Ту ӷанэс?

Сар андэ дэлмутни время ездинас па моря?

АНДЭ лэ Павлостири время пассажырски кораблёря на сас. Важ када лэ манушэсти, савэсти трэбуй варикаринг тэ ладэл, май англал трэбуй сас тэ уӷанэн, каринг ладэл варисаво кораблё, па саво торӷуин и лэла во лэ манушэн чи най (Деяния 21:2, 3). Дажэ кала кораблё жалас най интя, андэ авэр ҭан, о мануш моӷ тэ вижал пэ любо порто па дром. Тоди во моӷ тэ пэрэбэшэл пэ авэр кораблё, саво подындярэла лэс май пашэ каринг лэсти сас трэбуй (Деяния 27:1—6).

Обычно тэ ладэс па моря можно сас кати андэ ек время па сезоно. Кадяжэ и кораблёря на ԥирэнас па расписания. О кораблё моӷ тэ на виладэл най кати важ кода, кай вэрыто поӷода, но и важ кода кай через и суеверия и морякоря видиқэнас и приметы. Например, кала вонэ диқэнас, кай по кораблё бэшля и кикирашка и цыпий, или кала диқэнас по бэрэӷо кашта па ԥаго кораблё, вонэ гиндонас, кай када пэ бидатэ. Инке, о кораблё виладэлас тоди, кала ԥурдэлас попутно балвал. Кала о мануш виарақэлас кораблё, пэ саво можно сас тэ доладэл каринг трэбуй, во лэлас пэстирэ вузлоря и авэлас по порто, и аштярэлас, пока мануш на объявия, кай о кораблё виладэл.

«Ек историко, савэс ақарэн Лайонел Кассон, пистрой: „Андо Римо поможынас кодэлэнди, ко камэлас варикай тэ ладэл и долӷо тэ на родэн кораблё. О Римско порто тердёлас, кай залэласпэ и лэн Тибра. Ай рядом андо форицо Остия сас бари площадь, пэ сави сас круӷом конторы. Бут конторы сас кодэлэндэ, кастэ и кораблёря анда разни порторя. Нарбона, када пэ [территория современно Франция], Карфагена, када пэ [территория современно Тунисо]... и аврэн. Манушэсти просто сас трэбуй тэ зажал андэ контора и тэ уӷанэн, андэ савэ порторя тердёла о кораблё“».

Тэ ладэс па моря сас май выӷодно, май набут жалас время, но сас бут со опасно. Кала о Павло ездияс тэ росԥэнэн о чачимос андэ авэр фороря, во най еқварэс попэрэлас андэ кораблёкрушэния (2 Коринфянам 11:25).