Сар амэ диқас пала амарэ залоря?

И залоря, кай амэ стидэспэ, вонэ лэ Иеговастирэ. Важ када тэ диқас, кай котэ тэ авэл вужимос и порядко, када бари честь важ амэндэ. Кала амэ прилас и диқас пала амаро зало, када важно дила андэ амари свынто служэния. Тэ терэн кадэя дила моӷут всаворэ, ко камэн.

Ашаспэ посли собрания, кай тэ прилас андо зало. Посли кажно собрания амэ прилас андо амаро зало. Еқвар андо курко амэ май драго прилас андо зало. Ек анда старейшыноря или служэбни помошникоря ԥэнэн па инструкцыя, со и сар трэбуй тэ прилэн. И ԥрала и ԥэя шулавэн, халавэн или пылесосят о поло, виқосэн о прахо и лашарэн и стулоря. Кадяжэ вонэ халавэн и туалеторя, виқосэн и стекляни вудара и юнглинды, виандярэн о мусоро и стидэн паша зало. Еқвар андо бэрш и ԥрала витидэн время, кай тэ стерэн генерально уборка. Кала амэ дас лэ бэятонэнди варисави дила, амэ сытярас лэн тэ цэнин о ҭан, кай прожан и собрании (Экклезиаст 5:1).

Поможысарас, кала терэн ремонто. Кажно бэрш и ԥрала продиқэн о зало. Када поможый, кай о зало тэ авэл састо и лашо (2 Летопись 24:13; 34:10). Важ када на тратинпэ бут ловэ. О вужо зало, андэ саво вся драго терэл, када ҭан, саво ашэл, кай котэ тэ тэлювас амарэ Дэвлэсти. Кала амэ терас кода, со трэбуй важ о зало, амэ сыкавас, кай любисарас лэ Иеговас и цэнисарас о ҭан, пэ саво ԥэнэн лэстирэ алавэса (Псалом 122:1). Кадяжэ, важ кода кай о зало вужо и шукарно, авэр лэна драго тэ дэн дума пала амэндэ (2 Коринфянам 6:3).

• Васо важно драго тэ диқас пала амаро зало?

• Со амэ терас, кай андо зало тэ авэл вужо?