Лука

11 Еқвар о Исусо мангэласпэ, ай кала парашэля, ек анда ученикоря мангля лэс: «Учителё*, сытяр амэн тэ мангэспэ, кадя жэ сар о Иоа́но сытярдя пэстирэ учениконэн».

2 Во ԥэндя: «Кала мангэнпэ, ԥэнэн: „Дад, мэк тиро алав авэл свынто*. Мэк правий тиро Царство. 3 Кажно дес дэ амэнди марно, скати трэбуй по дес. 4 Простисар амэнди амарэ бэзэха, важ кода кай и амэ простисарас всаворэн, ко амэнди вужылэ. И поможысар амэнди тэ на подаспэ лэ бэзэхэсти“».

5 Потом во ԥэндя лэнди: «Прецтавьте, кай тумэ авелэ и рят* каринг о друӷо и ԥэнэн лэсти: „Мангав, дэ* манди трин марнэ. 6 Каринг мандэ дурал авеля о друӷо, и манди найсо тэ став лэсти тэ хал“. 7 Ай кодэва мануш дажэ на вижал анда цэр и ԥэнэн тумэнди: „Дэ манди тэ отцыював. И вудара ужэ ԥандадэ, и амэ пашлювас лэ бэятонэнца андо ҭан. Мэ не моӷу тэ ущяв и тэ дав тути марно“. 8 Ԥэнав тумэнди: дажэ если во на ущела и нисо на дэла лэсти сар друӷости, то ущела и дэла вся, со лэсти трэбуй, через кода, кай во на парашэл тэ мангэл. 9 И акэ, ԥэнав тумэнди: мангэн — и тумэнди дэна, родэн — и виарақэна, стучин — и тумэнди ԥэрнавэна, 10 важ кода кай ко мангэл — лэсти дэн, ко родэл — виарақэл и ко стучий — лэсти ԥэрнавэна. 11 Саво дад дэла пэстирэ шавэсти сапэс, если во мангэла лэстар мащё? 12 Или дэла лэсти скарпионос, если во мангэла парноро? 13 Ни акэ, если тумэ, бэзэхэстирэ мануша, ӷанэн тэ терэн пэстирэ бэятонэнди лашэ подаркоря, тоди уж точно о небесно Дад дэла свынто зор кодэлэнди, ко мангэл лэстар!»

14 Ӷэт май интя о Исусо видарадя анда ек мануш лэ найвужэс, лэ мутонэндирэ хулас. Кала о найвужо вижыля, о муто мануш задя дума, и о миро удивисайля. 15 Но дэсавэ ԥэндэ: «Во видаравэл лэ найвужэн лэ Сатанастирэ* зорэса, саво лэ найвужэнго правителё». 16 Ай авэр, кай тэ випушэн лэс годятар, линэ тэ мангэн лэстар чуда па небо. 17 О Исусо ӷанэнас, пала со вонэ гиндон, и важ када ԥэндя лэнди: «Любо царство, андэ саво и мануша вороӷуин ек еқэса, авэла розмардо, и о цэр, андэ саво и мануша вороӷуин ек еқэса, на уприя. 18 И если о Сатана вороӷуий корко пэса, тоди сар уприя лэско царство? Важ кода кай тумэ ԥэнэн, кай мэ видаравав лэ найвужэн лэ Сатанастирэ зорэса. 19 Если мэ видаравав лэ найвужэн лэ Сатанастирэ зорэса, тоди кастирэ зорэса видаравэн лэн тумарэ ученикоря? Акэ вонэ и виандярэна тумэнди сындо. 20 Ай если мэ видаравав лэ найвужэн лэ Дэвлэстирэ зорэса*, вижал, лэ Дэвлэско Царство авеля, ай тумэ када на полинэ*. 21 Если о зорало мануш баря шуряса и щитоса фэрий пэско цэр, лэско хабэ нико на росчорэла. 22 Но если пэр лэстэ дэла кодэва, ко май зорало, и победия, тоди во залэла лэстар и шури, и о щито, пэ савэ надеияспэ о хулай, и розделия аврэнца вся, со заля. 23 Ко най манца, во против мандэ, и ко на стидэл манца, во росшол*.

24 Кала о найвужо вижал анда мануш, во жал па пустыни* и родэл пэсти ҭан, но, кала нисо на арақэл, во ԥэнэн: „Рисавава андо цэр, анда саво мэ вижылэм“. 25 Во авэл и диқэл, кай андо цэр вишуладо и вурядо. 26 Тоди во жал и арақэл семь аврэ найвужэн, савэ май вэрыти лэстар. Вонэ зажан андэ кодэва цэр и ашэнпэ котэ тэ жувэн. И лэ манушэсти ашэл инке май вэрыто, чем сас спэрва».

27 Кала о Исусо ԥэнэнас када, ек манушни анда толпа ӷромко ԥэндя: «Бахтали кодэя, ко ԥиравэлас тут тала ди и праварэлас лэ колинэса!» 28 Но во ԥэндя: «Най, бахталэ кодэла, ко ашунэл о алав лэ Дэвлэстар и терэл кадя, сар во ԥэнэн*!»

29 Лэ манушэн ашэлас со май бут, и во ля тэ ԥэнэн: «Кадэла времяко миро — найлашо. Во мангэл чуда, но во диқэла кати ек чуда — кода, со сас лэ Ёнаса. 30 Сар кода, со сас лэ Ёнаса, ашэля чуда важ и мануша андэ Нине́вия, кадя и кода, со авэла лэ манушэстирэ Шавэса, ашэла чуда важ кадэла времяко миро. 31 Кала авэла время важ о сындо, вместе кадэла времятирэ мироса жундёла и южно царица и виандярэла лэсти о сындо, важ кода кай вой авеля ӷаласвета, кай тэ ашунэл лэ Саламоностири годявэрни дума. Но катэ кодэва, ко май баро лэ Саламоностар. 32 Кала авэла время важ о сындо, вместе кадэла времятирэ мироса жундёна и мануша анда Нине́вия и виандярэна лэсти о сындо, важ кода кай вонэ каисайлэ, кала ашундэ и новость, сави росԥэнэнас о Ёна. Но катэ кодэва, ко май баро лэ Ёнастар. 33 Кала дэн яг и лампа, ла на гаравэн или на стон тала корзина. Ла стон по видно ҭан*, кай кодэла, ко зажал андо цэр, тэ диқэн о свето. 34 Лампа важ и тила — када и яқа. Если тирэ яқа диқэн пэ варисо ек*, тоди вся тири тила лэла тэ светийпэ, ай если тирэ яқа завидуин*, тоди андэ тири тила авэла тэмно. 35 Важ када дик, кай о свето, саво тутар марэл, тэ на ашэл тэмнотаса. 36 Ни акэ, если вся тири тила лэла тэ светийпэ и андэр латэ никай на авэла тэмнота, тоди вой авэла кацави жэ ярко, сар и о свето ла лампатар».

37 Кала о Исусо парашэля тэ дэл дума, ек фарисеё ақардя лэс каринг пэстэ тэ хан. О Исусо авеля лэстэ андо цэр и бэшля* пала столо. 38 Кала о фарисеё додиқля, кай о Исусо на халадя и вас*, англа кода сар тэ бэшэл тэ хал, во удивисайля. 39 Но о Исусо* ԥэндя лэсти: «Тумэ, фарисеёря, вихалавэн о стакано и о тэляри упрал, но андрэ тумаро ди фартэ чорымаско* и найлашо. 40 Найгодявэрнэ мануша! Хэба тумэ на ӷанэн, кай кодэва, ко стердя и тила*, кадяжэ стердя и оди*? 41 Кала тумэ поможын лэ чорорэнди*, када трэбуй тэ жал андрал, анда ди, и тоди тумэ андэ вся авэна вужэ. 42 Но бида тумэнди, фарисеёря, важ кода кай тумэ дэн десято часть па зэлэнь и па всаворэ авэр чаря*, но бистрэн тэ авэн справедливи и тэ любин лэ Дэвлэс! И када тумэ трэбуй тэ терэн, и пала авэр тэ на бистрэн. 43 Бида тумэнди, фарисеёря, важ кода кай тумэнди чалёл тэ бэшэн англал* андэ синагоги и тумэ любин, кала тумэн шон сама* пэ базароря*! 44 Бида тумэнди, важ кода кай тумэ шонпэ пэ моӷилки, савэ нисар на дицон! И мануша ԥирэн пар лэндэ и дажэ на ӷанэн пала када».

45 Тоди ек анда законикоря ԥэндя лэсти: «Учителё, кацавя думаса ту и пала амэндэ найпативалэс дэс дума». 46 Ай во ԥэндя: «Бида и тумэнди, законикоря, важ кода кай тумэ шон пэ мануша о ԥаримос, саво най па лэнго зор, ай екжэнэ и наеса на лэнпэ, кай тэ стерэн лэс май вушэро!

47 Бида тумэнди, важ кода кай тумэ терэн моӷилки лэ Дэвлэстирэ особонэ манушэнди, савэн умардэ тумарэ ԥурэ! 48 Тумэ ӷанэн пала лэндири дила, и всаек лэндири дила уӷодно тумэнди. Вонэ умарэнас лэ Дэвлэстирэ особонэ манушэн, ай тумэ терэн моӷилки кадэлэ манушэнди. 49 Важ када о Дэл, саво само годявэрно, ԥэндя: „Бишалава каринг лэндэ лэ Дэвлэстирэ особонэ манушэн и лэ апосталонэн. Дэкас вонэ умарэна, ай дэкас лэна тэ ӷонин. 50 И кадэла времятирэ миростар спушэна пала кода, кай умардэ лэ Дэвлэстирэ особонэ манушэн кодэла времятар, сар появисайля о миро: 51 кодэлэстар, кала умардэ лэ Авелёс, жы каринг кода, кала умардэ лэ Захарияс машкар о жэртвенико и лэ Дэвлэско цэр“. Ԥэнав тумэнди: кадэла времятирэ миростар спушэна пала вся када.

52 Бида тумэнди, законикоря, важ кода кай тумэ залинэ и тия, сави дэл тэ ӷанэн о чачимос! Тумэ екжэнэ на зажылэ и кодэлэн, ко камэл тэ зажал, на мэкэн».

53 Кала о Исусо вижыля анда цэр, и законикоря и фарисеёря линэ тэ толпинпэ круӷом лэстэ и тэ задэн бут вопросоря, 54 кай тэ астарэн лэс по алав.