Сар тэ залас и дума через буклето

Анда январё 2018 бэрш пэ пэрво страница андэ тетрадка, кай тэ сытювас «Дром и служэния» пистройпэ плано каринг и думы. Состэ? Кай амэ тэ дас дума лэ манушэнца, ай най просто тэ роздас лэнди и литература. Кай тэ поможысарас лэ ԥралэнди и лэ ԥэянди кадя тэ служын, вимэкэн видео, андэ савэ сыкавэн, сар тэ дас дума кати па Библия. Но сыкавэл када, кай андэ служэния па цэра амэнди совсем на трэбуй и литература, например андо телефоно чи андо планшэто? Канешно жэ, най! Кай тэ залэс и дума, драго поможыя ек анда амарэ буклеторя. Саво бы ту буклето тэ на витидэс, можно тэ стерэс кадя.

1. Задэ вопросо па пэрво страница и адиносар, савэ котэ пистромэ атветоря.

2. Кай тэ сыкавэс о атвето анда Библия, адиносар о стихо упрэ пэ дуйто страница. Если исин время, адиносар дэсо анда кода, со пистромэ пэ страница 2 и 3, и подэ дума пала када.

3. Англа кода, сар тэ ужастар, шу сама по вопросо пэ послиднё страница (посли алав «Погиндосар») и доԥэндю тэ подэс дума пала кадэва вопросо пэ авэр разо.

Кала авэса до дуйто, подэ дума пала кода, сар и Библия дэл атвето пэ кадэва вопросо, и ԥэн, пала саво вопросо можно тэ подэс дума пэ авэр разо. Лашэ вопросоря можно тэ виарақэс пэ амаро сайто или андэ публикацыя, пала сави ԥэнэнпэ пэ послиднё страница андо буклето. Кала када поджал, дэ дума лэ манушэса па брашура «Лащи новость лэ Дэвлэстар» или па авэр литература анда амарэ инструменторя важ и служэния.