ВОПРОСО 6
Со андэ Библия ԥэнэнпэ пала Христос?
СО САС ԤЭНДО
«Ту, Вифлеемо Ефрафа... ...Андар тутэ авэла важ мандэ кодэва, ко хулаия андо Израилё»
(Михей 5:2).
САР АШЭЛЯ
«О Исусо арақаделя андо Вифлеемо, саво андэ Иудея, кала правияс о царё Ирадо. Через дэсави время андо Иерусалимо авелэ и драбатяримаря па Востоко»
(Матфеё 2:1).
СО САС ԤЭНДО
«Вонэ делин машкар пэстэ мэрни ӥда и росцэлэн ла»
(Псалом 22:18).
САР АШЭЛЯ
«Ай и халавдэ, кала примардэ лэ Исусос каринг о столбо, линэ лэстири жылетка и розделисардэ ла пэ штар котора... ...Но о гад сас найсудо, пэр лэстэ на сас ни ек шово. Тоди вонэ ԥэндэ ек еқэсти: „На ласа тэ шынас о гад, ай росцэласа машкар пэстэ и диқаса, касти во дорэсэлапэ“»
СО САС ԤЭНДО
«Во фэрий всаворэ лэстирэ кокаля, ни ек андар лэндэ най пэрэԥагли»
(Псалом 34:20).
САР АШЭЛЯ
«Кала вонэ поджылэ каринг о Исусо, то додиқлэ, кай во ужэ муля, и на линэ тэ пэрэмарэн лэсти и пэрнэ»
(Иоано 19:33).
СО САС ԤЭНДО
«Но во сас пропусадо важ амарэ бэзэха и мучисайля важ амари дила. Кода, кай лэстар спушлэ, андя мирно жызня, и лэстирэ раны исцэлисардэ амэн»
(Исайя 53:5).
САР АШЭЛЯ
«Ек халавдо пропусадя лэсти лэ тилэса и риг, и котар сразу тай питял о рат и о паи»
(Иоано 19:34).
СО САС ԤЭНДО
«Вонэ потиндэ манди 30 рупунэ манеты»
(Захария 11:12, 13).
САР АШЭЛЯ
«Тоди ек анда 12 ученикоря, савэс ақарэнас Иу́да Искарио́то, жыля каринг и барэ рашая и пушля: „Со тумэ манди дэна, если мэ здава лэс тумэнди?“ Вонэ ԥэндэ, кай дэна лэсти 30 рупунэ манеты»