О Иисусо исцелий андэ суббота

И фарисеёря вэрыцынас лэ Иисусос и камэнас хоть варисо тэ виарақэн, кай тэ стон лэс андо бар. Вонэ ԥэндэ, кай во на трэбуй сас тэ исцелий лэ манушэн андэ суббота. Еқвар андэ суббота о Иисусо додиқля пэ вулица лэ корэ манушэс, саво мангэлас. Во ԥэндя пэстирэ учениконэнди: «Щяс тумэ диқэна, сар лэ Дэвлэско зор поможыя кадэлэ манушэсти». О Иисусо сӷамисардя пэско шунгар ла ԥувьяса и стодя када пэ яқа лэ корэ манушэсти. О Иисусо ԥэндя лэсти: «Жа и вихалав и яқа андо паи, пэ саво ԥэнэн, купальня, сави андо Силоамо». О мурш кадя и стердя. Во пэрво разо андэ жизня ля тэ диқэл.

И мануша динэ наздив. Вонэ линэ тэ пушэн: «Када кодэва мануш, саво бэшэлас и мангэлас? Или во кати шолпэ пэр лэстэ?» О мурш ԥэндя: «Када мэ! Мэ варикала на диқавас! Мэ арақаделэмпэ кацавэса». И мануша пушлэ лэстар: «Со стердяпэ, кай ту лян тэ диқэс?» Кала во росԥэндя лэнди, со стердяпэ, вонэ одындярдэ лэс каринг и фарисеёря.

О мурш ԥэндя лэ фарисеёнэнди: «О Иисусо стодя варисо каринг мэрнэ яқа и ԥэндя манди, тэ жав и тэ халавав о муй. Мэ кадя и стердэм и акана мэ диқав». И фарисеёря ԥэндэ: «Сар о Иисусо исцелий андэ суббота, тоди лэско зор най лэ Дэвлэстар». Но и мануша ԥэндэ: «Сар лэско зор най лэ Дэвлэстар, тоди во на исцелисардоп».

И фарисеёря ақардэ лэстирэ дадэс и ла да и пушлэ лэндар: «Со стердяпэ, кай тумаро шаво ля тэ диқэл?» О дад и дэй сас пэрэдарадэ, важ кода кай и фарисеёря ԥэнэнас, кай видаравэна анда синагога, любонэ манушэс, саво патялас андо Иисусо. Важ када о дад и дэй ԥэндэ: «Амэ на ӷанас. Пушэн лэстар екжэнэ». И фарисеёря линэ бут со тэ пушэн лэстар. И акэ кадэва мануш на зритярделяпэ и ԥэндя: «Мэ росԥэндэм тумэнди вся, со ӷанав. Васо тумэ пушэн мандар ек и ек?» И фарисеёря фартэ росхоляйлэ и видарадэ лэс.

О Иисусо виарақля кодэлэ манушэс и ԥушля лэстар: «Ту патяс андо Христос?» О мануш ԥэндя: «Тэ ӷанав, ко во, мэ патяёп». О Иисусо ԥэндя: «Мэ Христос». Дицол, кай о Иисусо най кати исцелисардя лэс, но и стердя кадя, кай лэстэ тэ авэл май бари вера.