Лука

21 О Исусо шутя сама, сар и барвалэ шон ловэ андэ кувшыноря*. 2 И, кала во додиқля еқа чорора ԥивля, сави шутя интя дуй хурдорэ манетки*, 3 во ԥэндя: «Чаче ԥэнав тумэнди: кадэя чороры ԥивли стодя май бут, чем всаворэ кодэла мануша. 4 Важ кода кай вонэ отдэнас кода, со ашэляпэ, ай вой, хоть и жувэл чорорэс, отдя вся, со латэ сас важ и жызня».

5 Ӷэт май интя, кала дэсавэ дэнас дума пала қандири, пала кода, кай вой стерди анда шукарнэ бара и кай о миро интя анэн лэ Дэвлэсти сомнак и авэр подаркоря, 6 о Исусо ԥэндя: «Авэла время, кала кодэлэстар, со тумэ катэ диқэн, на ашэлапэ и бар пэ барэстэ, вся авэла розмардо». 7 Лэстар пушлэ: «Учителё, кала када авэла и пар со можно тэ полас, кай када лэла тэ терэлпэ?» 8 Во ԥэндя: «Диқэн, кай тумэн тэ на обдилярэн, важ кода кай бут ко авэла мэрнэ алавэстар и лэла тэ ԥэнэн: „Када мэ“, ай кадяжэ „И время пашэ“. На́ ԥирэн пала лэндэ. 9 И кала ашунэна, кай жал маримос* и о миро терэл бида*, на́ даран. Важ кода кай вся када трэбуй тэ терэлпэ спэрва, но вся прожала най сразу».

10 Тоди во ԥэндя: «Ек народо жала войнаса* пэ авэр народо, и о царство — пэ авэр царство. 11 Лэла фартэ тэ тинойпэ и ԥув*, и андэ разни краёря авэла боқалимос и мэримос лэ насвалимастар. О миро лэла тэ диқэл, кай терэлпэ страшнимос, ай кадяжэ додиқэла ашунглэ и удивительни чудеса па небо.

12 Но англа кода сар вся када терэлапэ, о миро лэла тэ ӷоний тумэн, и мануша лэна тэ хутилэн тумэн, тэ андярэн по сындо* и тэ шон андо баруно. Через мэрно алав тумэн андярэна каринг и барэ мануша и каринг и барэдэра. 13 Тоди тумэ сможэте тэ росԥэнэн, андэр со тумэ патян*. 14 Но на́ обгиндон май данглал, сар лэна тэ зашонпэ пала пэстэ, 15 важ кода кай мэ потԥэнава тумэнди, сар годявэрнэс тэ дэн дума*, кай дажэ всаворэ тумарэ вороӷоря, если стидэнапэ вместе, нисо не смоӷут ни тэ стерэн против тумэндэ, ни тэ ԥэнэн. 16 Тумэн лэна тэ придэн* дажэ и родителя, и ԥрала, о родо и друӷоря, и дэсавэн андар тумэндэ умарэна. 17 И всаворэ лэна тэ вэрыцын тумэн через мэрно алав. 18 Но ни ек бал па тумаро шэро на пэрэла. 19 Тумэ спасынапэ*, если ашэнапэ састэ андэ ԥари время.

20 Кала тумэ диқэна, кай о Иерусалимо окружысардэ бут халавдэ, ӷанэн: ӥто лэстар нисо на ашэлапэ*. 21 Тоди кодэла, ко андэ Иуде́я, мэк нашэн андэ плая; кодэла, ко андо форо, мэк вижан андар лэстэ, ай кодэла, ко найдур лэ форостар, мэк на́ зажан андэр лэстэ, 22 важ кода кай тоди авэла время важ о справедливо сындо*, кай вся тэ ашэл кадя, сар пистромэ. 23 Сар дэ ԥарэс авэла андэ кодэла деса лэ жувлянди, савэ аштярэн бэятос, и лэ манушнянди, савэ праварэн лэ колинэса! Важ кода кай пэ кадэла краёря авэла бут ԥаримос и бида, и о Дэл спушэла кадэлэ народостар. 24 Дэсавэн зашынэна шуряса, аврэн стерэна рабонэнца и ундярэна андэ разни краёря*. И народоря* лэна тэ топчин о Иерусалимо, пока на прожала лэ народонэндири время*.

25 По қам, по шон и пэ черӷая лэла тэ терэлпэ варисо необычно, ай пэ ԥув о миро лэла тэ мучийпэ, кай на ӷанэн каринг тэ дэл, важ кода кай и моря лэла тэ рэвий и тэ бурлий. 26 И мануша лэна кадя тэ даран и тэ пережывают кодэлэстар, со авэла ла ԥувьяса, кай дажэ лэна тэ хасарэн и сознания, важ кода кай кода, со исин по небо, затинояпэ. 27 И тоди вонэ додиқэна лэ манушэстирэ Шавэс, саво жал андэ туча барэ зорэса и савэстар марэл бари бах. 28 Кала вся када лэла тэ терэлпэ, вивортонпэ и ваздэн и шэрэ, важ кода кай пашэля и время тумэнди тэ спасынпэ».

29 Посли када во призындярдя лэнди примеро: «Диқэн пэ инжырово витка и пэ авэр витки. 30 Кала тумэ диқэн, кай вонэ лэн тэ розмэкэнпэ, тумэ полэн, кай о милай ужэ пашэ. 31 Точно кадя жэ, кала тумэ диқэна, кай вся када терэлпэ, ӷанэн, кай пашэ и время, кала залэла тэ правий лэ Дэвлэско Царство. 32 Чаче ԥэнав тумэнди: на прожала кадэлэ миростири время, сар вся када авэла. 33 О небо и ԥув на ашэнапэ, но мэрнэ алава ашэнапэ.

34 Следин пала пэстэ, кай тумэнди тэ на авэл ԥарэс бутэ хамастар, бутэ пимастар и разнона* дилатар и кай кадэва дес неожыдано тэ на астарэл тумэн, 35 сар ловушка. Важ кода кай во авэла неожыдано важ всаворэ пэ ԥув. 36 Кочай отшон и линдра и вся и время анда ди мангэнпэ, кай тэ фэринпэ всаворэстар, со трэбуй тэ авэл, и тэ авэн ӷотови тэ тердён англа лэ манушэско Шаво».

37 Десэ о Исусо сытярэлас андэ қандири, ай вечером ужалас тэ ратярэл по Масли́чно плай*. 38 И жы анда тэсара вся о народо стидэласпэ андэ қандири, кай тэ ашунэл лэс.