Хвалин лэ Иеговас андэ собрания

1. Со кай о Давидо сас андо ди каринг о Иегова? И со во через када камэлас тэ терэл?

О ЦАРЁ ДАВИДО пистросардя: «О Иегова со май баро, и ашэл, кай лэс тэ хвалисарас» (Псалом 145:3). О Давидо любияс лэ Иеговас и важ када во хвалияс лэ Дэвлэс «андэ собрания» (Псалом 22:22; 40:5). Тумэ кадяжэ любин лэ Иеговас и тумэндэ андо ди кадя жэ, сар кай о Давидо, кала во ԥэндя: «Хвалин лэ Иеговас, амарэ Дэвлэс лэ Израилёстирэ дадэс, пэ вся и вечность» (1 Летопись 29:10—13).

2. а) Сар амэ можэм тэ хвалисарас лэ Иеговас? б) Состар даран дэсавэ христианоря? Пала со подаса дума андэ кадэя статья?

² Сар амэ можэм тэ хвалисарас лэ Иеговас? Амэ терас када, кала дас каминтарии пэ христиански собрании. Но важ дэсавэ ԥрала и ԥэя када фартэ ԥарэс. Вонэ камэн тэ дэн каминтарии, но даран. Сар вонэ тэ улэн и дар? Савэ советоря поможына всаворэнди тэ дас кацавэ каминтарии пэ собрания, савэ подритярэна аврэн? Англа кода, сар тэ уӷанас и атветоря пэ кадэла вопросоря, подам дума пала штар ӷлавни причины, васо амэ трэбуй тэ дас каминтарии пэ собрании.

ВАСО АМЭ ДАС КАМИНТАРИИ ПЭ СОБРАНИЯ?

3. Васо амэ дас каминтарии пэ собрания?

³ О Иегова дя амэнди честь тэ хвалисарас лэс (Псалом 119:108). Амарэ атветоря пэ собрании, када «жэртва, савяса восхваляем». Важ амэндэ кадэя жэртва нико на анэна. Када трэбуй тэ терас екжэнэ. (Адиносар Евреям 13:15b.) Ай камэл о Иегова, кай лэстирэ служытеля тэ анэн лэсти одинакови жэртвы? Канешно, най!

4, 5. Трэбуй амэ тэ дас одинакови каминтарии? Росԥэнэн.

⁴ О Иегова ӷанэн, кай всаворэндэ разни способности, разни ситуацыи андэ жызня, и важ лэстэ куч всаворэ жэртвы, савэ амэ лэсти анас. Савэ жэртвы о Иегова прилэлас кай израильтяноря? Варико моӷ тэ анэн андэ жэртва тэрнорэ бакрорэс чи лэ бузнэс. Но если о израильтянино сас чороро, тоди во моӷ тэ анэн андэ жэртва «дуен ӷолубкэн чи дуен тэрнорэ ӷолубонэн». Ай сар и пэ када лэстэ на хутилэнас ловэ, о Иегова прилэлас лэстар «десято часть ефы со май лашо яро» (када ек килаӷрамо и триста ӷрам) (Левит 5:7, 11). О яро сас со май ефтино, но кати во трэбуй сас тэ авэл со май лашо. О Иегова цэнияс и кадэя жэртва.

⁵ Амаро Дэл, саво терэл ек о лашимос, на паруделя. Во амэндар на аштярэл, кай пэ собрания амэ ласа тэ дас дума кадя шукарнэс, сар о Аполлосо, и ӷрамотно, сар о Павло (Деяния 18:24; 26:28). Вся, со камэл о Иегова, када, пэ скати амэндэ вижал, тэ дас каминтарии. Во на мангэл амэн тэ терас, со най па амаро зор. Сэрэн ла ԥивля манушня, сави шутя андэ пожэртвования дуй хурдорэ монетки (амари ек копийка, када лэндирэ штар монетки)? Важ о Иегова, када сас фартэ куч. Васо? Важ кода кай вой отдя со май лашо, со латэ сас (Луки 21:1—4).

6. а) Сар и атветоря, савэ дэн кодэла, ко авеля пэ собрания, моӷут тэ лэн лэ одестар и со важ када пистромэ андэ Евреям 10:24, 25? б) Сар тэ сыкавас, кай цэнисарас, кай всаворэ дэн каминтарии?

⁶ Амэ подритярас ек аврэс, кала дас каминтарии пэ собрании. (Адиносар Евреям 10:24, 25c.) Амэнди всаворэнди чалёл тэ ашунас разни атветоря, савэ дэн и ԥрала и ԥэя. Ай, кала и цынёне бэятцэ дэн анда вся оди каминтарии, амэнди фартэ драго по ди! Амэ лошавас кодэлэстар, кай кодэла, ко найдэлмут авелэ андэ собрания, дэн каминтарии анда вся оди. Амэ лошавас, кала и ԥрала и ԥэя, савэ лажавнэ чи савэ на ӷанэн драго и шыб, ашэлэ смили, кай тэ дэн каминтарии пэстирэ алавэнца (1 Фессалоникийцам 2:2). Сар амэ тэ сыкавас, кай цэнисарас кода, со вонэ терэн? Посли собрания тэ блаӷодарисарас лэн важ и каминтарии и кадяжэ екжэнэ тэ дас каминтарии. Кадэлэса амэ дас зор най кати пэсти, но и аврэнди (Римлянам 1:11, 12).

7. Васо драго тэ дэс каминтарии?

⁷ Важ амэндэ драго, кала дас каминтарии (Исаия 48:17). Васо? Пэрво, кала амэ камас тэ дас каминтариё, тоди амэ май драго ӷотовимся каринг и собрания. Сар драго ӷотовимся каринг и собрания, амэ инке май драго полас и Библия. И со май драго амэ полас и Библия, када поможый амэнди тэ терас май драго кода, со уӷанас. Дуйто, кала амэ ласа тэ дас каминтарии пэ собрания, тоди амэнди чалёла тэ авас пэр лэндэ и амэндэ авэла май бут радость. Трито, кала ӷотовим пэстирэ каминтарии, тоди кадэла гиндоря ласа тэ сэрас май долӷо.

8, 9. а) Со, па тумарятэ, по ди кай о Иегова, кала амэ дас каминтарии пэ собрания, сар када дицол анда Малахия 3:16? б) Васо дэсавэ христианоря на дэн каминтарии?

⁸ О Иегова лошавэл, кала амэ дас дума пала пэстири вера. Патян, о Иегова ашунэл амэн. Во цэний кода, кай амэ пристас бут зор, кай тэ дас каминтарии пэ собрании. (Адиносар Малахия 3:16d.) Если амэ анда вся зор старысавас, кай о Иегова тэ авэл лошало, во амэн блаӷословия (Малахия 3:10).

⁹ Амэндэ исин бут, васо тэ дас каминтарии пэ собрании. И всаек дэко дарал тэ ваздэл о вас. Если тумэндэ исин кацавэ гиндоря, тоди нэ пэрэжывайте. Подам дума пала библейски принцыпоря, примероря анда жызня и пала советоря, савэ поможына амэнди май часто тэ дас каминтарии пэ собрании.

САР ТЭ УЛАС И ДАР?

10. а) Состар даран бут андар мэндэ? б) Со сыкавэл кадэя дар?

¹⁰ Сар кати гиндон тэ ваздэн о вас и тэ дэн каминтарии, и тумэндэ май фартэ лэл тэ марэлпэ оди, сэрэн, кай най кати тумэндэ кадя. Бут андар мэндэ кадяжэ даран тэ дэн каминтарии. Кай тэ улас кадэя дар, трэбуй тэ полас, состар амэ дарас. Можэт тумэ даран, кай хасарэна о гиндо, саво камлэ тэ ԥэнэн чи кай ԥэнэна нэправильно о атвето? Чи пэрэжываете, кай тумаро атвето авэла най кацаво интересно, сар аврэндэ? Но па чачимастэ драго, кай тумэ гиндон пала када. Кацавэ гиндоря сыкавэн, кай тумэ на заваздэн о шэро и на гиндон, кай тумэ май лашэ аврэндар. Лэ Иеговасти чалён кацавэ мануша (Псалом 138:6; Филиппийцам 2:3). Во кадяжэ камэл, кай пэ собрания тумэ тэ восхваляете лэс и тэ подритярэн лэ ԥралэн и лэ ԥэян (1 Фессалоникийцам 5:11). О Дэл фартэ тумэн любий и дэла тумэнди смилость.

11. Савэ библейски гиндоря поможына амэнди тэ улас и дар?

¹¹ Уӷанам дэсавэ гиндоря анда Библия. Андэр латэ росԥэнэнпэ, кай амэ дэкала дас дума кода, со на трэбуй и най кадя, сар трэбуй (Иакова 3:2). О Иегова на аштярэл амэндар совершэнство. Кадяжэ и ԥрала и ԥэя на аштярэн када амэндар (Псалом 103:12—14). Амэ лэнца, сар ек лэ Дэвлэско ери, и вонэ фартэ амэн любин (Марка 10:29, 30; Иоанна 13:35). Вонэ полэн, кай амэндэ най вся и время вижал правильно тэ ԥэнас пэстирэ гиндоря.

12, 13. Сости амэн сытярэл кода, со сас лэ Неемияса и лэ Ионаса?

¹² Акана подаса дума пала мануша, савэ жувэнас андэ дэлмутни время, савэндар амэ сытювас тэ улас и дар. Ек кацаво мануш, када о Неемия. Во служыяс кай ек зорало правителё. Сар о Неемия уӷангля, кай и стины и вороты андо Иерусалимо кадя и пашлён розмардэ, лэсти ашэля фартэ ԥарэс по ди (Неемия 1:1—4). Кала о царё пушля кай о Неемия, со тердяпэ, файма, кай о Неемия ля май фартэ тэ марэлпэ оди. О Неемия сразу ля тэ мангэлпэ лэ Дэвлэсти, и росԥэндя вся лэ царёсти. Со кадэлэстар вижыля? О царё бут андэр со поможысардя лэ Дэвлэстирэ народости (Неемия 2:1—8). Инке подаса дума пала Иона. О Иегова приԥэндя лэсти тэ жал тэ росԥэнэн важ о Дэл лэ манушэнди, савэ жувэнас андэ Ниневия. Но о Иона кадя фартэ пэрэдарайля, кай унашлятар андо форо Фарсисо, саво сас совсем андэ авэр риг (Иона 1:1—3). Важ кода кай о Иегова поможысардя лэсти, о Иона стердя кадэя дила. Кодэлэстар, кай во жыля и росԥэндя и весть, и ниневитяноря каисайлэ и спасысайлэ (Иона 3:5—10). Кода, со стердя о Неемия, сытярэл амэн кодэлэсти, сар важно тэ мангаспэ англа кода, сар тэ дас каминтариё. Ай кода, со сас лэ Ионаса сыкавэл, кай дажэ если амэнди фартэ страшно, о Иегова подритярэла амэн, кай тэ служысарас лэсти. Акана погиндон, чаче амэндэ исин кодэя дар лэ ԥралэндар и лэ ԥэяндар, сави сас кай о Иона лэ ниневитянонэндар?

¹³ Сар и советоря поможына амэнди тэ подритярас аврэн, кала дас каминтарии? Подам дума пала дэсавэ советоря.

14. Васо важно драго тэ ӷотовимся каринг и собрания и кала када можно тэ терас?

¹⁴ Ӷотовьтесь каринг кажно собрания. Если май англал ласа ӷотовиться каринг и собрания и драго проадиносараса кода, со котэ авэла, када поможыя тэ улас и дар и тэ дас каминтарии (Притчи 21:5). Кажнонэстэ и жызня жал па пэстирятэ. И Элоиза, ԥивли манушни, савяти пала 80 бэрш, лэл тэ адиной и статья анда «Сторожэво башня», кала залэлпэ о курко. Вой росԥэнэн: «Сар мэ ӷотовлюсь май англал каринг и собрания, када анэн манди бут лашимос». И Джой, сави десэнца терэл пэ бути, витидэл и время тэ ӷотовиться каринг и «Сторожэво башня» в субботу. Вой росԥэнэн: «Кай драго тэ сэрав и гиндоря анда статья, манди чалёл тэ адиносарав в субботу». Акэ со ԥэнэн ек старейшына, савэс ақарэн Айк. Во служый пионероса и лэстэ бут дила андэ собрания. Во росԥэнэн: «Важ мандэ фэдэр тэ адиносарав и статья най вся сразу, ай по набут, кай тэ проадиносарав ла важ о курко».

15. Со трэбуй, кай драго тэ подӷотовимся каринг и собрания?

¹⁵ Со трэбуй, кай драго тэ ӷотовимся каринг и собрания? Кажно разо, кала ӷотовишься каринг и собрания, манг кай о Иегова свынто духо (Луки 11:13; 1 Иоанна 5:14) Посли када витидэ набут время, кай тэ продиқэс вся и статья. Погиндосар, со за заӷоловкоря, подзаӷоловкоря, картинки и рамки. Кала лэса тэ адинос о абзацо пала абзацо, адиносар, сар можно май бут стихоря анда Библия, савэ исин андэ статья. Погиндосар пала кода, со адинос. Шу сама май бут пэ кодэла гиндоря, савэ ту камлоп тэ ԥэнэс пэ собрания. Со май драго ту подӷотовишься каринг и собрания, со май бут польза када тути анэна, и тоди авэла май вушэро тэ дэс каминтарии (2 Коринфянам 9:6).

16. Савэ тумэндэ исин электрони инструменторя и сар тумэ пар лэндэ сытён?

¹⁶ Сар тумэндэ вижал, сытён па электрони инструменторя, савэ исин пэ кодэя шыб, сави тумэ ӷанэн. Через пэстири арӷанизацыя о Иегова дя амэндэ электрони инструменторя, савэ поможын амэнди ӷотовиться каринг и собрания. Амэ можэм тэ скачаем прилажэния JW Library пэ амарэ электрони устройстворя. Андэ кадэя прилажэния исин вся, пар со амэ сытювас пэ собрании. Тоди амэ можэм тэ подӷотовимся каринг и собрания (чи тэ адиносарас чи тэ ашунас) андэ любо время и андэ разни ҭана. Дэсавэ ԥрала и ԥэя сытён па кадэя прилажэния андэ дромэстэ, пэ бути по обедо чи андэ школа. Кала амэ камас май драго тэ уӷанас варисаво вопросо, када авэла вушэро, сар диқаса андэ электроно библиатека чи «Онлайн библиатека Сторожэво башня».

17. а) Васо драго, кала подӷотавливаем най ек каминтариё? б) Со тумэ уӷанглэ анда видео «Стань другом Иеговы. Подготовь свой комментарий»?

¹⁷ Сар тумэндэ вижала, андэ кажно статья подӷотовьте най ек каминтариё. Васо када трэбуй? По вопросо, пэ саво ту подӷотовил каминтариё, можэт тэ закамэл тэ атветит варико инке. Важ када о ԥрал, саво проандярэл и собрания можэт тэ пушэл аврэс, ай най тут. Кадя сар пэ статья дэлпэ набут время, тэ пушэл всаворэн дэкала на вижал. Сар кати залинэ тэ розлэн и статья и тутар на пушлэ каминтариё, нэ пэрэжывай. Ай сар ту подӷотовишь най ек атвето, тоди ту сможэш тэ дэс каминтарии. Кадяжэ можно подӷотовить стихо анда Библия, кай тэ заадинос чи тэ атветиш по варисаво вопросо пэстирэ алавэнцаe.

18. Васо фэдэр тэ дэс найбаро атвето?

¹⁸ Дэ атвето найбутэ алавэнца. Савэ каминтарии моӷут тэ подритярэн лэ ԥралэн и лэ ԥэян? Када прости и найбарэ каминтарии. Важ када сто цэль, кай тэ дэс атвето найбутэ алавэнца. Старысав, кай тиро атвето тэ на авэл май бут чем 30 секунд (Притчи 10:19; 15:23). Если ту ужэ най пэрво бэрш дэс каминтарии пэ собрания, тути трэбуй тэ сыкавэс аврэнди, сар тэ дэс найбаро атвето. Дэсавэ ԥрала и ԥэя, кала ашунэн барэ и ԥарэ каминтарии, моӷут тэ гиндон, кай лэндэ никала кадя на вижала. Кадяжэ, со май найбаро атвето, со май бут мануша смоӷут тэ дэн каминтарии. Тэ дэс атвето ворта и просто, када фартэ важно, если тут пушлэ пэрвонэс. На пэрэԥэн всаворэ гиндоря анда абзацо. Если ӷлавно гиндо анда абзацо ужэ росԥэндэ, ԥэн авэр. (Диқэн и рамка «Савэ каминтарии моӷут тэ авэн?».)

19. Со можно тэ стерэс, если камэс тэ дэс каминтариё пэ варисаво вопросо?

¹⁹ Ԥэн лэ ԥралэсти, саво проандярэл и статья, пэ саво вопросо ту камэс тэ дэс каминтариё. Фэдэр када тэ стерэс май англал. Кала о ԥрал задэла о вопросо, тути трэбуй тэ ваздэс о вас май упрэ, кай во тэ додиқэл.

20. Васо, кала амэ стидаспэ пэ собрания, када, сар амэ стидаспэ лэ друӷонэнца тэ хас и тэ пас?

²⁰ Кала амэ стидаспэ пэ собрания, када, сар амэ стидаспэ лэ друӷонэнца тэ хас и тэ пас. Представьте, тумэн ақардэ пэ природа и манглэ, кай тумэ цэрал тэ гитон варисаво хамос. Сар тумэ пэ када диқэна? Файма, тумэ лэна набут пэрэжывать, но всаек старыинапэ тэ стерэн кода, со чалёла всаворэнди. Пэ собрания о Иегова, сар лашо хулай, анда вся оди стол лашо хамос (Псалом 23:5; Матфея 24:45). И лэ Иеговасти чалёл, кала амэ анда вся оди отдас лэсти, со май лашо амэндэ исин. Важ када драго ӷотовьтесь каринг и собрания и со май часто ваздэн о вас. Тоди тумэ най кати лэна тэ хан о лашо хамос па лэ Иеговаско столо, но и анэна лашимос андэ собрания.