И читателя пушэн

Ко када и «особени анӷелоря» анда 1 Тимафеё 5:21?

О апостало Павло пистросардя лэ Тимафеёсти, саво, сар и во, сас барэдэр ԥрал: «Мангав тут англа Дэл, англа Христос Исусо и англа особени анӷелоря: тер кадя, сар мэ уԥэндэм тути, и старысав всаворэнца тэ обжаспэ еқэндар и на́ шув сама варикас май фартэ, чем аврэн» (1 Тим. 5:21).

Спэрва трэбуй тэ полас, ко не моӷут тэ авэн кадэла анӷелоря. Дицол, кай када най и 144000. Кала о Павло пистросардя лэ Тимафеёсти, нико андар лэндэ инке на жунделя, кай тэ жувэл по небо. И апосталоря и авэр избрани инке на ашэлэ анӷелоря по небо, тоди вижал, кай и «особени анӷелоря» — када най вонэ (1 Кр. 15:50—54; 1 Фес. 4:13—17; 1 Иоан. 3:2).

Кадяжэ и «особени анӷелоря» — када най кодэла анӷелоря, савэ англа потопо парашэлэ тэ кандэн лэ Дэвлэс. Вонэ залинэ лэ Сатанастири риг и ашэлэ найвужэ — када лэ Исусостирэ вороӷоря (Быт. 6:2; Лука 8:30, 31; 2 Пёт. 2:4). Англэ лэн шона андэ пропость пэ 1000 бэрш, ай посли када лэн вобще на ашэла, сар и лэ Бэнгэс (Иуда 6; Тайна 20:1—3, 10).

Амэ полас, кай и «особени анӷелоря» — када и анӷелоря по небо, савэ на парашэн тэ поможын лэ Дэвлэсти и лэ Исусости — пала лэндэ пистромэ андэ кодэва жэ стихо.

Лэ анӷелонэн, савэ кандэн лэ Дэвлэс, фартэ бут — лэн бут тысячи (Евр. 12:22, 23). Сар дицол анда Библия, и разни анӷелоря терэн разно дила (Тайна 14:17, 18). Например, кати еқэ анӷелости о Иегова ԥэндя тэ умарэл 185 000 асирийсконэ халавдэн (2 Цар. 19:35). Ай дэсавэ анӷелонэнди сас ԥэндо тэ стидэн и тэ вишон «анда лэско [лэ Исусоско] Царство всаворэн, ко подмарэл лэ манушэн каринг о бэзэх и ко терэл найлашымос» (Матф. 13:39—41). Варико анда анӷелоря стидэл лэ избранонэн (Матф. 24:31). Ай варикасти о Дэл приԥэнэн тэ фэрий амэн (Пс. 91:11; Матф. 18:10; диқэн Матфеё 4:11 и Лука 22:43).

И «особени анӷелоря», пала савэ пистромэ андо 1 Тимафеё 5:21, — када, наверно, и анӷелоря, савэнди динэ тэ терэн особо дила важ о христианско ӷурто. Андэ кадэя ӷлава о Павло пистрой, сар лэ барэдэрэ ԥралэнди трэбуй тэ терэн пэстири дила, кай тэ затерэн патив англа ԥрала и ԥэя. Вонэ трэбуй всаворэнца тэ обжанпэ еқэндар, тэ на шон сама варикас май фартэ чем аврэн и тэ на грабинпэ тэ прилэн решэнии. И акэ васо и барэдэр ԥрала трэбуй тэ приашундён каринг лэ Павлостирэ алава — вонэ терэн пэстири дила «англа Дэл, англа Христос Исусо и англа особени анӷелоря». Вижал, дэсавэ анӷелонэнди дино тэ поможын лэ ӷуртонэнди. Вонэ фэрин лэ Дэвлэстирэ манушэн, подритярэн лэн андэ лэ Дэвлэстири дила и росԥэнэн, со вонэ додиқэн, лэ Иеговасти (Матф. 18:10; Тайна 14:6).