2 Каринфо
7 Ни акэ, кучутнэ ԥрала, важ кода, кай о Дэл солахадя амэнди, давайте ашаса вужэ всаворэстар, со мэлярэл* и тила и о гиндо, и через и дар англа Дэл ласа тэ терас вся, кай тэ авас инке май свынти.
2 Мэкэн амэн андэ пэско ди. Амэ никасти на стердям вэрыто, никас на змардям па правильно дром и никас на дилярдям пэ пэско вас. 3 Ԥэнав када, най кай тэ цыписавав пэр тумэндэ. Важ кода кай мэ ужэ ԥэндэм, кай, жувас амэ или мэрас, тумэ амэндэ андо ди. 4 Мэ моӷу тэ дав дума тумэнца сар исин. Мэ абуросарав тумэнца. Манди по ди ашэля май вушэро, и мэ фартэ лошавав, хоть амэндэ исин най ек бида.
5 Кала амэ авелям андэ Македо́ния, амэнди на сас покоё, но амэ самас затасадэ всаворэ́ ригэндар: амэнца борияспэ о миро, ай андо ди сас дар. 6 Но о Дэл, саво придэл зор кодэлэнди, ко умэкля и вас, стердя амэнди май вушэро по ди кодэлэса, кай амэнца сас о Ти́то. 7 Ай инке амэнди ашэля по ди май вушэро кодэлэстар, со во пэрэдя тумэндар. Во росԥэндя амэнди, кай тумэ камэн ман тэ диқэн, кай тумэндэ фартэ ровэл оди и кай тумэ па чачимастэ пережываете пала мандэ. Тоди мэ лэм инке май фартэ тэ лошавав.
8 Ни акэ, если тумаро ди ровэл через мэрно письмо, тоди ман оди на хал пала када. Дажэ если спэрва ман и халас оди (важ кода кай кодэлэстар, со мэ пистросардэм, тумэ помэклэ о муй, хоть и найпэдолӷонэстэ), 9 акана мэ лошавав. Но мэ лошавав най кодэлэстар, кай тумаро ди ровэлас, ай кай через када тумэ каисайлэ. Ай амарэ алавэндар тумэнди на ашэля вэрыто, важ кода кай тумаро ди ровэлас кадя, сар уӷодно лэ Дэвлэсти. 10 Кала лэ манушэстэ оди ровэл кадя, сар уӷодно лэ Дэвлэсти, тоди во каияпэ, и када поможыя лэсти тэ спасыйпэ, и лэс пала када будэр на хала оди. Ай кала лэ манушэстэ оди ровэл кадя, сар андэ кадэя люма, када андярэл каринг и смэрть. 11 Диқэн, саво лашымос исин кодэлэстар, кай тумаро ди ровэлас кадя, сар уӷодно лэ Дэвлэсти: тумэ анда ди линэ тэ старыинпэ, закамлэ тэ ашэн вужэ, холяйлэ пэр пэстэ, линэ тэ даран лэ Дэвлэстар, пристодэ бут зор и хваткаса линэ вся тэ парувэн! Тумэ андэ вся сыкадэ, кай вужэ андэ кадэя дила. 12 Мэ пистросардэм тумэнди най важ кодэва, ко стердя бэзэх, и най важ кодэва, касти сас ԥарэс через о бэзэх. Кадя дицэля акэ со: тумэ англа Дэл пристон вся о зор, кай тэ приашундён каринг амэндэ. 13 Акэ васо амэнди по ди ашэля май вушэро.
Но инке май фартэ амэ лям тэ лошавас, кала диқлям, саво дэ лошало о Ти́то, важ кода кай всаворэ тумэ придинэ лэсти зор. 14 Мэ ԥэндэм лашо алав пала тумэндэ лэ Титости, и манди на ашэля лажаво важ када. Амари лащи дума пала тумэндэ сас чачуни, сар чаче сас вся, со амэ ԥэнасас тумэнди. 15 Тай инке во лэл май фартэ тэ любий тумэн, кала лэсти авэл по гиндо, сар тумэ кандэн и сар тумэ дараса и пативаса шутэ лэс сама. 16 Мэ лошавав, кай моӷу всаворэ́ одеса тэ патяв тумэнди.