Сытювас май драго тэ служысарас. Парашас тэ сытярас па Библия кодэлэн, ко на терэл кода, сости сытёл

ВАСО КАДА ТРЭБУЙ? Лэ манушэнди трэбуй тэ ақарэн лэ Иеговас па алавэстэ, кай тэ спасынпэ (Римлянам 10:13, 14). Но най всаворэ, ко сытёл па Библия, камэн тэ жувэн кадя, сости сытён. Амэ камас тэ ценисарас и время, сави отдас, кала росԥэнас важ о Дэл и тэ поможысарас кодэлэнди, ко любий лэ Иеговас и камэл тэ парудёл. Если андэ варисави время, андэ сави о мануш моӷ варисо тэ стерэл, кай тэ парудёл, во нисо на стердя, тоди авелоп годявэрнэс тэ стас зор, кай тэ поможысарас кодэлэнди, кас о Иегова ақарэл каринг пэстэ и каринг пэстири арӷанизацыя (Иоанна 6:44). Канешно, если май англэ лэла тэ дицол, кай кодэлэс, кас амэ сытярасас па Библия, цырдэл каринг о чачимос, саво дэл вечно жызня, амэ аваса лошалэ упалэ тэ сытярас лэс па Библия (Деяния 13:48).

САР КАДА ТЭ ТЕРЭС?

• Хвалисар кодэлэс, кас сытярэс па Библия, важ кода, кай во камэл тэ уӷанэн о чачимос (1 Тимофею 2:4).

• Шу сама, сар дэ важно тэ терэл кода, сости сытёл анда Библия (Луки 6:46—49).

• Росԥэн лэсти о примеро пала мануш, саво сеий, и пуш, со на дэл лэсти, кай лэстири вера тэ авэл май састи (Матфея 13:18—23).

• Ковлэс росԥэн лэсти, васо ту парашэс тэ сытярэс лэс па Библия.

• Ԥэн, кай ту время времятар авэса тэ звонис лэсти и кай упалэ лэса тэ сытярэс лэс па Библия, если во лэла тэ терэл варисо, кай тэ парудёл.

ДИК ВИДЕО «ПАРАШАС ТЭ СЫТЯРАС ПА БИБЛИЯ КОДЭЛЭН, КО НА ТЕРЭЛ КОДА, СОСТИ СЫТЁЛ» И ДЭ АТВЕТОРЯ ПЭ ВОПРОСОРЯ.

• Сости ту сытёс анда кода, сар динэ дума лэ манушэса, саво на терэл кода, сости сытёл?

• Сар о ԥрал росԥэндя кадэлэ манушэсти, кай во трэбуй тэ парудёл?

• Сар о ԥрал дя тэ полэл, кай во упалэ можэт тэ лэл тэ сытярэл лэс па Библия?