Сытюв тэ гиндос кадя, сар гиндой о Иегова

Амэ камас, кай вся, со исин андэ амари жызня, тэ радуий лэ Иеговас (Пр 27:11). Дэкала амэнди трэбуй тэ прилас варисави ришэния, но важ амаро случаё нинай варисаво конкретно законо. Дажэ тоди амэнди трэбуй тэ диқас пэ амари ситуацыя лэ Иеговастирэ яқэнца. Со амэнди андэ када поможыя?

Постояно изучения Библии. Кажно разо, кала амэ адиносарас и Библия, амэ, ԥэнэса, проандярас и время лэ Иеговаса. Амэ диқас, сар о Иегова андярэлас пэс пэстирэ народоса, гиндосарас пала жызня кодэлэндири, ко андярэлас пэс драго или най драго па лэ Иеговастири мнения, и кадя уӷанас, сар во гиндой. Кала амэнди трэбуй тэ прилас ришэния, о свынто духо поможый амэнди тэ на бистрас и важни урокоря и принцыпоря, савэ амэ уӷанглям анда лэ Дэвлэско алав (Ин 14:26).

Лащи иследования. Англа кода, сар тэ прилэс ришэния, пуш пэстар: «Савэ библейски стихоря или истории моӷут тэ поможын манди тэ полав, со о Иегова гиндой пала кадэва вопросо?» Андэ молитва манг лэстар помощь. Используй и инструменторя, савэ поможын май драго тэ уӷанас и Библия, савэ дэл амари арӷанизацыя и савэ исин пэ тири шыб, кай тэ виарақэс библейски принцыпоря, савэ тути поджан, и тэ полэс, сар лэн применить (Пс 25:4).

ДИК ВИДЕО «АМЭ ТРЭБУЙ ТЭ ПРАСТАС, ДАЖЭ КАЛА ԤАРЭС. ДРАГО ХАН» И ДЭ АТВЕТОРЯ ПЭ КАДЭЛА ВОПРОСОРЯ:

• Саво ԥаримос сас кай кадэя тэрни ԥэй анда видео?

• Савэ инструменторя, савэ поможын май драго тэ уӷанас и Библия, моӷут тэ поможын тути андэ кацави жэ ситуацыя?

• Сар кода, кай амэ витидас время, кай тэ изучаем и Библия и тэ иследуем и вопросоря, пала савэ амэ пэрэжываем, поможый амэнди тэ прилас лашэ ришэнии? (Евр 5:13, 14).