ХРИСТИАНСКО ДРОМ
«О Павло поблаӷодарисардя лэ Дэвлэс и ля зор»
Кала и христианоря анда Римо уӷанглэ, кай о Павло жал андэ лэнго форо, дэсавэ ԥрала вижылэ каринг лэстэ. И ԥрала прожылэ май бут чем 60 километроря, кай тэ диқэн лэс. Со кадэлэстар сас кай о Павло по ди? Андэ Библия ԥэнэнпэ: «Кала о Павло додиқля лэн, во поблаӷодарисардя лэ Дэвлэс и ля зор» (Деяния 28:15). Обычно о Павло екжэно подритярэлас лэ манушэн андэ собрании. Но пэ кадэва разо, кала во сас андо баруно, лэсти екжэнэсти сас трэбуй, кай лэс варико тэ подритярэл (2 Коринфянам 13:10).
Андэ амари время и райони надзирателя авэн андэ собрании, кай тэ подритярэн лэ ԥралэн и лэ ԥэян. Сар и всаворэ лэ Дэвлэстирэ служителя, вонэ дэкала умэкэн и вас, фартэ цыён и пала варисо пэрэжывают. Кала о районо надзирателё и лэстири хулаи авэна андэ тири собрания, со ту можэш тэ стерэс, кай тумэ тэ подритярэн ек еқэс? (Римлянам 1:11, 12).
Ԥир пэ встречи важ и служэния. О районо надзирателё фартэ лошавэл, кала диқэл, кай и возвещателя варисостар отԥэндён, кай тэ на промэкэн нисо анда кода, со авэла по курко (1 Фессалоникийцам 1:2, 3; 2:20). Можэш ту тэ лэс подсобно служэния андо шон, кала о районо авэла андэ тири собрания? Можэш ту тэ жас лэса или лэстиря хулаяса пэ служэния или тэ ақарэс варикас андар лэндэ пэ изучения? Ланди фартэ чалёл тэ служын разнонэ возвещателёнэнца, ай кадяжэ кодэлэнца, ко найдэлмут андэ собрания и кодэлэнца, ко дарал, кай лэстэ на вижал драго тэ росԥэнэн важ о Дэл.
Ақар лэн пэстэ. Можэш ту тэ ақарэс лэ райононэс и лэстиря хулая, кай вонэ тэ рятярэн тутэ или тэ ақарэс лэн по абедо? Кадя ту диласа сыкавэса и любовь каринг лэндэ. Вонэ на аштярэн, кай ту стерэса варисо особенно важ лэндэ (Луки 10:38—42).
Тер кадя, сар сытярэн и подԥэнэн. О районно через и любовь поможый амэнди тэ стерас амари служэния лэ Иеговасти инке май лащи. Дэкала во трэбуй ворта тэ ԥэнэн, со терэлпэ най кадя (1 Коринфянам 5:1—5). Лэсти драго по ди кодэлэстар, кай амэ кандас и дажэ тоди кандас, кала варисо на полас (Евреям 13:17).
Ав блаӷодарно. Росԥэн лэ райононэсти и лэстиря хулаяти, саво тути лашимос кодэлэстар, кай вонэ авелэ. Ту можэш тэ ԥэнэс када, кала диқэсапэ лэнца или тэ пистрос када андэ открытка (Колоссянам 3:15).