Используй андэ служэния и пэрво страница па сайто jw.org

Пэ ӷлавно страница по амаро сайто исин ссылки пэ статьи и видео, савэ спецыально стердэ, кай кодэлэнди, «кастэ оди цырдэлас каринг о чачимос», тэ ашэл интересно и лащи новость пала Дэл (Дл 13:48). Часто котэ росԥэнэнпэ пала темы, пала савэ дэн дума андэ новости или савэ интересни лэ манушэнди.

Сар амэ можэм тэ используем и ӷлавно страница па сайто jw.org андэ служэния?

• Май часто зажа по сайто. Шув сама пэ кода, со вистон пэ ӷлавно страница андо раздело «Кода, со чалеля», и погиндосар, саво материало авелоп интересно лэ манушэнди, савэнца ту дэс дума пала Дэл. Када фартэ поможыя, кай тутэ тэ авэн нэвэ гиндоря важ и служэния. (Кай тэ виарақэс авэр материало, саво найдэлмут вистодэ андэ кадэва раздело, тасав пэ кнопка «Авэр статьи».)

• Используй и статьи и видео па ӷлавно страница, кай тэ залэс и дума. Можэт, и темы, пала савэ котэ росԥэнэнпэ, авэна интересни лэ манушэнди котэ, кай ту жувэс

• Сыкав лэ манушэнди и ӷлавно страница. Ту можэш тэ шос лэ манушэстири сама пэ разни темы и тэ росԥэнэс, сар тэ виарақэл кодэя инфармацыя, сави лэсти трэбуй.

• Используй и функцыя «Тэ бишалэс варикасти». Дэсавэ мануша на камэн тэ дэн дума амэнца, но вонэ нэ против тэ зажан по амаро сайто. Васо бы тэ на ашавэс кацавэ манушэсти и ссылка пэ ӷлавно страница по амаро сайто или и ссылка пэ варисави конкретно статья или видео?