Матфеё

28 Прожыля и субота, и андо пэрво лэ куртеско дес, кала ля тэ сирой, и Мария Магдали́на и авэр Мария авелэ тэ диқэн и моӷилка.

2 Котэ фартэ пэрэтиносайля и ԥув, важ кода кай па небо змэкляпэ лэ Иеговаско* анӷело. Во откотисардя о бар ла моӷилкатар и акана бэшэлас пэр лэстэ. 3 О анӷело дицолас сар молния, ай лэстири ӥда сас парни, сар ӥв. 4 Кала лэс додиқлэ и халавдэ, вонэ затиносайлэ даратар и замулинэ*.

5 О анӷело ԥэндя лэ жувлянди: «На́ даран. Мэ ӷанав, кай тумэ родэн лэ Исусос, савэс казнисардэ по столбо. 6 Лэс катэ нинай, важ кода кай во жунделя, сар и ԥэнэнас. Жан и диқэн о ҭан, кай во пашлёлас. 7 И май ӥто жан, пэрэдэн лэстирэ учениконэнди, кай во жунделя, и ԥэнэн лэнди: „Во лэла тэ аштярэл тумэн андэ Галиле́я. Тумэ диқэна лэс котэ“. На́ бистрэн, со мэ тумэнди ԥэндэм».

8 И жувля грабисайлэ тэ ужан котар, и, хоть лэн ля и дар и вонэ сас фартэ лошалэ, вонэ прастае тэ росԥэнэн пала вся лэ Исусостирэ учениконэнди. 9 И катэ па дром вонэ тай додиқэн лэ Исусос, и во задя дума* лэнца. Вонэ поджылэ каринг лэстэ, хутилделэ пала лэстирэ пэрнэ и тэлелэ лэсти. 10 Тоди о Исусо ԥэндя: «На́ даран! Жан и ԥэнэн мэрнэ ԥралэнди, кай вонэ тэ жан андэ Галиле́я. Котэ вонэ диқэна ман».

11 Пока вонэ сас андо дром, дэсавэ халавдэ жылэ андо форо и росԥэндэ лэ барэ рашанди пала вся, со тердяпэ. 12 И барэ рашая стидэ́пэ лэ барэдэрэнца, подинэ дума пала када, динэ лэ халавдэнди бут ловэ* 13 и ԥэндэ: «Ԥэнэн кадя: „Лэстирэ ученикоря авелэ и рят и, пока амэ совасас, вичордэ и тила“. 14 Ай если пала када уӷанэна о правителё, тоди не пережывайте: амэ лэсти вся росԥэнаса*». 15 И халавдэ линэ и ловэ и стердэ кадя, сар лэнди ԥэндэ. И кадэва хохаимос идоси ԥирэл машкар евреёря.

16 Ай и 11 ученикоря жылэ андэ Галиле́я, пэ кодэва плай, пала саво ԥэндя о Исусо. 17 Вонэ додиқлэ лэ Исусос и тэлелэ лэсти, хоть дэсавэнди на патяласпэ, кай када во. 18 О Исусо поджыля каринг лэндэ и ԥэндя: «Манди дино вся о право тэ хулаисарав по небо и пэ ԥув. 19 Важ када жан каринг всаворэ народоря, поможын лэ манушэнди тэ андярэн мэрни время* и болэн лэ учениконэн, если прижанэн лэ Дадэс, лэ Шавэс и о свынто зор*, 20 ай кадяжэ сытярэн лэн тэ терэн вся, со мэ тумэнди приԥэндэм*. И мэ авава тумэнца кажно дес, пока кадэя люма на парашэла тэ авэл*».