Дила
28 Кала амэ доплывисардям жы каринг о береӷо, амэ уӷанглям, кай по острово ԥэнэн Ма́льта. 2 И мануша котэ фартэ драго обжылэпэ амэнца. Шорэлас брышын и сас шудро, важ када вонэ стодэ яг и ақардэ амэн. 3 О Павло стидя бут каштора и, кала во шолас лэн андэ яг, котар лэ жаростар тай виползый о сап и тай дэндалэл лэс вастэстар. 4 Кала и мануша, савэ жувэн по острово, додиқлэ, кай лэстэ по вас ядовито сап, вонэ линэ тэ дэн дума машкар пэстэ: «Кадэва мануш точно шындимари! Во на тасыля андо паи, но и Справедливость* на домэкэл лэсти тэ жувэл». 5 Но о Павло стиносардя лэ сапэс андэ яг, и кадэлэстар лэстирэ зорэсти на сас вэрыто. 6 Вонэ гиндонас, кай лэстэ шувлёла о вас или во сразу мэрэла. Но посли кода, сар прожыля бут время, вонэ додиқлэ, кай лэса нисо на тердяпэ. Тоди вонэ парудэ пэско гиндо и линэ тэ ԥэнэн, кай во дэл.
7 Найдур жувэлас о правителё по острово, савэс ақарэнас Пу́блиё. Во анда ди шутя сама амэн, и амэ трин дес самас лэстэ. 8 Лэ Публиёско дад пашлёлас андо ҭан, и лэстэ сас температура и дизэнтерия. О Павло зажыля каринг лэстэ, мангляпэ, стодя пэр лэстэ и вас и исцэлисардя лэс. 9 Посли када и авэр мануша па острово, савэ сас насвалэ, авэнас каринг о Павло и вилечинаспэ. 10 Вонэ сыкадэ патив каринг амэндэ, кала андэ́ бут подаркоря и динэ амэнди вся, со трэбуй, кала амэ уладасас па острово.
11 Через трин шон амэ отплывисардям по александрийско кораблё, савэстэ англал сас украшэния «лэ Зевсостирэ шавэ». Кадэва кораблё протерделя о ӥвэн пэ стоянка по острово. 12 Амэ авелям андэ Сираку́зы и ашэлямпэ котэ пэ трин дес. 13 Потом амэ вилаглям и авелям андо Ре́гиё. Через ек дес ԥурдя южно балвал, и ужэ пэ авэр дес амэ самас андэ Путео́лы. 14 Котэ амэ арақлям лэ ԥралэн, и вонэ манглэ амэн тэ ашаспэ лэндэ пэ семь деса, ай потом амэ лаглям андо Ри́мо. 15 Кала и ԥрала анда Ри́мо уӷанглэ, кай амэ авелям, вонэ дожылэ дажэ жы каринг о А́пиево базаро и жы каринг и Трин ӷостиницы, кай тэ диқэнпэ амэнца. Кала о Павло додиқля лэн, во поблаӷодарисардя лэ Дэвлэс и ля зор. 16 Кала амэ авелям андо Ри́мо, лэ Павлости домэклэ тэ жувэл отдельно и стодэ лэ халавдэс тэ сторожый лэс.
17 Через трин дес о Павло ақардя каринг пэстэ барэ манушэн анда евреёря. Кала вонэ стидэ́пэ, во ԥэндя: «Ԥрала, хоть мэ и нисо на стердэм против амаро народо и против амарэ ԥурэндирэ традицыи, андо Иерусалимо ман астардэ и отдинэ лэ римлянонэнди. 18 Вонэ допушлэ ман и камлэ тэ одмэкэн, важ кода кай мэ на стердэм нисо кацаво, важ со ман тэ казнин. 19 И евреёря сас против, важ када манди прижыляпэ тэ мангав, кай ман тэ сындой о ӷлавно римско правителё, но мэ када стердэм най важ кода, кай андэ варисостэ тэ дошалярав мэрнэ народос. 20 Кочай мэ и камлэм тэ диқавпэ тумэнца и тэ подав дума, важ кода кай пэр мандэ шутэ кадэла цэпоря через кодэва, пэр кастэ надеияспэ о Израилё». 21 Вонэ ԥэндэ лэсти: «Амэнди на авеля нисаво письмо анда Иуде́я пала тутэ, да и ԥрала, савэ авэнас котар, на ԥэнэнас пала тутэ нисо вэрыто. 22 Но амэ камас тэ ашунас, со ту екжэно гиндос пала кадэя ситуацыя, важ кода кай всаворэ против кадэя секта».
23 Потом вонэ витидэ́ ек дес, и лэстэ цэрэ авеля инке май бут миро. Во анда тэсара жы каринг о вечеро дэлас дума лэнца и росԥэнэнас пала лэ Дэвлэско Царство. Во састэс обиснияс лэнди пала Исусо анда лэ Маисеёско законо и анда кода, со пистросардэ лэ Дэвлэстирэ особи мануша. 24 Дэсавэ патяе лэсти, ай авэр най. 25 Кадэла мануша на зжылэпэ андэ дума и линэ тэ ужантар.
Тоди о Павло ԥэндя лэнди: «Правильно ԥэнэнас о свынто зор тумарэ ԥурэнди через лэ Дэвлэско особо мануш о Иса́я: 26 „Жа и ԥэн кадэлэ народости: ‚Лэна тэ ашунэн, но на полэна, лэна тэ диқэн, но на додиқэна. 27 Важ кода кай кадэлэ манушэнго ди ашэля баруно, вонэ ашунэн лэ канэнца, но на взвинпэ и корадэ и яқа, кай тэ на диқэн. Вонэ на камэн тэ ашунэн лэ канэнца, тэ полэн лэ одеса и тэ ринпэ каринг мандэ, кай мэ лэн тэ исцэлисарав‘“. 28 Важ када ӷанэн, кай и новость пала лэ Дэвлэстири спасения сас бишалди лэ манушэнди анда авэр народоря, и вонэ приашундёна». 29 ——*
30 Дуй бэрш о Павло жувэлас андо цэр, саво злэлас, и прилэлас пэстэ всаворэн, ко авэлас каринг лэстэ. 31 Во смило росԥэнэнас пала лэ Дэвлэско Царство и сытярэлас пала Баро Хулай пала Исусо Христос, и нико лэсти на мешыияс.