Мэ ашавас май хужэ

НАБУТ ПАЛА ЛЭСТИРИ ЖЫЗНЯ.

Мэ барювавас андо форо Лос-Анджелесо (штато Калифорния, США). О раёно, кай амэ жувасас, сас ашунгло кодэлэса, кай котэ битинэнас наркотикоря и сас бут улични банды. Кай мэрно дад и дэй сас 6 бэяцэ. Мэ сымас дуйто.

Амэ ла даса ԥирасас кай и еванӷелисторя. Кажно курко мэ дилабавас андэ ла қандиряко хоро, ай андэ авэр деса ԥиравас пэ вечеринки, прилавас и наркотикоря и андяравас билажаварди жызня.

Мэ сымас фартэ нервино, и чуть со, даваспэ яг, сар спичка. Мэ на тердювавас ни англа со, кай тэ вицэлав. И проповеди андэ қандири манди на поможынас. Мэ часто ԥэнавас: «Тэ рий – када дила лэ Дэвлэсти, ай мэ оружыя андэ лэстирэ вас!». В концэ андэ 1960 бэрша, андэ май барэ класоря андэ школа, мэ лэм тэ гиндосарав, сар и мануша, савэ ужанас андэ политическо партия, пэ сави ԥэнэнас «Чёрные пантеры». Кадэя партия жэстоко борияспэ пала право лэ калэ манушэнго. Мэ жылэм андо студенческо союзо, саво зашоласпэ пала ӷражданско право. Най еқвар амэ терасас протесторя и пэ времятэ ԥандавасас и школа.

Но манди када на хутилэлас. Мэ тирювавас холятар и камавас май бари жэстокость. Еқвар амэ лэ друӷонэнца диқлям кино, андэ саво сыкавэнас, саво сас ԥаримос кай и африкански раборя андэ США. Када амэн кадя фартэ холярдя, кай амэ шутямпэ тэ мараспэ пэ парнэ мануша ворта андо кинотеатро. Посли када амэ жылям андэ авэр раёно, саво сас паша амэндэ, кай жувэнас и парнэ, кай тэ марас инке варикас.

Манди на сас и 20 бэрш, ай амэ лэ ԥралэнца ужэ ашэлям приступникоря. Амэндэ сас бут проблемы лэ властенца. Ек анда мэрнэ цыкнэдэр ԥрала, сас андэ ашунгли банда, и мэ проандяравас бут время лэстирэ друӷонэнца. Мэ ашавас кати хужэ.

САР И БИБЛИЯ ПАРУДЯ МЭРНИ ЖЫЗНЯ?

И родителя еқэ мэрнэ друӷости сас лэ Иеговастирэ свидетеля. Еқвар вонэ ақардэ ман пэ собрания, и мэ закамлэм тэ жав. Сразу жэ манди андэ яқа шутяпэ бари разница. Кажнонэстэ сас Библия, и всаворэ ԥэрнавэнас ла пэ собрания. Дажэ и бэяцэ и молодёж ԥэнэнас и речи. Мэ фартэ удивисайлэм, кай лэ Дэвлэстэ исин алав — када о Иегова и кай када алав свободно ԥэнэн (Псалом 83:18). Андэ собрания сас мануша анда разни нацыи, но дицолас, кай машкар лэндэ нинай нисави роздиления.

Спэрва мэ на камавас тэ изучаю и Библия лэ Иеговастирэ служытелёнэнца, хоть манди и чалёлас тэ ԥирав лэндэ пэ собрания. Еқвар, мэ сымас пэ собрания кай и свидетеля, ай мэрнэ друӷоря жылэ по канцэрто. Котэ вонэ умардэ еқэ подросткос через кода, кай во на камля тэ отдэл лэнди пэстири кожано куртка. Пэ авэр дес вонэ ԥутяримаса росԥэнэнас пала када. Вонэ дажэ ԥэрясовали пала када по сындо. Бутэнди андар лэндэ динэ пожызнено сроко. Сар жэ мэ сымас радо, кай андэ кодэва вэчэро мэ лэнца на сымас. Тоди мэ ришыл тэ парував пэстири жызня, и залэм тэ изучаю и Библия.

Мэ вэрыто гиндосаравас пала авэр нацыи, и мэ на полавас, сар и свидетеля обжанаспэ ек еқэса. Кала лэ парнэ свидетелёсти трэбуй сас тэ уладэл пала ӷраница, во ашавэлас пэстирэ бэятонэн кай о кало ери. Ай кала лэ калэ ԥралэсти най кай сас тэ жувэл, лэс прилэлас пэстэ о парно ери. Мэ полэм, кай лэ Иеговастирэ свидетеля жувэн па лэ Иисусостирэ алава, савэ запистромэ андэ Иоанна 13:35: «И кала машкар тумэндэ авэла любовь, всаворэ ӷатярэна, кай тумэ мэрнэ ученикоря». Мэ виарақлэм чачуно ери.

Сар изучал и Библия, мэ полэм, кай манди трэбуй тэ парував мэрнэ гиндоря. Манди трэбуй сас най кати тэ ладисарав аврэнца, но и тэ парашав тэ холявав, и тэ вижав андар пэстэ (Римлянам 12:2). Понабут мэ май драго лэм тэ полав лэ Дэвлэс. Андо январё андэ 1974 бэрш мэ болделэм и ашэлэм лэ Иеговаско свидетелё.

Но дажэ посли када, манди трэбуй сас тэ парудював. Еқвар пэ проповедь па цэра, мэ ӷонисайлэм пала чордыӷари, саво чордя о радио анда мэрни машына. Кала мэ почти доӷонисардэм лэс, во мэкля о радио и унашля. Мэ росԥэндэм пала када аврэнди, и о барэдэр ԥрал пушля мандар: «Стивен, ай со бы ту стердоп, если бы доӷонисардоп лэс?» Через кадэва вопросо, мэ инке май фартэ загиндосайлэм, со инке тэ терав, кай тэ ашав май мирно.

Андо октябрё андэ 1974 бэрш мэ лэм тэ служысарав пианероса, кажно шон росԥэнавас важ о Дэл 100 часов. Май интя мэ служысардэм добровольцэм андэ всемирно ӷлавно управления кай лэ Иеговастирэ свидетеля андо Бруклино (штато Нью-Йорк). Андо 1978 бэрш мэ рисайлэм андо Лос-Анджелесо, кай тэ диқав пала насвали дэй. Черэз дуй бэрш мэ жэнисайлэм пэ райкани христианка, савя ақарэн Ааронда. Вой поможыяс манди тэ диқав пала мэрни дэй жы кай ла датири смэрть. Потом амэ ла Аарондаса сытелям андэ Библейско школа Галаад и амэн бишалдэ андэ Панама, кай май дур тэ служысарас мисионеронэнца.

Посли кода, сар мэ болделэм, мэ най еқвар попэравас андэ ситуацыи, кай манца камэнас тэ споринпэ. Мэ сытелэм тэ терав кадя, кай котэ, кай можэт тэ авэл скандало тэ авэл мирно. Ай инке тэ андярав пэс кадя, кай мэ тэ на вижав андар пэстэ, дажэ кала пэр мандэ тасавэн. Бут мануша, ай кадяжэ мэрни хулаи, хвалин ман, важ кода кай мэ старысавав тэ терав кадя, кай тэ авэл спокойно. Мэ и екжэно удивисавав кадэлэсти! Мэ ӷанав, кай мандэ када вижал лэ Дэвлэстирэ зорэса (Евреям 4:12).

САР МЭРНИ ЖЫЗНЯ АШЭЛЯ МАЙ ФЭДЭР.

И Библия поможысардя манди тэ виарақав смысло андэ жызня и тэ ашав па чачимастэ мирно мануш. Мэ будэр на розмэкав и вас, ай росԥэнав лэ манушэнди важ о Дэл. Мэ дажэ лэм тэ сытярав па Библия мэрнэ школьнонэ враӷос! Кала во болделя, амэ дэсави время жувасас андэ ек квартира. И амэ лэса ашэлям пашутнэ друӷонэнца. Ай ла хулаяса амэ поможысардям май бут чем 80 манушэнди тэ ашэн лэ Иеговастирэ свидетеля.

Мэ фартэ блаӷодарно лэ Иеговасти, кай во манди дя смысло и настоящё бахтали жызня и лашэ друӷонэн.