Тэ терас лашимос пэ алава и пэ дила

ЛАШЭ алава и дила моӷут тэ подритярэн и тэ терэн по ди май вушэро. Всаворэнди чалёл, кала лэнди терэн лашимос и кала лэнца драго обжанпэ. Кадэлэстар андо ди ашэл блаӷодарность. Со поможыя амэнди тэ терас лашимос?

Тэ терэс лашимос, када па чачимастэ тэ гиндос, кай аврэстэ тэ авэл вся драго, мишто и када дицол па алава и пэ дила. О мануш, саво па чачимастэ терэл лашимос, най кати драго дэл дума и андярэл пэс, и лэстэ андо ди любовь. Во камэл тэ полэл, со андо ди аврэстэ. Но май важно всаворэстар, кай о лашимос ужал андэ кода, со терэл лэ Дэвлэско свынто духо. Кадэва духо трэбуй тэ авэл кай всаворэ христианоря (Галатам 5:22, 23). Акана подам дума, сар када терэн о Иегова и лэско шаво и сар амэ лэндар тэ сытювас тэ терас кадя.

О ИЕГОВА ТЕРЭЛ ЛАШИМОС ВСАВОРЭНДИ

О Иегова шол сама и терэл лашимос всаворэ манушэнди, «дажэ кодэлэнди, ко найблаӷодарни и найлашэ» (Луки 6:35). Во «приԥэнэн лэ қамэсти тэ ваздэлпэ важ кодэла, ко терэл о лашимос и ко терэл о найлашимос, и бишалэл о брышын важ и праведни и нэправедни» (Матфея 5:45). Важ када дажэ кодэлэндэ, ко на патян, кай вся создал о Иегова, исин о лашимос, саво во дя и лэндири жызня можэт тэ авэл бахтали.

Погиндон пала кода, саво лашимос о Иегова стердя важ о Адамо и Ева. Йто, после кода, сар о Адамо и Ева стердэ бэзэх, вонэ «анда инжырни листоря судэ пэсти котор, кай набут тэ заушаравэн и тила». Но о Иегова ӷанэнас, кай пала садо Эдэмо лэнди трэбуй авэла кацави йда, сави фэрисардоп лэн, важ кода кай о Дэл дя амрая и ԥув и акана пэр латэ лэна тэ барён и колючки и бурьяноря. Важ када о Иегова дя лэ Адамости и ла Евати лунго ӷаравлицко йда (Бытие 3:7, 17, 18, 21).

О Иегова терэл лашимос всаворэ манушэнди и дажэ лэ найлашэнди. Но лэсти инке май фартэ чалёл тэ терэл лашимос пэстирэ манушэнди, савэ на парашэн лэсти тэ служын. Кадя сас и андэ деса, кала жувэлас о пророко Захария. Лэ Дэвлэско анӷело фартэ пэрэжывал, важ кода кай и иудеёря парашэлэ тэ ваздэн о храмо андо Иерусалимо. О Иегова виашундя кода, пала со о анӷело фартэ загиндояспэ и ԥэндя лэсти «лашэ алава, савэндар ашэля май вушэро» (Захария 1:12, 13). Кадяжэ, ӷэт май интя во погиндосардя и пала пророко Илья. Еқвар лэсти сас кадя ԥарэс, кай во мангэлас лэ Иеговастар пэсти смэрть. О Иегова сыкадя, кай гиндояс пала кода, со сас по ди кай о Илья и бишалдя лэ анӷелос, кай тэ подритярэл лэс. О Илья гиндояс, кай анда лэ Дэвлэстирэ пророкоря ашэляпэ ек во. Но о Дэл ԥэндя лэсти, кай када най кадя. Лашэ алавэнца о Иегова подритярдя лэ Ильяс, кай во тэ на парашэл лэсти тэ служый (1 Царей 19:1 жы кай 18). Но кастэ анда лэ Иеговастирэ служытеля вижыля тэ терэл о лашимос кадя, сар лэстэ?

О ИИСУСО, САР НИКО, ПОЛЭЛАС, СО САС ПО ДИ КАЙ И МАНУША

Кала о Иисусо сас пэ ԥув, и мануша диқэнас, сар дэ драго о Иисусо обжаласпэ лэ манушэнца. Во никала на грабияс тэ холявэл и на вижалас андар пэстэ и никала на тасавэлас пэ авэр, кай вонэ тэ терэн кода, со во камэлас. Во промэкэлас через пэско ди лэ манушэндири дук и ԥэнэнас: «Авэн каринг мандэ всаворэ, ко терэн дила и касти ԥарэс, и мэ стерава тумэнди май вушэро по ди» (Матфея 11:28 жы кай 30). Важ кода кай во терэлас лашимос, каринг во тэ на жылоп и мануша жанас пала лэстэ. О Иисусо жалуияс лэ манушэн, праварэлас лэн, исцэлияс лэ насвалэн и сытярэлас лэ манушэн лэ чачимасти пала пэско дад (Матфея 14:14; 15:32 жы кай 38; Марка 6:34).

О Иисусо полэлас, со сас кай и мануша по ди. Во терэлас лашимос всаворэнди и гиндояс пала кажно мануш. Во поможыяс всаворэнди, ко авэлас каринг лэстэ, дажэ тоди, кала лэсти када сас най фартэ удобно (Луки 9:10, 11). Погиндон, со сас ла манушняса, савятэ на парашэлас тэ жал па гад. Вой камля тэ исцэлийпэ и важ када вой ляпэ каринг лэ Иисусостири йда. Но па лэ Моисеёско законо вой сас найвужи англа Дэл и лати када нащи сас тэ терэл (Левит 15:25 жы кай 28). Сар пэ када диқля о Иисусо? Во на холяйля пэр латэ. Во диқля, кай вой пэрэдарайля и лэсти ашэля ла жалко, важ кода кай вой сас насвали ужэ 12 бэрш. О Иисусо ԥэндя лати: «Мэрни щей, кода, кай ту патяс, исцэлисардя тут. Жа Дэвлэса и ав зорали пэстирэ ԥарэ насвалимастар» (Марка 5:25 жы кай 34). О Иисусо па чачимастэ сас добро и терэлас лашимос!

ТЕРЭН ЛАШИМОС

Анда кода, пала со амэ дям дума, амэ уӷанлям, кай кала о мануш камэл па чачимастэ тэ терэл лашимос, када дицола па лэстири дила. О Иисусо сыкадя, пэ скати када важно, кала росԥэндя пала добро самаритянино. И евреёря обчордэ лэс, помардэ и ашадэ лэс тэ мэрэл по дром. И самаритяноря и евреёря вэрыцынас ек аврэс. Но о добро самаритянино, саво прожалас мимо, шутя сама пэ кадэва мануш и во лэсти ашэля фартэ жалко. Во виқосля лэстирэ раны драбэса и андярдя лэс андэ ӷостиница. О самаритянино потиндя лэ хуласти, саво ритярэлас и ӷостиница, кай кодэва тэ диқэл пала лэстэ. Кадяжэ во ԥэндя лэсти: «Сар жана май бут ловэ, мэ потинава тути, кала рисавава» (Луки 10:29 жы кай 37).

Кала камас тэ терас лашимос, када дицола най кати пэ дила, но и андэ дума. Андэ Библия пистромэ: «Кала о мануш фартэ загиндойпэ, кадэлэстар ашэл ԥарэс по ди, ай лэ лашэ алавэстар оди лэл тэ лошавэл» (Притчи 12:25). Амэ ԥэнас лашэ алава, кала амэ екжэнэ камас тэ терас лашимос и амэн пала када нико на мангэлa. Кацавэ алавэндар лэнди авэла драго по ди и дэла зор. Амарэ лашэ алава дэна лэнди зор май драго тэ пэрэандярэн о ԥаримос (Притчи 16:24).

САР ТЭ СЫТЮВАС ТЭ ТЕРАС О ЛАШИМОС?

О Иегова создал амэн кацавэнца, сар во. Важ када амэ ӷанас тэ терас лашимос (Бытие 1:27). Ԥэнаса, о Юлиё о римско сотнико, саво трэбуй сас тэ диқэл пала Павло, драго обжыляпэ лэса, кала андярэлас лэс андо Римо. О Юлиё тердя лэ Павлости лашимос, кала «одмэкля лэс кай лэстирэ друӷоря». Состэ? Кай «вонэ тэ позаботинпэ пала лэстэ» андо форо Сидоно (Деяния 27:3). Прожыля дэсави время, и о кораблё, пэ саво слинэ о Павло и кодэла, ко лэса сас, розмарделяпэ паша ԥув Мальта. И мануша, савэ жувэнас пэ кадэя ԥув, фартэ драго обжылэпэ лэнца. Вонэ дажэ стодэ яг важ кодэла, ко авелэ, кай вонэ тэ ҭатён (Деяния 28:1, 2). Кода, со вонэ стердэ сас фартэ драго. Но о мануш трэбуй тэ терэл лашимос всегда, ай най кати дэкала, кай о Иегова тэ радуийпэ.

О Иегова камэл, кай амэ анда оди тэ камас тэ терас о лашимос. О Иегова ԥэнэн амэнди: «Утидэнпэ... андэ кода, кай тэ терэн лашимос» (Колоссянам 3:12). Но вушэро тэ терас о лашимос вся и время? Най. Ай васо? Амэн можэт тэ ритярэл, кай амэ лажавнэ, кай гиндосарас, кай амэндэ на вижала чи сар гиндосарас кати пала пэстэ. Чи амэнди можэт тэ авэл ԥарэс, кала пар мэндэ тасавэн авэр мануша. Но если амэ мангаспэ пала свынто духо и терас кадя, сар о Иегова, во поможыя амэнди тэ терас лашимос (1 Коринфянам 2:12).

Катар амэ тэ уӷанас, андэр со тэ парудювас, кай тэ терас май бут лашимос? Пуш пэстар: «Драго мэ ашунав аврэн и камав мэ тэ полав, со лэндэ по ди? Ӷанав мэ, кала аврэнди трэбуй тэ поможысарав? Кала мэ послиднё разо тердэм лашимос кодэлэсти, ко манди най друӷо и най родо?» Кала ту дэса атветоря пэ кадэла вопросоря, сто цэли. Савэ? Май драго уӷан кодэлэн, ко паша тутэ. И май фартэ уӷан лэ ԥралэн и лэ ԥэян анда собрания. Кадя тутэ вижала тэ полэс, со лэндэ терэлпэ андэ жызня и андэр со лэнди трэбуй помощь. Тоди обжапэ лэ манушэнца кадя жэ драго, сар тути камлопэ, кай вонэ тэ обжанпэ туса (Матфея 7:12). Ай кадяжэ манг лэ Иеговас, кай во тэ поможый и тэ блаӷословий тут, кай тэ стос зор тэ терэс лашимос (Луки 11:13).

ЧЕРЕЗ О ЛАШИМОС, САВО АМЭ ТЕРАС, И МАНУША ЗАКАМЭНА ТЭ ПАРУДЁН

О апостоло Павло на шоласпэ пэ аврэндэ кодэлэса, кай во терэлас лашимос. Кадя во сыкадя, кай во лашо лэ Дэвлэско служытелё (2 Коринфянам 6:3 жы кай 6). О миро цырдэласпэ каринг о Павло, важ кода кай во ԥэнэнас и терэлас о лашимос. И мануша полэнас, кай во заботияспэ пала лэндэ (Деяния 28:30, 31). Кадяжэ, кала амэ терас лашимос, авэр моӷут тэ закамэн тэ уӷанэн май бут пала чачимос. Кала амэ терас лашимос всаворэнди, дажэ кодэлэнди, ко вэрыто амэнца обжалпэ, када можэт тэ лэл лэн лэ одестар и вонэ закамэна тэ парувэн пэстирэ гиндоря пала амэндэ (Римлянам 12:20). Ай через и время вонэ закамэна тэ уӷанэн и библейско весть.

Андо раё всаворэ лэна тэ терэн ек аврэсти кати о лашимос. Кодэла, ко ринапэ каринг и жызня, можэт дажэ пэрво разо диқэна, сар дэ бут лашимос лэнди терэн авэр. Важ када вонэ закамэна тэ терэн лашимос аврэнди. Кодэлэн, ко на закамэна тэ терэн о лашимос и тэ поможын аврэнди, о Иегова на мэкэла тэ жувэн андэ лэско царство. Андо раё пэ ԥув лэна вечно тэ жувэн кати кодэла, ко любин тэ терэн лашимос (Псалом 37:9 жы кай 11). Када авэла па чачимастэ лащи жызня, андэ сави на авэла нисаво найлашимос! Но со акана амэндэ исин кадэлэстар, кай амэ терас лашимос?

СО АНЭН О ЛАШИМОС?

Андэ Библия ԥэнэнпэ: «Лэ манушэсти авэла драго кодэлэстар, кай во терэл аврэнди лашимос» (Притчи 11:17). Лэ манушэнди чалёл, кала лэнди терэс лашимос, и тоди вонэ закамэн тэ терэн кадяжэ. О Иисусо ԥэндя: «Скати тумэ дэн, скати дэна и тумэнди» (Луки 6:38). Вижал, лэ манушэсти, саво терэл лашимос, май вушэро тэ виарақэл друӷонэн и тэ дружый лэнца.

О Павло ԥэндя лэ христианонэнди, савэ жувэнас андо Эфесо: «Терэн ек аврэсти лашимос, полэн и жалуин, простин ек аврэс анда вся оди» (Эфесянам 4:32). Андэ собрания ашэла кати май драго, если ԥрала и ԥэя лэна тэ терэн вся, кай тэ полэн ек аврэс, тэ терэн лашимос и тэ поможын ек аврэсти. Кацавэ христианонэндар никала на ашунэса алава, савэ шынэн, сар шуряса чи ԥэнэн аврэсти кати кода, со лэстэ на вижал. Кадяжэ на ашунэса сплетни чи ԥэряса, савэндар ашэл фартэ обидно. Кацавэ христианоря пэстирэ алавэнца кати подритярэн аврэн (Притчи 12:18). Тоди вся и собрания лэла анда вся оди тэ служын лэ Иеговасти.

Сар амэ диқлям, тэ терас о лашимос трэбуй алавэнца и пэ дила. Кала амэ терас лашимос, амэ шаспэ пэ амаро Дэл Иегова, саво полэл и дэл анда вся оди (Эфесянам 5:1). Через када амари собрания ашэл май фартэ ек пала еқэстэ и через када и мануша закамэна тэ уӷанэн о чачимос. Акана вся и время и андэ вся терам лашимос!