Сар тэ ладин лэ родоса

Кала тумэ жэнинпэ, тумэндэ ашэл пэско ери. Тумэ любин тумарэ родителёнэн и стон патив пэр лэндэ, но акана тумэ трэбуй тэ полэн, кай о хулай или и хулаи — само ӷлавно мануш андэ тумари жызня. Можэт, важ о родо авэла найвушэро када тэ прилэн. Но и советоря анда Библия поможына тумэнди и лэ родоса тэ ладин, и кай о брако тэ авэл састо.

1 САВО ҬАН О РОДО ТРЭБУЙ ТЭ ЗАЛЭЛ АНДЭ ТУМАРИ ЖЫЗНЯ

СО ԤЭНЭНПЭ АНДЭ БИБЛИЯ. «Полэ лэ дадэс и ла да» (Эфесянам 6:2). Нэ важно, скати тумэнди бэрш, тумэ всаек трэбуй тэ цэнин и тэ стон патив пэ пэстирэ родителя. Кай тумари половинка тожэ исин родителя, пала савэ во или вой трэбуй тэ заботийпэ и тэ витидэл время важ лэндэ. Андэ Библия ԥэнэнпэ: «И любовь нэ завидует». Важ када авелоп найгодявэрнэс тэ ревнуин лэ хулас или ла хулая каринг и родителя (1 Коринфянам 13:4; Галатам 5:26).

СОВЕТОРЯ

• Никала на трэбуй тэ ԥэнэн кацавэ алава: «Тирэ родителя всегда каринг мандэ долэнпэ» или «тиря дати никала на уӷодиса»

• Старыинпэ тэ полэн о гиндо лэ хуласко или ла хулаяко

2 ПРИЛЭН РИШЭНИЯ И ПРИРИТЯРДЁН ЛАТИ

СО ԤЭНЭНПЭ АНДЭ БИБЛИЯ. «Важ када о мурш ашавэла пэстирэ дадэс и пэстиря да и вся и жызня авэла пэстиря хулаяса, и вонэ ашэна сар ек» (Бытие 2:24). Лэ родителёнэнди можэт тэ здэлпэ, кай вонэ идоси трэбуй тэ диқэн пала тумэндэ. Важ када вонэ моӷут тэ ӷулен андэ тумаро ери.

Тумэ трэбуй дуйжэнэ тэ ришын, пэ скати и родителя лэна тэ участвуют андэ тумари жызня. Подэн дума лэнца пала када ворта, но най ӷрубо (Притчи 15:1). Смирения, кротость и терпения поможына тумэнди тэ ладин лэ родоса, ай кадяжэ тэ на парашэн тэ сыкавэн любовь и терпения каринг лэндэ (Эфесянам 4:2).

СОВЕТОРЯ

• Если тумэнди здэлпэ, кай варико анда родо ӷулел андэ тумаро ери, подэн дума пала када ек еқэса

• Вмести погиндон, со тумэ можэте тэ стерэн кадэлэса