1 Пётро

2 Важ када старыинпэ будэр никала тэ на терэн найлашымос, тэ на хохавэн, тэ на притерэнпэ, тэ на завидуин и тэ на дэн дума найпативалэс*. 2 Сар ԥарнэндирэ бэяцэ, старыинпэ тэ цырдэнпэ* каринг о вужо ҭуд — каринг о алав лэ Дэвлэстар, кай через лэстэ тумэ тэ вибарён и тэ спасынпэ, 3 важ кода кай тумэ екжэнэ па пэстири жызня полинэ*, кай лэ Барэ Хуластэ лашо ди.

4 Кала тумэ авэн каринг лэстэ, каринг о жундо бар, саво отшутэ и мануша, но саво витидя о Дэл и саво куч важ лэстэ, 5 андар тумэндэ, анда жундэ бара, строийпэ дэвликуно цэр, кай тумэ тэ авэн лэ рашанго свынто круӷо и через о Исусо Христос тэ анэн и дэвликунэ жэртвы, савэ уӷодни лэ Дэвлэсти. 6 Пала када андэ Свынти Лила ԥэнэнпэ: «Мэ став по Сио́но бар, особо, кучутно вуӷлово бар, и кодэлэсти, ко патял андэр лэстэ, на ашэла лажаво*».

7 И акэ, важ тумэндэ во куч, важ кода кай тумэ патян андэр лэстэ. Ай важ кодэла, ко андэр лэстэ на патял, кадэва «бар, саво отшутэ и строителя, ашэля упруно вуӷлово бар», 8 ай кадяжэ во ашэля «бар, андэ саво вонэ дэнапэдап, и састо плай, саво тердёла пэ лэнго дром». Вонэ дэнпэдап, важ кода кай на приашундён каринг о алав. Акэ када аштярэл кадэлэ манушэн. 9 Но тумэ — «избрано колено, царски рашая, свынто народо, особи мануша, савэ прижан лэ Дэвлэсти, кай всаворэнди тэ росԥэнэн пала райкано характеро» кодэлэско, ко ақардя тумэн анда тэмнота андэ пэско удивительно свето. 10 Варикала тумэ сас росшутэ*, ай акана тумэ лэ Дэвлэско народо. Сас время, кала каринг тумэндэ нико на сас одяло, ай акана тумэнца обжылэпэ одялэс.

11 Кучутнэ ԥрала, фартэ мангав тумэн, сар кодэлэн, ко времено авеля па чужо краё: на́ подэнпэ кодэлэсти, каринг со цырдэлпэ лэ бэзэхэско ди, саво марэлпэ тумэнца. 12 Андярэн пэс достойно машкар авэр мануша, кай кодэла, ко лэла тэ дошалярэл тумэн андо найлашымос, тэ диқэн тумари лащи дила и тэ андярэн лашо алав по Дэл андэ кодэва дес, кала во авэла вся тэ продиқэл.

13 Важ о Баро Хулай кандэн всаворэн, кастэ исин право тэ хулаий: лэ царёс, важ кода кай во баро мануш, 14 или лэ царёстирэ помошниконэн, савэн во стодя тэ спушэн кодэлэндар, ко на ритярэл о законо, и тэ ԥэнэн лашо алав пала кодэла, ко терэл лащи дила. 15 Важ кода кай лэ Дэвлэсти уӷодно, кай пэстиря лащя диласа тумэ тэ заставин тэ ашэн мулком* лэ найгодявэрнэ манушэн, савэ дэн дума пала кода, со на ӷанэн. 16 Андярэн пэс сар свободни мануша, но на́ гарадён пала пэстири свобода, кай тэ терэн найлащи дила, ай жувэн сар лэ Дэвлэстирэ раборя. 17 Пативалэс обжанпэ разнонэ манушэнца, любин всаворэ ԥралэн, даран* лэ Дэвлэстар, стон патив по царё.

18 Слуӷоря, кала кандэн пэстирэ хулан, стон пэр лэндэ кацави патив, сави прижал, и кадя обжанпэ най кати кодэлэнца, ко лашэ и годявэрнэ, но и кодэлэнца, касти найвушэро тэ уӷодин. 19 Вижал, если о мануш мучийпэ, хоть када на затердя, и ашэлпэ састо андэ ԥари время, важ кода кай камэл, кай лэстири совесть тэ ашэлпэ вужи, тоди кадя во радуий лэ Дэвлэс. 20 Если тумэ тэрпин, кала тумэн марэн важ о бэзэх, со андэ када кацаво? Но если тумэ тэрпин, кала тумэндэ ԥаримос и бида важ и лащи дила, тоди кадя тумэ радуин лэ Дэвлэс.

21 О Дэл витидя тумэн, важ кода кай и о Христос пэрэандярдя о ԥаримос и бида важ тумэндэ и ашадя тумэнди примеро, кай тумэ со май точно тэ жувэн кадя, сар во жувэлас*. 22 Во на стердя нисаво бэзэх и ни еқвар на хохадя. 23 Кала пала лэстэ найпативалэс дэнас дума, во нисо на ԥэнэнас; кала мучияспэ, во никас на даравэлас, но отдэлас вся кодэлэсти, ко сындой справедливо. 24 Во заля амарэ бэзэха андэ пэстири тила, кала лэс казнисардэ по столбо*, кай амэ тэ мэрас важ и бэзэха* и тэ жувас важ и правильно дила. И «лэстирэ раны исцэлисардэ тумэн». 25 Важ кода кай тумэ сас сар бакрорэ, савэ хасарделэ, ай акана рисайлэ каринг о пастухо*, саво диқэл пала тумэндэ и фэрий тумари жызня.