О Иегова поможыяс амэнди «тэ цветисарас котэ, кай амэн садисардэ»

О Ма́тсо и Анн-Ка́трин Ка́ссхольм прожылэ Школа Галаадо андо 1979 бэрш. И имено котэ вонэ ашундэ кадэва совето лэ ԥралэстар, савэс ақарэнас Джеко Ре́дфордо. Посли школа лэн най еқвар «пэрэсадинас» по нэво ҭан. Вонэ терэнас лэ Дэвлэстири дила андо Заиро, Ирано, Мьянма, Танзания, Уганда и по Маврикиё — и везде на парашэнас «тэ цветин». Давайте уӷанаса пала лэндэ май бут.

Росԥэнэн, сар тумэ уӷанглэ о чачимос.

О Матсо: Кала жалас и Дуйто мирово война, мэрно дад жувэлас андэ Польша и диқэлас бут хохаимос кай и католикоря. Но во часто ԥэнэнас: «Варикай трэбуй тэ авэл чачуни вера». Май интя мэ полэм, кай о дад сас право. Мэ тинавас бут книжки па вас, и еқвар манди попэляпэ ек книжка андэ синё обложка, сави называлась «Чачимос, саво андярэл каринг и вечно жызня». И названия сас фартэ интересно, и мэ проадиносардэм вся и книжка важ ек рят. Каринг и тэсара мэ полэм, кай виарақлэм о чачимос!

Када сас андо апрелё андо 1972 бэрш. Посли када мэ проадиносардэм инке бут литература, сави вимэклэ лэ Иеговастирэ свидетеля, и виарақлэм ответоря пэ пэстирэ вопросоря. Мэ сымас сар торӷовцо анда лэ Иисусоско примеро. Кай тэ тинэл фартэ кучутни жэмчужына, во битиндя вся, со лэстэ сас. Мэ тожэ ԥэнэса битиндэм пэстири цэль андэ жызня — тэ висытював андо университето и тэ ашав врачо. И вся важ кода, кай тэ тинав о чачимос (Матф. 13:45, 46). Мэ болделэм 10 декабря андо 1972 бэрш.

Важ ек бэрш болделэ мэрнэ родителя и мэрно цыкнэдэр ԥрал. Андо июлё андо 1973 бэрш мэ ашэлэм пианеро. Андэ амари собрания машкар пианероря сас лащёры ԥэй, сави фартэ любияс лэ Иеговас, ла ақарэнас Анн-Катрин. Амэ полюбисардям ек еқэс и андо 1975 бэрш цэлдям ябьяв. Посли када амэ штар бэрш жувасас андо шукарно шведско форо Стрёмсундо, кай бут мануша камэнас тэ уӷанэн лэ Дэвлэс май драго.

И Анн-Катрин: Мэрно дад уӷангля о чачимос пала Иегова, кала сытёлас андо университето андо Стокгольмо. Манди тоди сас кати трин шон, но во вся и время лэлас ман пэса пэ собрании и кала жалас тэ росԥэнэн важ о Дэл. Мэрня дати када на чалёлас, и вой старыияспэ тэ доԥэнэн, кай лэ Иеговастирэ свидетеля най кадя полэн и Библия. Но латэ нисо на вижыля. Через дэсави время вой тожэ болделя. Кала манди сас 13 бэрш, болделэм и мэ. Ай кала манди сас 16, мэ ашэлэм пианеро. Мэ теравас лэ Дэвлэстири дила андо форо У́мео, кай трэбуй сас помощь тэ росԥэнэн важ о Дэл. Ӷэт май интя ман стодэ тэ авав спецыально пианеро.

Посли ябьяв амэ лэ Матсоса поможысардям дэсавэ манушэнди тэ ашэн лэ Иеговастирэ свидетеля. Машкар лэндэ сас и Ма́йвор. Амэ поможысарасас лати тэ уӷанэн май драго и Библия, кала вой сас инке тэрнёры. Вой моӷла тэ залэлпэ спортоса и через када тэ ашэл ашунгли, но вой витидя авэр дром. И Майвор и мэрни цыкнэдэр ԥэй вместе ашэлэ пианерки. Андо 1984 бэрш вонэ висытелэ андэ Школа Галаадо и идоси терэн лэ Дэвлэстири дила андо Эквадоро.

Тумэ терэнас лэ Дэвлэстири дила андэ бут страны. Со тумэнди поможыяс «тэ цветин котэ, кай тумэн садисардэ»?

О Матсо: Важ кодэла бэрша, скати амэ терас лэ Дэвлэстири дила, амэн часто «пэрэсадинас». Но амэ вся и время старысавасас «састэс тэ ритярдювас» пала Иисусо — када андэ вся тэ лас лэстар примеро, и особено андэ кода, кай тэ на гиндосарас пала пэстэ фартэ бут (Клс. 2:6, 7). Амэ на аштярасас, кай и катутнэ ԥрала и ԥэя лэна андэ вся тэ уӷодин амэнди. Вместо када амэ старысавасас тэ полас, васо вонэ варисо терэн или на терэн. Амэ камасас май бут тэ уӷанас пала лэндири культура и май драго тэ полас лэнго гиндо. Со май драго амэндэ вижалас тэ шаспэ по Иисусо, со май фэдэр амэ поласас: амэндэ исин вся, кай «тэ цветисарас» (Пс. 1:2, 3).

И Анн-Катрин: Кай и витка, сави пэрэсадисардэ, тэ прижувэлпэ, лати трэбуй қам. Кацаво «қам» сас важ амэндэ о Иегова (Пс. 84:11). Во подарисардя амэнди бутэ ԥралэн и ԥэян, савэ кадя любинас амэн, кай татярэнас амаро ди. Например, андэ амари цынёни собрания андо Тегерано (Ирано) амэн шутэ сама анда вся оди — кацаво амэ адиносарасас кати андэ Библия. Амэнди кадя чалёлас андо Ирано, кай амэ котэ и ашэлопэ, но андо июлё андо 1980 бэрш пэ лэ Иеговастирэ свидетеля стодэ запрето. Амэндэ сас кати дуй сутки, кай тэ виладас анда страна. Посли када амэн бишалдэ андэ Африка, андо Заиро (акана Демократическо Республика Конго).

Кала мэ уӷанглэм, кай амэн бишалэн андэ Африка, мэ розровьемпэ. Мэ ашундэм, кай котэ исин бут сапа и насвалимос, и када ман даравэлас. Но дуй амарэ пашутнэ друӷоря, савэ прожудэ котэ най ек бэрш, ԥэндэ амэнди: «Тумэ жэ никала на сас андэ Африка. На отԥэндён сразу! Акэ диқэна — тумэнди котэ чалёла». Кадя и сас. И ԥрала и ԥэя анда Африка сас фартэ одялэ. Кала через шов бэрш через о запрето амэнди прижыляпэ тэ уладас анда Заиро, мэ додэм, кай мангав лэ Иеговас: «Дэвла, ашав ман андэ Африка».

Росԥэнэн, сави тумэндэ сас радость, кала тумэ терэнас лэ Дэвлэстири дила андэ разни страны.

О Матсо: Пэрво, со авэл по гиндо, — када и лащи дружба кодэлэнца, ко, сар и амэ, терэлас лэ Дэвлэстири дила андэ разни страны. Ай инке амэ лошавасас, кала сытярасас варикас па Библия. Дэкала кажно сытярэлас по 20 мануш! Инке амэ никала на бистраса, сар и ԥрала и ԥэя анда Африка шутэ амэн сама анда вся оди. Кала амэ ездисарасас па собрании андэ Танзания, амаро «Фольксвагено-Комби» сас важ амэндэ най кати машына, но и цэр. Обычно амэ стасас лэс андэ града варикастэ анда ԥрала. Вонэ вся и время сас ӷотови тэ прилэн амэн пэстэ. И хоть вонэ сас чорорэ, вонэ дэнас амэнди «вся, со моӷли тэ дэн, и дажэ май бут» (2 Кр. 8:3). Инке амэнди фартэ чалёлас тэ побэшас дуйжэнэ вечером. Кажно разо амэ росԥэнасас, со интересно амэндэ сас важ о дес, и ԥэнасас наис важ вся лэ Иеговасти.

И Анн-Катрин: Важ мандэ бари бах, кай мэ май драго уӷанглэм лэ Дэвлэстирэ ерес, саво жувэл па вся и ԥув. Амэ сытювасас разни шыба (например, луга́нда, суахи́ли, фарси́ и французско) и уӷанасас, сар по разному жувэл о миро. Ай кодэла, кас амэ сытярасас па Библия, ашэнас амэнди пашутнэ друӷоря и амэ вместе лэнца бут бэрша терасас лэ Иеговастири дила (Соф. 3:9).

Инке амэнди фартэ чалёлас тэ роздиқас кода, со создал о Иегова. Кажно разо, кала амэн бишалэнас андэ нэви страна, амэ поласас, кай о Иегова паша амэндэ и сыкавэл амэнди о дром. Би лэско амари жызня никала на авелоп кацави интересно.

Саво ԥаримос тумэндэ сас и сар тумэ лэс пэрэандярдэ?

О Матсо: Амэнди прижыляпэ тэ пэрэандярас разно насвалимос, саво ԥирэлас пэ кодэла краёря, например, малярия. Ай инке кай и Анн-Катрин сас дэсавэ срочни операцыи. Инке амэ загрыжосавасас пала амарэ ԥурэ родителя. И амэ блаӷодарни амарэ чаче ԥралэнди и ԥэянди, кай вонэ анда вся оди заботинаспэ пала лэндэ, пока амэ самас лэндар дур. И вонэ сас ради када тэ терэн (1 Тим. 5:4). Амэ пристасас вся пэско зор, кай хоть варисар тэ подритярас лэ родителёнэн, но дэкала амэн халас оди, кай амэндэ на вижалас тэ терас важ лэндэ май бут.

И Анн-Катрин: Андо 1983 бэрш, кала амэ самас андо Заиро, мэ фартэ занасвайлэм — мандэ сас холера. О врачо ԥэндя лэ Матсости: «Май ӥто виандярэн ла анда страна! Адес жэ!» И ужэ пэ авэр дес амэ вурясас андэ Швеция по ӷрузово самолёто, важ кода кай авэр варианторя на сас.

О Матсо: Амэ гиндосарасас, кай амэндэ будэр на вижала тэ терас лэ Дэвлэстири дила андэ авэр страна. Када фартэ пусавэлас амаро ди, и амэ бут ровасас. Но хоть о врачо и на патялас, кай и Анн-Катрин сможэт тэ лэл зор, лати ашэля фэдэр. Через бэршэстэ амэ рисайлям андо Заиро — пэ када разо андэ цынёни собрания андо форо Лубумба́ши, кай и ԥрала и ԥэя дэнас дума пэ шыб суахили.

И Анн-Катрин: Кала амэ терасас лэ Дэвлэстири дила андэ Лубумбаши, мандэ тердяпэ выкидышо. Хоть амэ и не планировали, кай амэндэ тэ авэн бэяцэ, кода, со тердяпэ, фартэ вимардя ман анда зор. Имено андэ кадэя ԥари время о Иегова стердя амэнди кацаво подарко, саво амэ на аштярдям: амэ лям кадя бутэ манушэн тэ сытярас па Библия, сар на сас никала. Май набут чем важ бэршэстэ амари собрания вибареля: амэндэ сас 35 мануш, ай ашэля 70. Ай пэ амарэ встречи линэ тэ авэн най 40 мануша, сар раньшэ, ай 220. Амэндэ сас фартэ бут дила и амэ диқасас, сар о Иегова дэлас амэнди лашымос. Када дэлас покоё манди по ди и поможысардя тэ пэрэандярав и бида. Амэ идоси часто гиндосарас и дас дума важ амаро бэято. И амэ фартэ аштярас кодэя время, кала андо раё о Иегова вилечия амаро ди и полностью улэла амари дук.

О Матсо: Ӷэт май интя и Анн-Катрин ля фартэ ӥто тэ вимардёл анда зор. Андэ кодэя жэ время мандэ виарақлэ найлащи дук пэ штарто стадия, и манди трэбуй сас тэ стерэн бари операцыя. Акана манди фэдэр. И Анн-Катрин тожэ терэл андэ лэ Иеговастири дила вся, со па лако зор.

Амэ полас, кай най ек амэ пэрэандярас о ԥаримос. Кала андо 1994 бэрш андэ Руанда умарэнас лэ манушэн анда ек народо, амэ авасас каринг бут ԥрала и ԥэя интя, кай ашэнаспэ тэ жувэн кодэла, ко унашля кадэла бидатар. Дажэ андэ кацави ԥари время вонэ на парашэнас тэ патян андо Дэл, тэ ашэнпэ састэ и тэ шон сама ек еқэс. И када инке еқвар сыкадя амэнди, кай о Иегова можэт тэ подритярэл пэстирэ народос андэ любо бида (Пс. 55:22).

И Анн-Катрин: Инке ек бида тердяпэ андо 2007 бэрш, кала амэ лаглям пэ особо проӷрама, сави прожалас важ кода, кай ԥэрнадэ о нэво филиало андэ Уганда. Посли кода сар и проӷрама прожыля, амэ и инке 25 мануш лаглям андэ Найро́би (Кения). Кала амэ подладасас каринг и Кения, по дром резко вихукля о ӷрузовико и дя пар мэндэ. О водителё и панч ԥрала и ԥэя мулинэ сразу, ай ек ԥэй муля андэ больница. Амэ фартэ скучисарас пала амарэ друӷоря и аштярас кодэя время, кала сможэм упалэ тэ диқаспэ лэнца (Иов 14:13—15).

Через дэсави время мандэ набут вилашарделя о зор. И всаек амэ лэ Матсоса и дэсавэ аврэ пасажыронэнца инке мучисавасас через кода, со амэнди прижыляпэ тэ пэрэжувас. Ман часто шолас андэ дар: мэ прошаваспэ и рят и здэласпэ, кай мандэ тердёла оди. Када сас бари дар, но андэ кацавэ маменторя амэ лэ Матсоса анда вся ди мангасаспэ лэ Иеговасти и адиносарасас амарэ любими стихоря анда Библия. Вся када поможыяс, кай амэнди по ди тэ ашэл май спокойно. Ай инке амэ жылям каринг о врачо, и када тожэ дя бари помощь. Акана амэнди пэбутэстэ фэдэр и амэ мангас лэ Иеговас, кай во тэ поможый амэнди тэ подритярас кодэлэн, ко пэрэандярэл кацаво жэ ԥаримос.

Тумэ часто ԥэнэн, кай виритярдэ вся о ԥаримос, важ кода кай о Иегова ԥиравэлас тумэн, сар сыри парнорэ. Сар када тэ полэс?

О Матсо: Пэ шыб суахили ԥэнэн: «Тумебэ́буа ка́ма мая́и маби́чи». Кадэла алава сыкавэн: «Амэн ԥиравэнас, сар сыри парнорэ». Кала о мануш андярэл и сыри парнорэ, во старыийпэ тэ терэл када май акуратно, кай тэ на розмарэл лэн. Точно кадя и о Иегова фэрияс амэн и заботияспэ пала амэндэ, кала амэнди дэнас разни задании. Амэндэ вся и время сас вся, со амэнди трэбуй, и дажэ май бут. Ай инке амэ диқасас, сар о Иегова любий и подритярэл амэн андэ кода, сар о Руководящё совето шол амэн сама.

И Анн-Катрин: Чаче, о Иегова вся и время заботияспэ пала амэндэ. Сэрав, сар еқвар манди позвонисардэ анда Швеция и ԥэндэ, кай мэрнэ дадэсти ашэля фартэ найдраго и во попэля андэ больница. О Матсо кати пэрэандярдя ԥаро насвалимос и лэстэ инке сас слабо зор. Амэндэ на сас ловэ по дром, и амэ гиндосарасас тэ битинас и машына. Но пока амэ вся када обгиндосарасас, амэнди позвонисардя ек ери, сави уӷангля пала амари ситуацыя и закамля тэ дэл амэнди ловэ по ек билето. Ай потом позвонисардя ек ԥэй андэ бэршэндэ, сави ԥэндя, кай отстолас ловэ андэ коробка, пэ сави пистросардя: «Важ и помощь аврэнди». Кадя важ ек маменто о Иегова поможысардя амэнди андэ амари ситуацыя! (Евр. 13:6).

Тумэ терэн лэ Дэвлэстири дила май бут чем 50 бэрш. Сости тумэ сытелэ важ кадэя время?

И Анн-Катрин: Мэ полэм, кай амаро зор андэ кода, кай тэ ашасапэ спокойни и тэ патяс. Если амэ патяс лэ Иеговасти, во лэл амарэ проблемы андэ пэстирэ вас (2 Лет. 20:15, 17; Ис. 30:15). Сави дила амэнди тэ на дэн, амэ ла терасас анда вся ди. Ай о Иегова, пэстиря ригатар, блаӷословияс амэн кадя, сар амэ и тэ гиндосарас не моӷли.

О Матсо: Ӷлавно, сости мэ сытелэм, — када андэ любо ситуацыя тэ патяв лэ Иеговасти и тэ диқав, сар во лэла тэ поможый манди (Пс. 37:5). Во ни еқвар ман на подвэдисардясас. Акана амэ андо Вефилё андэ Мьянма и о Иегова на парашэл амэнди тэ поможый.

Камэлпэ, кай и тэрнэ ԥрала и ԥэя тэ полэн пар пэстэ, сар о Иегова блаӷословий кодэлэн, ко старыийпэ тэ терэл май бут важ лэстэ. Амэ патяс, кай если вонэ отдэна пэс андэ лэ Иеговастирэ вас, тоди лэна «тэ цветин», каринг во лэн тэ на посадий.