Вушэро вопросо, саво можэш тэ задэс и ту

И Марияa и лако хулай, о Джоно, жувэн андэ страна, андэ сави авэл чимало миро анда Филипи́ны, кай тэ затерэл котэ ловэ. И бутэнди андар лэндэ чалёл тэ ашунэн и лащи новость. Кала сас и пандэмия COVID-19, и Мария заля тэ сытярэл лэ манушэн па Библия най кати андэ пэстири страна, но и андэ авэр страны. Сар латэ када вижыля?

И Мария пушэлас кодэлэндар, кас вой сытярэлас па Библия: «Можэт, ту ӷанэс варикас инке, ко камлоп тэ уӷанэн и Библия май драго?» Кадэва вушэро вопросо анэнас бут лашымос. Если лати ԥэнэнас, кай кацавэ мануша исин, вой ԥэнэнас: «Мангав, сыкав манди кадэлэ манушэн». И мануша, савэ цэнуин и Библия, обычно камэн тэ росԥэнэн пэстирэ чаченди и лэ друӷонэнди важ кода, со вонэ уӷанэн. Каринг со андя кода, кай и Мария задэлас кацаво вушэро вопросо?

И Жасми́н, савя и Мария сытярэлас па Библия, познакомила ла пэстирэ штарэ подружкэнца. Вонэ тожэ камэнас май драго тэ уӷанэн и Библия. Еқати андар лэндэ, савя ақарэн Кристина, фартэ чалеля тэ уӷанэн пала Библия. Вой мангля, кай ла тэ сытярэн дувар андо курко. Кала и Мария пушля, ӷанэн вой инке варикас, ко камлоп тэ уӷанэн и Библия май драго, и Кристина ԥэндя: «Да, мэ ӷанав кацавэн». Через дэсавэ курте вой росԥэндя пала Мария пэстирэ подружкэнди. Спэрва штарэнди, ай потом инке аврэнди. И дэсавэ андар лэндэ росԥэндэ ла Марияти пала авэр, касти авелоп интересно тожэ тэ уӷанэн пала Библия.

И Кристина камэлас, кай латирэ чаче, савэ жувэн пэ Филипины, тожэ тэ залэн тэ уӷанэн и Библия май драго. Вой подя дума пэстиря щяса, ла Адрянаса. Спэрва и Адря́на гиндояс: «Лэ Иеговастирэ свидетеля — када варисави секта. Вонэ на патян андо Исусо и прижанэн кати о Пурано Завето». Но ужэ посли пэрво разо, сар вой диқляпэ лэнца, лако гиндо паруделя. Кажно разо, кала и Адряна уӷанэнас варисо нэво, вой ԥэнэнас: «Раз кадя ԥэнэнпэ андэ Библия, значит, када кадя и исин!»

Май интя и Адряна росԥэндя пала Мария дуе подружкэнди и еқа манушняти па бути. И лэн тожэ линэ тэ сытярэн па Библия. Ай инке кай Адряна сас биби Анжэла, сави на диқэлас. И Мария дажэ на ӷанэнас, кай и Анжэла ашунэлас, сар и Мария сытярэл ла Адряна па Библия. Еқвар и Анжэла ԥэндя пэстиря племиницати, кай камэл познакомица ла Марияса и кай латэ тэ авэн и тэ поможын тэ уӷанэн май драго и Библия. Ла Анжэлати фартэ чалёлас кода, со вой уӷанэнас. Через шонэстэ вой ужэ висытеля бут библейски стихоря и мангля, кай ла тэ сытярэн па Библия штарвар андо курко! И Адряна поможый лати тэ на промэкэл и встречи и тэ подключаеца каринг лэндэ па видео.

Кала и Кристина сытёлас па Библия, найдур латар бэшэлас лако хулай, о Джо́шуа. Кала и Мария уӷангля важ када, вой ԥэндя лэсти, кай во тожэ можэт тэ бэшэл лэнца и тэ ашунэл. О Джошуа ԥэндя: «Мэ просто поашунава. Кати нисо мандар на́ пушэн. Если лэна тэ пушэн, мэ сразу ужаватар». Но ужэ важ пэрви панч минуты во задя май бут вопросоря, чем и Кристина, и тожэ закамля май драго тэ уӷанэн и Библия.

Через кода кай и Мария задэлас кацаво вушэро вопросо, 28 мануша закамлэ тэ сытён па Библия анда штар страны. Дэсавэн андар лэндэ вой пэрэдя аврэ свидетелёнэнди.

И Жасмин болделя андо апрелё андо 2021 бэрш, ай и Кристина — андо маё андо 2022 бэрш. Потом и Кристина рисайля пэ Филипины каринг пэстирэ чаче. И Анжэла болделя через дэсавэ шона посли Кристина и акана терэл лэ Дэвлэстири дила сар общё пианеро. Дуй жувля, савэнди и Кристина росԥэндя пала Мария, тожэ болделэ. Ла Кристинако хулай, о Джошуа, и лэндири щей, и Андряна, ай кадяжэ дэсавэ авэр мануша на парашэлэ тэ сытён па Библия и тэ ашэн май пашэ каринг о Иегова.

Андо пэрво вико и лащи новость ӥто розжаласпэ машкар родо и друӷоря (Иоан. 1:41, 42а; Дила 10:24, 27, 48; 16:25—33). Васо бы тэ на пушэс кодэлэстар, кас ту сытярэс па Библия или касти чалёл тэ ашунэл пала Дэл: «Можэт, ту ӷанэс варикас, ко камлоп тэ уӷанэн май драго и Библия?» И ко ӷанэн, скати инке мануша моӷут тэ закамэн тэ сытён па Библия, важ кода кай ашундэ кацаво вушэро вопросо, саво можэш тэ задэс и ту!