Пушэн кодэла, ко адинон
Лэ Дэвлэско духо поможый, кай амэндэ тэ авэн качестворя, пала савэ пистромэ андэ Галатам 5:22, 23. Лэн кати девять?
Андэ кадэла стихоря ԥэнэнпэ: «О духо терэл кадя, кай о мануш тэ любий, тэ авэл радосно, тэ терэл кадя, кай тэ авэл мирно, на грабийпэ тэ холявэл и ӷанэн тэ аштярэл, терэл лашимос и терэл лэс, дажэ кала пала када лэс на мангэн, во патял андо Дэл, лэско ди ковло и во ӷанэн тэ ритярэл пэс андэ вас». Но када на ԥэнэн, кай о свынто духо поможый, кай амэ май драго тэ сыкавас, кати кадэла девять качестворя.
Шон сама пэ кода, со о апостоло Павло пистросардя спэрва: «И дила, сави терэл и ӷрешно тила, драго дицол. Када билажавардимос, найвужимос, и кала андярэн пэс билажавардэс. Кадяжэ, кала тэлён хохавнэ дэвлэнди, бэнгалимос, кала вороӷуин, споринпэ, ревнуин, холявэн, на ладин, сытярэн най кадя, сар о Дэл, завидуин, матён, допэнпэ, кай андярэн пэс найманушыканэс и инке варисо кацаво» (Галатам 5:19—21). Вижал, и дила, сави терэл и ӷрешно тила, када най кати кода, пала со о Павло ԥэнэн катэ, но и авэр ӷрехоря, пала савэ пистромэ андэ Колоссянам 3:5. Кадяжэ можно тэ ԥэнас пала девять качестворя, савэ запистромэ андэ Галатам 5:22, 23. Важ када о Павло катэ на пэрэԥэнэн всаворэ лашэ качестворя, савэ амэнди о свынто духо поможый тэ сыкавас май драго.
Кадяжэ о Павло ԥэнэнас лэ Тимофеёсти, кай лэстэ май драго тэ вижал тэ сыкавэл шов лашэ качестворя. Када, кай тэ патял андо Иегова, кай тэ тэлёл кати лэсти, тэ кандэл лэс, тэ любий, тэ ӷанэн, сар тэ виритярэл о ԥаримос и кай лэско ди тэ авэл ковло (1 Тимофею 6:11). Но кати пала трин андар лэндэ, када, кала о мануш патял андо Дэл, любий и кала кай о мануш ковло ди, о Павло ԥэндя, кала росԥэнэнас пала качестворя, савэ амэндэ моӷут тэ авэн через «о свынто духо». Лэ Тимофеёсти, канешно, трэбуй сас кай о свынто духо тэ поможый лэсти, кай лэстэ тэ авэн и авэр качестворя, пала савэ пистросардя лэсти о Павло. Када, кай тэ кандэл лэ Дэвлэс, кай тэ тэлёл кати лэсти и тэ ӷанэн, сар тэ виритярэл о ԥаримос. (Диқэн Колоссянам 3:12; 2 Петра 1:5—7.)
Вижал, андэ Галатам 5:22, 23 на пистройпэ пала всаворэ качестворя, савэ трэбуй тэ авэн кай и христианоря. Лэ Дэвлэско духо поможый, кай амэндэ май драго тэ вижал тэ сыкавас девять качестворя, савэ амэндэ моӷут тэ авэн через о «свынто о духо». Но исин и бут авэр качестворя, савэ трэбуй тэ авэн, кай тэ авас христианоря, савэндэ лащи дружба лэ Иеговаса. Кадяжэ авэр качестворя поможын амэнди тэ авас «аврэ манушэса, кацавэса сар камэл о Дэл и кацавэса, саво па чачимастэ кандэл и на ашавэл лэ Дэвлэс» (Эфесянам 4:24).