά ο εδάφιο, πρέπει τε πφενές κε μανουσένγκε κάι ινάι αντό τσατσιπέ τε να κερέν εκ γιορτία;

• Σο νταλίκ τε κερές για τε σικαές κε μανουσένγκε ότι μανγκές-λεν τα σεάρσουν-λεν παρόλο κάι να κα κερές εκ γιορτία λένσαρ;

6. Ο Ιεχωβά μανγκέλ τε αβάς σεβινμίσι

Ο Ιεχωβά μανγκέλ τε νακχαάς σουκάρ αμαρέ αναβάσαρ τα αμαρέ αμαλένσαρ. Διαβασαρέν Εκκλησιαστής 8:15 τα σονά κονουσούρουν ο πουτσλιπέ:

• Σαρ σικαέλ ανταά ο εδάφιο ότι ο Ιεχωβά μανγκέλ τε αβάς σεβινμίσι;

Ο Ιεχωβά μανγκέλ λέσκο περό τε νακχαέν σουκάρ μπαραμπέρι. Ντικχέν ο ΒΙΝΤΕΟ κάι σικαέλ σαρ σικάντολ ανταά κάι ε διεθνείς συνελεύσεις κάι κεράς.

ΒΙΝΤΕΟ: Δείχνουμε Φιλοξενία στις Διεθνείς Συνελεύσεις (5:40)

Διαβασαρέν Γαλάτες 6:10 τα σονά κονουσούρουν ε πουτσλιμάτα:

• Για «τε κεράς οντοά κάι σι λατσσό» οκολέντε, πρέπει τε κεράς ε γιορτίες κάι κερέν ε μανουσά;

• Κάνα σεβινίρσουν νταά μπουτ τε ντες εκ δώρο​—κάνα σαν υποχρεωμένος ζερέμ σι γιορτία ή κάνα ικλέλ τούταρ τε κερές-λες ανταά;

• Μπουτ Μάρτυρες μπάζιμ κερέν κάτι σουκάρ πε τσσαένγκε τα επίσης ντεν-λεν δώρα μπι τε ασουκιαρέν-λες. Τε σίσα-τουτ τσσαέ, σαέ σουκάρ σέα νταλίκ τε κερές λένγκε;

ΕΜΠΟΥΚΑ ΟΡΜΠΕΝΣΑΡ

Ο Ιεχωβά μανγκέλ τε νακχαάς σουκάρ αμαρέ αναβάσαρ τα αμαρέ αμαλένσαρ. Οκολέ ριγκάταρ, ιν μανγκέλ τε κεράς γιορτίες κάι πφαγκέν λέσκο γκι.

Σο Σικλιλάν;

• Σαέ πουτσλιμάτα νταλίκ τε κεράς για τε ακχιαράς άμα εκ γιορτία πφαγκέλ ε Ιεχωβάσκο γκι;

• Σαρ νταλίκ τε βοηθισαράς αμαρέ αναβά τα αμαρέ αμαλέν τε ακχιαρέν ε αποφάσεις κάι λιάμ εμπούκα γιορτιένγκε;

• Σαρ τζανές ότι ο Ιεχωβά μανγκέλ τε αβάς σεβινμίσι τα τε νακχαάς λατσσές;

ΚΕΡ ΕΡΕΥΝΑ

Ντικ εμπούκα γιορτίες κάι ιν κερέν ε Χριστιανοί.

«Γιατί Δεν Γιορτάζουν οι Μάρτυρες του Ιεχωβά Κάποιες Συγκεκριμένες Γιορτές;» (Άρθρο κάι ο ιστότοπο)

Σικλό σταρ λόγους κάι αμέν πακιάς ότι ε γενέθλια πφαγκέν ε Ντεβλέσκο γκι.

«Γιατί Δεν Γιορτάζουν Γενέθλια οι Μάρτυρες του Ιεχωβά;» (Άρθρο κάι ο ιστότοπο)

Ντικχέν σαρ νταλίκ ε χουρντέ κάι μανγκέν ε Ιεχωβάς τε κερέν Λέσκο γκι κάνα γιορτασαρέν ε μανουσά.

Είστε Πολύτιμοι για τον Ιεχωβά (11:35)

Μιλιόνορα Χριστιανοί διαλεξαρντέ τε να κερέν Χριστούγεννα. Σαρ αβέλ-λένγκε η απόφαση κάι λιέ;

«Βρήκαν Κάτι Καλύτερο» (Η Σκοπιά 1 Δεκεμβρίου 2012)