Скати время?

СО ТУ терэс, кала камэс тэ уӷанэс скати время? Ту диқэс пэ часоря. Ай со ту ԥэнэс, кала тутар пушэн: «Скати время?» Ту на ԥэнэс вся и время ек и ек.

Ԥэнаса, тути трэбуй тэ ԥэнэс, кай пэ время ек епашэса часо. Дэко ԥэнэн пэ кадэя жэ время час тридцать, авэр тринадцать тридцать, ай дэко половина второго.

Сар адинос и Библия ту загиндоспэ, пэ сави время розмарэнас о дес. Андэ еврейски писания исин кацавэ алава «тэсара», «епаш дес» и «вэчэро» (Бытие 8:11; 19:27; 43:16; Второзаконие 28:29; 1 Царей 18:26). Но дэкала о дес розмарэнас пэ инке май бут время.

Андэ библейско время андэ фороря слинэ сторожоря, савэ фэринас лэ манушэн. И строжоря андэ пэстири время парувэнас ек аврэс. И израильтяноря розмарэнас и время кадя, сар и сторожоря парудёнаспэ (Псалом 63:6). Андэ Судей 7:19 ԥэнэнпэ важ и время, сави сас «андэ машкар рят». Ай кай кодэя время, сар о Иисусо авеля ԥэ ԥув, и евреёря сытелэ кай и ӷрекоря и римляноря, тэ розмарэн и рят пэ штар время.

О алав «рятятири время» най еқвар пистромэ андэ Евангелии. Кала о Иисусо жалас па паи каринг и лодка, андэ сави сас лэстирэ ученикоря, сас «штарто время андэ кодэя рят» (Матфея 14:25). Андэ ек притча о Иисусо ԥэндя: «Тэ ӷанглоп о хулай лэ цэрэско, андэ сави рятятири время авэла о чор, тоди во на сутоп и на домэклоп, кай во тэ зажал андэ лэско цэр» (Матфея 24:43).

Кала о Иисусо ԥэндя пэстирэ учениконэнди: «Терэн кода, со камэл о Дэл, важ кода кай на ӷанэн, кала авэла о хулай лэ цэрэско, вэчэром, андэ епаш рят, сар цыпин и башнэ чи тэсараса». Катэ о Иисусо ԥэндя пала всаворэ штар рятятирэ время (Марка 13:35, сноски). Пэрво рятятири время, «вэчэро» залэласпэ, сар спэрэлас о қам и жалас жы кай девять часов вэчэра. Дуйто рятятири время, «епаш рят» жалас лэ девятонэ часостар жы кай епаш рят. Трито рятятири время, «цыпин и башнэ», жалас ла епаша рятятар жы кай трин ла рятятирэ часоря. Файма, андэ кодэя рят, сар астардэ лэ Иисусос, о башно зацыписайля анда трито рятятири время (Марка 14:72). Штарто рятятири время, «рано тэсара», жалас лэ тритонэ часостар и рят жы тоди, сар лэлас тэ ваздэлпэ о қам.

Вижал, хоть андэ библейско время и часоря на сас стердэ, и мануша па пэстирятэ розмарэнас и время андо дес и рят.