Иоано
10 О Исусо ԥэндя: «Чаче ԥэнав тумэнди: кодэва, ко зажал андэ лэ бакрэнго заӷоно най через и калитка, ай зажал интя аврэ ҭанэстэ, — чор и чордэӷари. 2 Ай кодэва, ко зажал через и калитка, — пастухо по стадо. 3 О сторожо ԥэрнавэл лэсти и калитка, ай и бакрэ ашунэн лэско ӷолосо. О пастухо ақарэл пэстирэ бакрэн па алавэстэ и виандярэл лэн анда заӷоно. 4 Кала во виандярэл всаворэ́ бакрэн, во жал англа лэндэ, ай и бакрэ жан пала лэстэ, важ кода кай ӷанэн лэско ӷолосо. 5 Пала чужо и бакрэ никала на жана, вонэ занашэна лэстар, важ кода кай на ӷанэн лэско ӷолосо». 6 О Исусо призындярдя лэнди кадэва примеро, но вонэ на полинэ, пала со во дэлас дума.
7 Важ када о Исусо инке ля тэ дэл дума: «Чаче ԥэнав тумэнди: мэ — калитка важ и бакрэ. 8 Всаворэ, ко авэлас и видэлас пэс вместо мандэ, — чора и чордэӷаря. Но и бакрэ лэн на ашунэнас. 9 Мэ — калитка. Ко зажал через мандэ, во спасыяпэ. Во зажала и вижала и арақэла мал важ и бакрэ. 10 О чор авэл кати важ кода, кай тэ чорэл, тэ умарэл и тэ розмарэл. Мэ авелэм, кай и бакрэ тэ лэн и жызня и тэ жувэн вечно. 11 Мэ — лашо пастухо. О лашо пастухо отдэл пэстири жызня важ и бакрэ. 12 Ай о бутярно, саво наймисардо, кала додиқэл лэ рувэс, мэкэл лэ бакрэн и занашэлтар, важ кода кай во най пастухо, ай и бакрэ най лэстирэ. О рув астарэл лэ бакрэн и роздаравэл о стадо. 13 Кацавэ манушэсти всаек, со авэла лэ бакрэнца, важ кода кай лэс просто наймисардэ. 14 Мэ — лашо пастухо. Мэ ӷанав мэрнэ бакрэн, ай мэрнэ бакрэ ӷанэн ман, 15 кадя жэ сар о Дад ӷанэн ман, ай мэ ӷанав лэ Дадэс. И мэ отдав пэстири жызня важ и бакрэ.
16 Мандэ исин и авэр бакрэ, най анда кадэва заӷоно. Лэн мэ тожэ трэбуй тэ анав. Вонэ лэна тэ ашунэн мэрно ӷолосо, и авэла ек стадо и ек пастухо. 17 Мэ отдав пэстири жызня, кай упалэ тэ жував. Кочай о Дад и любий ман. 18 Нико на одлэл мандар и жызня — мэ екжэно ла отдав. Мэ моӷу тэ отдав ла и моӷу тэ залав ла палпалэ. Када приԥэндо манди лэ Дадэстар».
19 Через кадэла алава и иудеёря упалэ на зжылэпэ андо гиндо. 20 Бут ко андар лэндэ ԥэнэнас: «Андэр лэстэ о найвужо, и во диляйля. Со тумэ лэс ашунэн?» 21 Ай авэр ԥэнэнас: «Кодэва, андэр кастэ о найвужо, кадя на диноп дума. Хэба можэт о найвужо тэ исцэлий лэ корэс?»
22 Андэ кодэя время андо Иерусалимо прожалас ла Вужя қандиряко празнико. Сас ӥвэн, 23 и о Исусо ԥирэлас андэ қандири па лэ Саламоностири веранда. 24 И иудеёря окружысардэ лэс и линэ тэ ԥэнэн лэсти: «Скати инке ту на лэса тэ ԥэнэс ворта? Если ту Христос, кадя и ԥэн». 25 О Исусо ԥэндя лэнди: «Мэ ԥэндэм тумэнди, но тумэ на патян. И дила, сави мэ терав мэрнэ Дадэстар*, сыкавэл, ко мэ. 26 Но тумэ на патян, важ кода кай тумэ най мэрнэ бакрэ. 27 Мэрнэ бакрэ ашунэн мэрно ӷолосо. Мэ ӷанав лэн, и вонэ кандэн ман*. 28 Мэ дав лэнди вечно жызня, и вонэ никала на хындёна. Нико на одлэла лэн мандар*. 29 Кодэла, кас манди дя мэрно Дад, май куч всаворэстар, и никастэ на вижала тэ одлэл лэн лэ Дадэстар. 30 Мэ и о Дад — сар ек*».
31 И иудеёря упалэ тай хутилэн и бара, кай тэ помарэн лэс. 32 Тоди о Исусо ԥэндя лэнди: «Мэ стердэм англа тумэндэ бут лашымос, саво ԥэндя манди тэ стерав о Дад. Важ сави мэрни лащи дила тумэ камэн тэ помарэн ман барэнца?» 33 И иудеёря ԥэндэ лэсти: «Амэ камас тэ помарас тут барэнца най важ и лащи дила, ай важ кода, кай ту андярэс найпативали дума по Дэл, кала вистос пэс дэвлэса». 34 Пэ када о Исусо ԥэндя лэнди: «Хэба най андэ тумаро законо пистромэ: „Мэ ԥэндэм: ‚Тумэ дэвла́*‘“? 35 О Дэл ԥэндя ‚дэвла́‘ пэ кодэла, кас лэско законо прижанэнас дошалэнца, ай кода, со пистромэ андэ Свынти Лила, нащи тэ парувэн. 36 Ай мэ ԥэндэм, кай мэ лэ Дэвлэско Шаво. Тоди васо тумэ ԥэнэн манди — кодэлэсти, кас о Дад отделисардя важ и особо дила и бишалдя андэ люма: „Ту андярэс найпативали дума по Дэл“? 37 Если мэ на терав мэрнэ Дадэстири дила, на́ патян манди. 38 Ай если мэ терав лэстири дила, тоди, сар на патян манди, патян хоть мэрня дилати. И тумэ уӷанэна и май драго полэна, кай лэ Дадэстэ ек гиндо манца и мандэ ек гиндо лэ Дадэса». 39 Посли кадэла алава вонэ инке еқвар камлэ лэс тэ астарэн, но во фэрисайля лэндар.
40 Потом о Исусо упалэ лагля пэ авэр береӷо пэ лэн Ярда́но, интя, кай варикала болэлас о Иоа́но, и ашэласпэ котэ. 41 Лэстэ авэнас бут мануша. Вонэ ԥэнэнас: «Хоть о Иоа́но и на стердя ни ек чуда, вся, со во росԥэнэнас пала кадэва мануш, — чачимос». 42 И бут ко патяя андо Исусо.