Ту камэс тэ уӷанэс о чачимос?

ЧАЧИМОС пала со? Пала кода, со мануша дэлмут камэн тэ уӷанэн. Может ту кадяжэ камэсас тэ уӷанэс ответоря пэ кадэла важни вопросоря:

• О Дэл амэн любисарэл?

• Авэла кацави время, кала ужана войны и биды?

• Со терэлпэ лэ манушэса, кала во мэрэл?

• Авэна упалэ тэ жувэн кодэла, ко муля?

• Сар трэбуй тэ мангаспэ, кай о Дэл тэ ашунэл амэн?

• Со трэбуй, кай тэ авас бахталэ?

Кай па тирятэ трэбуй тэ родэс ответоря пэ кадэла вопросоря? Андэ амарэ деса исин фартэ бут книги. И мануша, савэ пистросарэнас лэн ԥэнэн, кай вонэ ӷанэн ответоря. Но часто, со вонэ ԥэнэн, на сжалпэ ек еқэса. Важ дэсавэ книги андэ амарэ деса ԥэнэн, кай лэн пистросардэ тоди, кала вонэ слинэ нужни. Но прожал время и кода со пистромэ андэр лэндэ уже на поджал, лэн пэрэдиқэн или пистросарэн нэвэ.

Но исин ек книга, и всаворэсти со андэр латэ пистромэ, ту можешь тэ патяс. Андэ кадэя книга чачимос. О Иисус Христос андэ молитва кай о Дэл ԥэндя: «Тиро алав исин чачимос» (Иоанна 17:17). Андэ амарэ деса када Алав ӷанэн, сар Библия. Читай пэ авэр страницы и ту уӷанэса точни библейски ответоря пэ вопросоря, савэ катэ исин.

О Дэл амэн любисарэл?

ВАСО И МАНУША ЗАДЭН КАЦАВО ВОПРОСО? Амэ жувас андо миро, кай фартэ бут жестокость и нинай чачимос. Бут религии сытярэн, кай и биды, савэ терэнпэ кай и мануша — када лэ Дэвлэсти воля.

СО ԤЭНЭНПЭ АНДЭ БИБЛИЯ? О Дэл никала на терэл найлашимос. «О Дэл не может тэ терэл найчачимос и Всемогущё тэ андярэл пэс несправедливо!» — ԥэнэнпэ андэ Библия андэ Иов 34:10. О Дэл камэл тэ стерэл кадя, кай кай и мануша тэ авэл вся драго. Акэ, васо о Иисусо сытярэлас амэн тэ мангаспэ: «Амаро Дад по небо... Мэк авэл тиро Царство. Мэк тири воля авэла и пэ ԥув, сар по небо» (Матфея 6:9, 10). О Дэл фартэ амэн любисарэл, и кай тэ авэл лэсти воля, во закамля тэ отдэл кода, со лэсти фартэ куч (Иоанна 3:16).

Дик кадяжэ Бытие 1:26—28; Иакова 1:13 и 1 Петра 5:6, 7.

Авэла кацави время, кала ужана войны и биды?

ВАСО И МАНУША ЗАДЭН КАЦАВО ВОПРОСО? Пэ война умарэн фартэ бут манушэн. Амэнди най вся ек, кала кай и мануша терэнпэ и биды.

СО ԤЭНЭНПЭ АНДЭ БИБЛИЯ? О Дэл ԥэнэн, кай авэла время и пэ вся ԥув войны будэр на авэна. Кала авэла править лэ Дэвлэско Царство, када правительство по небо, и мануша на авэна «тэ сытён тэ терэн и война». Вонэ «анда мечоря стерэна плугоря» (Исаия 2:4). О Дэл улэла всаворэ биды и найчачимос. О Дэл через и Библия дэл алав: «Тоди во виқосэла всаворэ ясва па лэндирэ яқа, и смерть будэр на авэла, ни сави бида, ни дук будэр на авэла. Кода со сас [кадяжэ найчачимос] прожиля» (Откровение 21:4).

Дик кадяжэ Псалом 37:10, 11; 46:9 и Михей 4:1—4.

Со терэлпэ лэ манушэса, кала во мэрэл?

ВАСО И МАНУША ЗАДЭН КАЦАВО ВОПРОСО? Бут религии сытярэн, кала мануш мэрэл, лэстар варисо отжал и варикай жувэл. Дэсавэ патян, кай и мулэ могут тэ терэн найдраго лэ жундэнди и кай о Дэл шол лэн, тэ ԥабон андэ яг.

СО ԤЭНЭНПЭ АНДЭ БИБЛИЯ? Кала мануш мэрэл, лэс никай нинай. «И мулэ нисо на ӷанэн» — ԥэнэнпэ андэ Экклезиаст 9:5. Мулэ нисо на ӷанэн, вонэ на холявэн и на радуинпэ, важ када вонэ не могут тэ терэн найдраго или тэ дэн помощь лэ жундэнди (Псалом 146:3, 4).

Дик кадяжэ Бытие 3:19 и Экклезиаст 9:6, 10.

Авэна упалэ тэ жувэн кодэла, ко муля?

ВАСО И МАНУША ЗАДЭН КАЦАВО ВОПРОСО? Амэ всаворэ камас тэ жувас и кай тэ жувэн кодэла, кас амэ любисарас. Катэ нисо нинай, кай амэ фартэ камас тэ диқас манушэн, савэ амэндар ужилэ и ко амэнди куч.

СО ԤЭНЭНПЭ АНДЭ БИБЛИЯ? О Дэл рисарэла каринг и жизнь бутэн, ко муля. О Иисусо дя алав, кай «кодэла, кас гарадэ, ашунэна лэско голосо и вщена» (Иоанна 5:28, 29). Кодэла, кас рисарэна каринг и жизнь, авэна тэ жувэн пэ райско ԥув, сар дэлмут и камэлас тэ стерэл о Дэл (Луки 23:43). Инке, кай и мануша, савэ кандэн лэ Дэвлэс, авэла фартэ лашо зор и вонэ жувэна вечно. Андэ Библия ԥэнэнпэ: «Кодэла, ко кандэл лэ Дэвлэс, лэнди ашэлапэ и ԥув и вонэ жувэна пэр латэ вечно» (Псалом 37:29).

Дик кадяжэ Иов 14:14, 15; Луки 7:11—17 и Деяния 24:15.

Сар трэбуй тэ мангаспэ, кай о Дэл тэ ашунэл амэн?

ВАСО И МАНУША ЗАДЭН КАЦАВО ВОПРОСО? Бут мануша анда разни религии мангэнпэ. Но бут гиндосарэн, кай о Дэл лэн на ашунэл.

СО ԤЭНЭНПЭ АНДЭ БИБЛИЯ? О Иисусо сытярэлас амэн, кала амэ мангаспэ тэ на ԥэнас ек и ек алава, анда висытярди молитва. Во ԥэнэнас: «Кала мангэнпэ, тэ на ԥэнэн ек и ек алава» (Матфея 6:7). Если амэ камас, кай о Дэл тэ ашунэл амэн, трэбуй тэ мангаспэ кадя, сар чалёл лэсти. Важ када амэнди трэбуй тэ уӷанас, со камэл о Дэл и тэ мангаспэ пала кода, со лэсти чалёл. Андэ 1 Иоанна 5:14 пистросардо: «Кала амэ мангаспэ [лэ Дэвлэсти], вся со мангас па лэсти воля, во ашунэл амэн».

Дик кадяжэ Псалом 65:2; Иоанна 14:6, 14 и 1 Иоанна 3:22.

Со трэбуй, кай тэ авас бахталэ?

ВАСО И МАНУША ЗАДЭН КАЦАВО ВОПРОСО? Бут мануша гиндосарэн, кай важ и бах трэбуй ловэ, тэ авэл мануш ашунгло или шукарно. Вонэ анда вся зор терэн када, кай лэндэ тэ авэл бах, но вонэ ла на виарақэн.

СО ԤЭНЭНПЭ АНДЭ БИБЛИЯ? О Иисусо сыкадя, со дэл чачуни бах. Во ԥэндя: «Бахталэ, кодэла ко полэл, кай лэнди трэбуй о Дэл» (Матфея 5:3). Амэ аваса бахталэ кати тоди, сар ласа тэ уӷанас чачимос важ о Дэл, и со во камэл тэ стерэл важ амэндэ. Пала кадэва чачимос пистросардэ андэ Библия. Амэ сможем тэ полас, со андэ жизнь фартэ важно, а со най, кала уӷанас чачимос анда Библия. Если амэ аваса тэ прилас и решения па Библия и тэ терас кадя, тоди амэ аваса бахталэ (Луки 11:28).

Дик кадяжэ Притчи 3:5, 6, 13—18 и 1 Тимофею 6:9, 10.

Амэ роздиқлям найбут ответоря анда Библия пэ шов вопросоря. Ту камэс тэ уӷанэс май бут? Да, если ту кодэва мануш, саво полэл, кай лэсти трэбуй о Дэл. Может ту камэс тэ уӷанэс, васо о любящё Дэл домэкэл скати найлашимос и биды? Со трэбуй тэ терэс, кай тэ авэл о ери бахтало? Пэ кадэла и пэ авэр вопросоря и Библия дэл точни ответоря, савэ амэ можем тэ полас.

Но бут мануша андэ амарэ деса на диқэн андэ Библия. Вонэ гиндосарэн, кай вой фартэ бари, и ла ԥарэс тэ полэн. Ту камэс, кай тути тэ дэн помощь тэ виарақэс ответоря анда Библия пэ тирэ вопросоря? Лэ Иеговастирэ свидетеля могут тэ дэн помощь.

Ту можешь тэ уӷанэс и Библия пэстэ цэрэ. Важ када ловэ на лэн. Лэ Иеговастирэ свидетеля, савэ жувэн паша тутэ, могут тэ авэн тутэ кажно курко. И по найбут тэ росԥэнэн тути важ и Библия. Бутэ манушэнди па вся люма уже динэ помощь тэ полэн и Библия. Бут андар лэндэ уже могут тэ ԥэнэн, кай вонэ виарақлэ чачимос!

Чачимос анда Библия май куч, чем вся сомнака. Ту будэр на авэса тэ патяс андэ хохавнэ обычаи, на авэла дар и переживания андо ди. Ту авэса уверенно, кай англэ вся авэла драго, авэса тэ радуиспэ и тэ ӷанэс важ со ту жувэс. О Иисусо ԥэндя: «Тумэ уӷанэна о чачимос и о чачимос дэла тумэнди свобода» (Иоанна 8:32).