1 Тимафеё

2 Со май пэрво ԥэнав всаворэнди тэ взвинпэ каринг о Дэл, кай тэ мангэн, тэ рудин*, тэ мангэнпэ и тэ блаӷодарин важ бут разни мануша, 2 ай кадяжэ пала царёря и пала всаворэ, кастэ исин право тэ хулаий. Тоди амэ можэм тэ жувас тихо и спокойно, ай кадяжэ андэ вся тэ стас бари патив по Дэл и тэ андярас пэс достойно. 3 Када драго и правильно важ амаро Дэл, саво спасый амэн. 4 Во камэл, кай бут разни мануша тэ уӷанэн о чачимос и тэ спасынпэ. 5 Исин кати ек Дэл и кати ек мануш о Христос Исусо, саво пашарэл лэ мирос каринг о Дэл. 6 Во отдя пэстири жызня и потиндя и цэмин, сави трэбуй сас, кай тэ освободий всаворэн. И пала када авэла росԥэндо, кала поджала и время. 7 Важ када ман и стодэ ходакоса важ лэ Дэвлэстири дила и апосталоса, кай тэ сытярав лэ манушэн анда авэр народоря и тэ поможысарав лэнди тэ патян и тэ ӷанэн о чачимос. Ԥэнав сар исин, на хохавав.

8 Ни акэ, мэк андэ кажно ҭан, кай тумэ стидэнпэ, и мурш, савэ отдинэ пэско ди важ о Дэл, мангэнпэ лэсти и терэн када би холяко и би спороско. 9 Кадяжэ мэк и жувля утидэнпэ стэмошно*, сэжо и годяса. Кай тэ вурядён, лэнди на трэбуй фартэ сложно тэ заплетин и бал, тэ стон пэр пэстэ бут сомнак и жэмчуӷо или тэ лэн фартэ кучутни ӥда. 10 Но, кай тэ авэн шукарнэ, мэк вонэ терэн лащи дила, сар прижал лэ жувлянди, савэ стон бари патив по Дэл.

11 Мэк и жувля, кала сытён, ашэн мулком и мэк кандэн. 12 Мэ на домэкав лэ жувлянди тэ сытярэн и тэ хулаин пэ мурша. Лэнди трэбуй тэ ашэн мулком. 13 Важ кода кай пэрво сас создано о Адамо, ай потом и Ева. 14 И най о Адамо сас обдилярдо, ай и жувли. Када вой сас обдилярди и стердя бэзэх. 15 Но ла жувля лэла тэ фэрий, кала латэ арақадёна бэяцэ, если вой на парашэл тэ патял и тэ любий, ай кадяжэ ашэлпэ свынто и годявэрни*.