Калосы

2 Камав, кай тумэ тэ ӷанэн, сар дэ фартэ мэ борисавав важ тумэндэ и важ кодэла, ко андо Лади́кия, ай кадяжэ важ всаворэ, ко ман на ӷанэн. 2 Мэ терав када, кай тумэнди всаворэнди тэ ашэл май вушэро по ди, кай тумэ тэ любин ек еқэс и кадя тэ авэл тумэндэ ек гиндо, ай кадяжэ кай тэ дорэсэлпэ тумэнди о барвалимос — када тэ полэн о чачимос пала лэ Дэвлэстири свынто тайна. И тумэ патян, кай вся полэн и точно ӷанэн. Ай о чачимос, саво згарадя о Дэл, — када о Христос. 3 Через лэстэ амэ можэм тэ полас вся, со годявэрно, и кода, со ӷанэн о Дэл. Када сар кучутно загарадо сомнак. 4 Ԥэнав пала када, кай нико тэ на опхохавэл тумэн через и хытро дума. 5 Хоть мэ дур тумэндар, андо гиндо мэ тумэнца, и мэ лошавав, кала ӷанав, кай тумэндэ андэ вся исин порядко и кай тумэ састэс патян андо Христос.

6 Ни акэ, если тумэ патяе андо Христос Исусо, андо Баро Хулай, на́ парашэн тэ терэн сар во. 7 Инке, сар ла виткако корнё, састэс ритярдён пала кода, кай патян андо Христос, на́ парашэн тэ лэн зор лэстар и авэн састэ андо патяимос, сар тумэн и сытярдэ. Ай кадяжэ вся и время блаӷодарин лэ Дэвлэс.

8 Диқэн, кай нико тэ на ашэл хуласа пэр тумэндэ через кадэлэ мироско гиндо и через евутни и хохавни дума. Када ритярдёл пэ лэ манушэндирэ традицыи, пэ кадэлэ мироско законо, ай най пэ кода, сости сытярэлас о Христос. 9 Важ кода кай во андэ вся сыкадя, саво о Дэл. 10 Кочай через лэстэ, через кодэва, ко хулай пэ всаворэ правителя и барэдэра, тумэнди лэла вся тэ хутилэл. 11 И важ кода кай тумэ патян андэр лэстэ, тумэ сас опшындэ, но най лэ манушэндирэ вастэнца. Када стердо, кай будэр тэ на авэл тумэндэ лэ бэзэхэстири тила и кай тумэ тэ андярэн лэ Христостири время. 12 Тумэн притидэ́ лэса, кала тумэ болделэ кадя жэ, сар и во, и лэса тумэ сас жундярдэ важ кода, кай тумэндэ ек гиндо лэса и кай тумэ патян андэ лэ Дэвлэско зор, саво лэс жундярдя.

13 Варикала тумэ сас мулэ через пэстири дила и кай сас найопшындэ, но о Дэл жундярдя тумэн вместе лэса. Во анда ди простисардя амэнди вся, андэр со амэ шылисайлям, 14 и стрисардя о законо, саво сас против амэндэ. О Дэл уля кадэва законо, кала примардя лэс каринг о столбо. 15 Кадя во биросардя лэ правителёнэн и лэ барэдэрэн и англа всаворэ сыкадя, кай победисардя лэн, кала шукарнэс проандярдя лэн сар кодэлэн, кас захутилдя пэ война.

16 Важ када никастэ нинай право тэ уԥэнэн, со тумэнди тэ хан и тэ пэн и трэбуй чи най тэ справин тумэнди кажно бэрш и празникоря, лэ нэвэ шонэско празнико или и субота. 17 Вся када — сар тень сыкавэлас кода, со трэбуй сас тэ авэл англэ, но со па чачимастэ исин — када о Христос. 18 На́ домэкэн, кай тумэндар тэ одлэн и блаӷословения. Када моӷут тэ стерэн кодэла, касти чалёл тэ тэлярэн корко пэс англа авэр и тэ полэн лэ анӷелонэн. Кацавэ мануша путён кодэлэса, со вонэ бистэм диқлэ, и вонэ евья заабуросардэ через пэско лэ бэзэхэско гиндо. 19 И кадэла мануша на ритярдён пала шэро* — пала кодэва, ко дэл вся, со трэбуй ла тилати, и ко заставий всаворэ латирэ части шукарнэс тэ сԥандён ек еқэса и тэ ритярдён ек пала ек, и кадя о Дэл пэстирэ зорэса барярэл вся и тила.

20 Если тумэ мулинэ лэ Христоса и пэр тумэндэ акана на хулаий кадэла люмако гиндо, тоди васо тумэ жувэн кадя, ԥэнэса тумэ идоси прижан кадэла люмати*? Васо тумэ на парашэн тэ приритярдён кодэлэсти, со ԥэнэн: 21 «на́ лэ андэ вас», «на́ ха», «на́ лэпэ»? 22 Кацаво ԥэнэнпэ пала кода, со парашэл тэ авэл, кала хан и пэн. Када законо, саво стодэ и мануша и савэсти вонэ сытярэн. 23 И мануша, савэ приритярдён кадэлэсти, екжэнэ витидэн, сар тэ полэн лэ Дэвлэс. Вонэ англа авэр тэлярэн корко пэс и мучин пэстири тила. И хоть кадэва законо здэлпэ годявэрно, па чачимастэ во нисар на поможый, кала варико борийпэ кодэлэса, каринг со цырдэлпэ лэ бэзэхэско ди.