И анӷелоря ԥэндэ: «О Иисусо арақаделяпэ»

Кодэва, ко правияс андэ Римско империя, о царё Августо, приԥэндя всаворэ иудеёнэнди тэ прожан и перепись. Кадэя перепись терэнас, кай тэ ӷанэн, скати мануша жана пэ война и тэ лэн лэндар налоӷоря. Кажнонэсти трэбуй сас тэ ринпэ андэ пэско чачо форо. Важ када о Иосифо и Мария жылэ андо Вифлеемо, саво сас лэ Иосифоско чачо форо. И Мария уже йто трэбуй сас тэ анэн лэ бэятос.

Кала вонэ авелэ андо Вифлеемо, вонэ рятярдэ котэ, кай ритярэнас о ското. Васо? Важ кода кай на сас ҭан, кай тэ рятярэн. Котэ и Мария андя лэ Иисусос. Вой запатярдя лэс андэ ковли кирпа и драго стодя лэс кордэ, каринг шонас о хамос лэ скотости.

Андэ кодэя рят найдур лэ Вифлеемостар и пастухоря пэ мал диқэнас пала бакрэ. И акэ о анӷело терделя англа лэндэ и вонэ додиқлэ свето, саво фартэ ԥаболас. Кадэва свето сас лэ Иеговастар. И пастухоря фартэ пэрэдарайлэ. Но анӷело ԥэндя лэнди: «На даран. Мандэ исин важ тумэндэ лащи новость. Андо Вифлеемо адес арақаделяпэ о Христос». Сар во ԥэндя кадэла алава, по нэбо ашэлэ бут анӷелоря, савэ линэ тэ дилабэн: «Мэк хвалин лэ Дэвлэс по нэбо и мэк миро авэла пэ ԥув!» После када и анӷелоря парашэлэ тэ дицон.

Тоди и пастухоря ԥэндэ: «Авэн май йто андо Вифлеемо!» Вонэ йто жылэ андо дром и виарақлэ лэ Иосифос, ла Мария и лэ бэятос котэ, кай ритярэнас о ското.

И мануша фартэ динэ наздив, кала ашундэ, пала со о анӷело росԥэндя лэ пастухонэнди. И Мария бут гиндояс пала кода, со ԥэндя о анӷело и вой никала када на бистрэлас. И пастухоря рисайлэ каринг пэстири дила, кай тэ диқэн пала бакрэ. Вонэ сас фартэ блаӷодарни лэ Иеговасти важ и вся, со диқлэ и со ашундэ.