Андэ Библия амэ адиносарас пала бут лэ Дэвлэстирэ служытеля, савэ терэнас бари дила. Но дажэ со май зоралэ андар лэндэ дэкала чуствовали, кай вонэ слаби. Например, о царё Давидо дэкала чуствовал, кай во зорало, сар плай, ай дэкала лэсти сас страшно (Пс. 30:7). Хоть через лэ Дэвлэско духо о Самсоно сас фартэ зорало, во полэлас, кай би лэ Иеговастирэ зорэско во ашэла слабо и авэла сар всаворэ обычни мануша (Суд. 14:5, 6; 16:17). Кадэла предани лэ Дэвлэстирэ служытеля сас зоралэ кати важ кода, кай кацавэнца лэн терэлас о Иегова. О апостало Павло тожэ полэлас, кай лэсти трэбуй зор лэ Иеговастар (2 Кр. 12:9, 10). Лэстэ сас проблемы лэ зорэса (Гал. 4:13, 14). Дэкала лэсти сас найвушэро тэ андярэл пэс правильно (Римо 7:18, 19). Ай сас время, кала во пережывал и даралас через кода, кай на ӷанэнас, со лэса авэла дальшэ (2 Кр. 1:8, 9). Но андэ кацавэ маменторя о Иегова дэлас лэсти зор. Блаӷодаря кадэлэсти во смоӷ тэ пэрэандярэл всаворэ испытании. w23.10 12, абз. 1, 2

Если амэнди здэлпэ, кай амэндар нинай нисаво лашымос, трэбуй упалэ и упалэ тэ ԥэнас пэсти, кай о Иегова кадя на гиндой пала амэндэ. Важ кода кай во екжэно пэрво ԥэндя, кай камэл тэ дружый амэнца (Иоан. 6:44). Возможно, амэ дажэ на дополас, савэ амэ дэ лашэ. Но о Иегова диқэл амаро ди (2 Лет. 6:30). И если во ԥэнэн, кай любий амэн и кай амэ ашас када, тоди амэ трэбуй тэ патяс кадэлэсти (1 Иоан. 3:19, 20). Жы каринг кода сар тэ уӷанэн лэ Дэвлэско чачимос, дэсавэ витерэнас кацави дила, пала сави лэнди идоси лажаво (1 Пёт. 4:3). Дажэ лэ христианонэн, савэ кандэн лэ Иеговас, можэт тэ цырдэл тэ терэн о найлашымос, и вонэ кадэлэса боринпэ. Ԥэнэн тути тиро ди: «Ту найлашо сан»? Тоди, возможно, тут подритярэла о гиндо, кай кацаво по ди сас и кай авэр лэ Иеговастирэ служытеля, савэ лэсти чалёнас. Например, о апостало Павло умэкэлас и вас через кода, кай во шылияспэ и лэстэ варисо на вижалас тэ стерэл. Важ када во пэр пэстэ ԥэнэнас, кай во бибахтало мануш (Римо 7:24). Да, о Павло каисайля андэ пэстирэ бэзэха и болделя. Но во всаек гиндояс пала пэстэ, кай во «само цыкно анда апосталоря» и само баро ӷрешнико (1 Кр. 15:9; 1 Тим. 1:15). w24.03 27, абз. 5, 6

Со ту можэш тэ терэс, кай тэ на шылиспэ кадя, сар о царё Иоасо? Витидэ друӷонэн, савэ авэна важ тутэ лашо примеро. Кацавэ мануша любин лэ Иеговас и терэн кода, состар лошавэл лэско ди. И друӷоря необязательно трэбуй тэ авэн андэ тирэ бэрша. Сэр, кай о Иоасо сас пэ бутэстэ май тэрно, чем лэско друӷо о Иодаё. Кай тэ полэс, савэ тутэ друӷоря, пуш пэстар: «Поможый манди кадэя дружба май фартэ тэ патяв андо Иегова? Старыинпэ мэрнэ друӷоря тэ кандэн лэ Иеговас и поможын вонэ манди тэ терав кадя жэ? Чалёл лэнди тэ дэн дума пала Иегова и пала чачимос? Дицол, кай вонэ стон патив пэ лэ Дэвлэско законо? Ԥэнэн вонэ манди кати кода, со мэ камав тэ ашунав? Ай если ман лэла тэ одындярэл андэ риг лэ Иеговастар, хутилэла лэндэ смилость тэ ԥэнэн манди пала када?» (Прит. 27:5, 6, 17). Ԥэнаса ворта: если тирэ друӷоря на любин лэ Иеговас, вонэ тути на трэбуй. Но если тирэ друӷоря любин лэ Иеговас, ритярдювпэ пала лэндэ. Лэнца ту састэс тердёса пэ лэ Иеговаско дром! (Прит. 13:20). w23.09 9, абз. 6, 7