«На гиндон пала пэстэ май бут, чем трэбуй»

1. Сар и алава анда Филиппийцам 2:3 поможын амэнди тэ на заваздас о шэро и тэ ладисарас аврэнца?

АМЭ кандас лэ Иеговас и на заваздас о шэро, важ кода кай полас, кай во май драго ӷанэн, со важ амэндэ фэдэр (Эфесянам 4:22—24). Кала амэ на гиндосарас пала пэстэ бут, тоди амэ полас, кай тэ терас кода, со камэл о Иегова, када само важно андэ амари жызня. Ай кадяжэ амэ на гиндосарас, кай май лашэ аврэндар. Важ када амэндэ исин лащи дружба лэ Дэвлэса и амарэ ԥралэнца и ԥэянца андэ собрания. (Адиносар Филиппийцам 2:3b.)

2. а) Со полэлас о апостоло Павло? б) Пала савэ трин маменторя амэ подаса дума андэ кадэя статья?

² Если амэ на фэрисаваса, амэ можэм тэ лас тэ гиндосарас кадя жэ, сар и мануша, савэ на ӷанэн лэ Иеговас, и савэ заваздэн о шэро и гиндон кати пала пэстэc. Кадя сас дэсавэ христианонэнца андэ пэрво вико. О апостоло Павло пистросардя лэ римлянонэнди: «Ԥэнав тумэнди, кай на трэбуй тэ гиндон, кай тумэ май лашэ аврэндар. Но гиндон кадя, кай тэ дицол, кай тумэ на гиндон пала пэстэ май бут, чем трэбуй, важ кода, кай када о Дэл поможысардя тумэнди тэ патян лэсти» (Римлянам 12:3). О Павло полэлас, кай тэ гиндосарас пала пэстэ трэбуй. Но кай тэ на гиндосарас пала пэстэ бут, амэ трэбуй тэ на заваздас о шэро. Андэ кадэя статья амэ подаса дума пала трин маменторя, савэ поможына амэнди тэ на гиндосарас пала пэстэ май бут, чем трэбуй. Када андо ери. Кала амэндэ исин почотни дила андэ лэ Иеговастири арӷанизацыя. И кала вистас андо интэрнэто карточки чи видео чи кала пистросарас котэ варисо.

ХУЛАЙ И ХУЛАИ, НА ЗАВАЗДЭН О ШЭРО

3. а) Васо андо ери о хулай и хулаи моӷут тэ на полэн ек еқэс? б) Сар дэсавэ камэн тэ улэн кадэва ԥаримос?

³ О Иегова камэл, кай андо ери о хулай и хулаи тэ авэн бахталэ. Но всаворэ мануша найсовершэни, важ када дэкала вонэ на полэн ек еқэс. О апостоло Павло пистросардя, кай кодэлэндэ, ко жэнийпэ чи жал миростэ, лэндэ исин авэр ԥаримос (1 Коринфянам 7:28). Андэ дэсавэ еря о хулай и хулаи вся и время споринпэ. И важ када вонэ гиндон, кай совсем на поджан ек еқэсти. Ай со, если вонэ гиндона кадя, сар и мануша, савэ на ӷанэн чачунэ Дэвлэс? Тоди вонэ лэна тэ гиндон, кай фэдэр тэ розжанпэ и кати тоди вонэ авэна бахталэ.

4. Савэ гиндоря амэнди нащи тэ домэкас?

⁴ На гиндон, кай тумэ никала на полэна ек еқэс и важ када трэбуй тэ розжанпэ. На бистрэн, кай ек, васо о Дэл домэкэл тэ розжанпэ, када, кала о хулай чи и хулаи сас аврэса, хоть вонэ ужэ андо брако (Матфея 5:32). Важ када, кала тумэндэ ԥаримос, пала саво пистросардя о апостоло Павло, на домэкэн, кай через и ӷордость, варикастэ андо ери тэ авэн кацавэ гиндоря. Например, о хулай можэт тэ гиндой: «Вой на шол сама ман, сар трэбуй. Вой ман на полэл кадя, сар мэ камав. Можэт мэ авава май бахтало авря манушняса?» Кадяжэ можэт тэ гиндой и хулаи. Если исин кацавэ гиндоря, када сыкавэл, кай о мануш гиндой ек пала пэстэ. Бут мануша, савэ на ӷанэн лэ Иеговас, ԥэнэн, кай трэбуй тэ терэс кадя, сар подԥэнэн тути оди, дажэ если важ када трэбуй тэ розжаспэ. Ай о Иегова ԥэнэн: «Терэн драго най кати важ пэстэ, ай и важ авэр» (Филиппийцам 2:4). О Дэл камэл, кай тумэ тэ ашэнпэ вмести, ай тэ на розжанпэ (Матфея 19:6). О Иегова камэл, кай кала тумэ варисо терэн, тумэ тэ сэрэн пала кода, со лэсти чалёл, ай най тумэнди.

5. Сар трэбуй тэ обжанпэ ек еқэса о хулай и хулаи, сар пистромэ андэ Эфесянам 5:33?

⁵ О хулай и хулаи трэбуй тэ полэн и тэ стон патив пэ ек еқэстэ. (Адиносар Эфесянам 5:33d.) Андэ Библия ԥэнэнпэ: «Май бари бах, кала дас, чем кала лас» (Деяния 20:35). Со поможыя лэ хуласти и ла хулаяти тэ любин и тэ полэн ек еқэс? Поможыя кода, кай вонэ на лэна тэ гиндон пала пэстэ бут. О хулай и хулаи, савэ терэн кадя, камэн «лашимос най важ пэстэ, ай важ авэр» (1 Коринфянам 10:24).

6. Сости амэ сытювас кай о Стивено и Стефани?

⁶ Кала о хулай и хулаи на заваздэн о шэро, када поможый лэнди тэ авэн май бахталэ андо ери. Акэ со ԥэнэн о ԥрал, савэс ақарэн Стивено: «Если тумэ ладин и полэн ек еқэс, тумэ вся лэна тэ терэн дуйжэнэ, особенно тоди, кала ԥарэс. Вместо кода, кай тэ гиндон: „Сар авэла манди май фэдэр?“, тумэ лэна тэ гиндон: „Сар авэла амэнди май фэдэр?“». Лэсти хулаи и Стефани гиндой кадяжэ. Вой ԥэнэн: «Никасти на камэлпэ тэ жувэл кацавэ манушэса, саво вся и время камэл тэ авэл па лэстирятэ. Кала амэ на дополас ек еқэс, амэ старысавас тэ полас, васо амэндэ кадя. Потом амэ мангаспэ, родас андэ амари литература библейски советоря и дас дума, со тэ терас, кай тэ полас ек еқэс. Амэ терас вся, кай тэ на спорисавас, ай тэ ладисарас». О хулай и хулаи, савэндэ нинай ек англа еқэстэ ӷордость, па чачимастэ бахталэ.

КАЛА СЛУЖЫН ЛЭ ИЕГОВАСТИ, НИКАЛА «НА ГИНДОН ПАЛА ПЭСТЭ БУТ»

7. Сар трэбуй тэ андярэл пэс о ԥрал, савэсти динэ почотно дила?

⁷ Важ амэндэ любо дила андэ служэния лэ Иеговасти, када бари бах (Псалом 27:4; 84:10). Если о ԥрал камэл тэ терэл май бут почотно дила андэ лэ Иеговастири арӷанизацыя, када драго. И андэ Библия ԥэнэнпэ: «Если о мануш фартэ камэл тэ терэл лэ надзирателёстири дила, во камэл лашимос» (1 Тимофею 3:1). Но кала лэсти дэн варисави дила, лэсти нащи тэ гиндой пала пэстэ май бут, чем трэбуй (Луки 17:7—10). Во трэбуй тэ терэл кадэя дила, важ кода кай камэл тэ поможый аврэнди, ай най важ кода, кай тэ абурой андэр пэстэ (2 Коринфянам 12:15).

8. Со амэ на трэбуй тэ сытювас кай о Диотрефо, кай о Озия и кай о Авессаломо?

⁸ Андэ Библия пистромэ пала мануша, савэ гиндонас пала пэстэ бут. О Диотрефо на сас сэжо и камэлас тэ авэл ӷлавно андэ собрания (3 Иоанна 9). О Озия фартэ патялас андэр пэстэ, кала ля тэ терэл и дила, сави о Иегова на мэкля лэс тэ терэл (2 Летопись 26:16—21). О Авессаломо камэлас тэ ашэл царёса, и важ када притерэласпэ, кай любий лэ народос, кай вонэ тэ подритярэн лэс (2 Самуила 15:2—6). Андэ кадэла случаёря дицол, кай о Иегова на любий лэ манушэн, савэ камэн тэ авэн ашунглэ (Притчи 25:27). Лэ манушэндэ, савэ фартэ абурон андэр пэстэ и савэ камэн, кай вся и время тэ авэл па лэндирятэ, авэла ԥаримос (Притчи 16:18).

9. Сости амэ сытювас кай о Иисусо?

⁹ Акана погиндосараса пала Иисусо, саво на шоласпэ пэ кодэла, ко гиндояс пала пэстэ бут. «Хоть во сас, сар Дэл, но во никала на гиндояс, кай тэ сыстойпэ лэ Дэвлэса» (Филиппийцам 2:6). Анда вся, со создал о Иегова, о Иисусо со май зорало. Но во на гиндой пала пэстэ май бут чем трэбуй. Во ԥэнэнас пэстирэ учениконэнди: «Ко андярэл пэс, сар цыкно, кодэва и баро» (Луки 9:48). Амэ фартэ лошалэ тэ ԥирас андэ служэния и тэ терас дила лэ пианеронэнца, служэбнонэ помошниконэнца, старейшынонэнца и лэ раёнонэ надзирателёнэнца, савэ старыинпэ тэ авэн кацавэ, сар о Иисусо и на заваздэн о шэро! Лэ Иеговастирэ служытеля, савэ на гиндон пала пэстэ бут, терэн бут со, кай и мануша андэ собрания тэ любин ек еқэс. Ай о Иисусо ԥэндя, кай лэстирэ учениконэн ӷатярэна па кода, кай вонэ любин ек еқэс (Иоанна 13:35).

10. Со тэ терэс, если здэлпэ, кай андэ собрания варисо най кадя, ай и старейшыноря на шон пэ када сама, сар трэбуй?

¹⁰ Со тэ терэс, сар тути здэлпэ, кай андэ собрания варисо най кадя, ай и старейшыноря пэ када на шон сама, сар трэбуй? На сыкав, кай тути када на чалёл. Фэдэр на ав ӷордо и подритяр кодэлэн, ко диқэл пала собрания (Евреям 13:17). Со поможыя тути кадя тэ терэс? Пуш пэстар: «Чачимаса кода, со манди здэлпэ най кадя андэ собрания, кадя важно, кай трэбуй тэ ришын када? Можэт най вой и время, кай тэ дэс дума? Ай можэт када най мэрни дила? И васо мэ камав тэ подав дума? Важ кода кай пэрэжываю, кай андэ собрания тэ авэл вся драго, чи камав, кай просто тэ шон сама пэр мандэ?»

11. Саво лашимос, сар пистромэ андэ Эфесянам 4:2, 3, анэна ла собранияти, если амэ аваса найӷорди?

¹¹ Важ о Иегова май куч кода, кай амэ на заваздас о шэро, чем кода, кай амэндэ драго вижал варисо тэ терас. Ай кадяжэ важ лэстэ май важно, кай амэ тэ авас, ек пала еқэстэ, чем кода, кай амэ ӷанас тэ терас йто и бут дила. Сар амэ тераса кадя, тоди амэ поможысараса, кай андэ собрания всаворэ тэ авэн ек пала еқэстэ. (Адиносар Эфесянам 4:2, 3e.) Амэ можэм тэ сыкавас, кай амэндэ нинай ӷордость тоди, кала ақарас пэстэ лэ ԥралэн и лэ ԥэян, ай кадяжэ кодэлэн, кастэ андэ собрания нинай почотно дила. Инке дицола, кай амэ найӷорди, кала гиндосарас, сар тэ терас лашимос аврэнди, и кала росԥэнас май бут пала Дэл (Матфея 6:1—4; Луки 14:12—14). Кала тумэ терэн дила лэ ԥралэнца и лэ ԥэянца и на гиндон пала пэстэ бут, вонэ шона сама най кати пэ кода, кай тумэ ӷанэн варисо драго тэ терэн, ай инке и пэ кода, кай тумэ на заваздэн о шэро. И када само ӷлавно.

НА ПУТЁН ПЭСА АНДО ИНТЭРНЭТО

12. Со андэ Библия ԥэнэнпэ пала дружба?

¹² О Иегова камэл, кай амэ тэ авас лошалэ, кала проандярас и время лэ ереса и лэ друӷонэнца (Псалом 133:1). Кала о Иисусо жувэлас пэ ԥув, лэстэ сас лашэ друӷоря (Иоанна 15:15). Андэ Библия шолпэ сама, сар дэ куч и лащи дружба (Притчи 17:17; 18:24). Андэр латэ кадяжэ ԥэнэнпэ, кай на трэбуй тэ дурювас аврэ манушэндар (Притчи 18:1). Бут мануша гиндон, кай через о интэрнэто виарақэна бутэ друӷонэн и тоди вонэ авэна най екжэнэ. Но кала тумэ вистон андо интэрнэто пэстирэ карточки чи видео чи кала подпистрон каринг лэндэ варисо, трэбуй тэ авэн осторожни.

13. Васо дэкасти, ко бэшэл андо интэрнэто, ԥарэс по ди и васо вонэ гиндон, кай вонэ екжэнэ?

¹³ И учони полинэ, кай лэ манушэндэ, савэ проандярэн бут время андо интэрнэто, ԥарэс по ди и вонэ гиндон, кай вонэ екжэнэ. Васо? Кацаво можэт тэ авэл важ кода, кай котэ и мануша вистон со май шукарнэ и май важни маменторя андэ пэсти жызня. Вонэ сыкавэн со май лашэ пэстирэ карточки, кадяжэ пэстирэ друӷонэн и со май шукарнэ ҭана, андэ савэ вонэ сас. Кала о мануш диқэл кадэла карточки, во можэт тэ гиндой, кай андэ лэстири жызня нинай нисо интересно и вой скучно. Акэ со ԥэнэн ек амари ԥэй, савяти 19 бэрш: «Мэ холявавас, кала диқавас, кай пэ выходни авэр лошавэнас, драго проандярэнас и время, ай мэ бэшавас цэрэ и мэравас скучнотатар».

14. Сар и алава анда 1 Петра 3:8, поможын амэнди годявэрнэс пэс тэ андярас, кала бэшас андо интэрнэто?

¹⁴ Канешно, андо интэрнэто исин лашимос. Через лэстэ можно тэ дас дума лэ родоса, лэ друӷонэнца. Но шонас тумэ сама, кай дэкала котэ и мануша вистон пэстирэ карточки и видео, кай тэ путён пэса? Здэлпэ, кай вонэ кабута ԥэнэн: «Диқэн пэр мандэ!» Ай дэко подпистрой каринг пэстирэ чи каринг аврэндирэ карточки варисо найдраго чи билажавардо. Ай када на сжалпэ кодэлэса, со пистромэ андэ Библия. Андэр латэ пистромэ, кай трэбуй тэ на заваздэн о шэро и тэ стон патив пэ авэр. (Адиносар 1 Петра 3:8f.)

15. Сар и Библия поможый амэнди тэ на гиндосарас пала пэстэ май бут, чем трэбуй?

¹⁵ Кала тумэ бэшэн андо интэрнэто, пушэн пэстар: «Моӷут па мэрнэ карточки чи видео, савэ мэ вистав, чи па кода, со мэ подпистросарав каринг лэндэ, тэ гиндон, кай мэ путював? На лэна авэр манди тэ завидуин?» Андэ Библия пистромэ: «Важ кода кай вся, со исин андэ люма, када, со камэл и тила, со камэн и яқа, кода, кай путён кодэлэса, со лэндэ исин, най лэ небеснонэ Дадэстар, ай ла люматар» (1 Иоанна 2:16). Лэ христианонэнди на трэбуй тэ хвалин корко пэс. Вонэ терэн, сар пистромэ андэ Библия: «На ласа тэ гиндосарас важ пэстэ фартэ бут, на ласа тэ терас, кай машкар амэндэ тэ авэл холи важ кода, кай варико май лашо амэндар или холи, кай варикастэ исин кода, со амэндэ нинай» (Галатам 5:26). И мануша андэ кадэя люма, савяса правий о Сатана, терэн вся, кай тэ авэн май лашэ аврэндар. Амэ на аваса кацавэ, сар вонэ, если на ласа тэ гиндосарас пала пэстэ бут.

«НА ГИНДОН ПАЛА ПЭСТЭ МАЙ БУТ, ЧЕМ ТРЭБУЙ»

16. Васо амэнди нащи тэ авас ӷорди?

¹⁶ И мануша, савэ ӷорди «гиндон пала пэстэ фартэ бут» (Римлянам 12:3). Лэнди чалёл тэ споринпэ и вонэ гиндон кати пала пэстэ. Кодэлэстар, сар вонэ гиндон и сар андярэн пэс, найдраго и лэнди и кодэлэнди, ко паша лэндэ. Если вонэ на парашэн кадя тэ гиндон, тоди и о Сатана на парашэла тэ римой лэндирэ гиндоря (2 Коринфянам 4:4; 11:3). Ай о мануш, саво на заваздэл о шэро, на гиндой пала пэстэ бут. Во на гиндой, кай во со май лашо и полэл, кай авэр моӷут бут андэр со тэ авэн май лашэ лэстар (Филиппийцам 2:3). Во ӷанэн, кай «о Дэл против кодэла, ко заваздэл о шэро, ай кодэлэнди, ко на гиндой пала пэстэ бут, дэл лашимос» (1 Петра 5:5). Важ када, если амэ на камас, кай о Иегова тэ авэл амарэ вороӷоса, амэ трэбуй тэ на гиндосарас пала пэстэ бут.

17. Со амэнди трэбуй тэ терас, кай тэ на авас ӷорди?

¹⁷ Кай тэ на гиндосарас пала пэстэ бут, амэнди трэбуй тэ на бистрас пала совето, саво запистромэ андэ Библия: «Парувэн пэс и ашавэн и найлащи дила и ашэн аврэ манушэса» (Колоссянам 3:9, 10). Амэнди трэбуй май бут тэ уӷанас пала Иисусо и тэ старысавас май драго тэ терас кадя, сар во (1 Петра 2:21). Када найвушэро, но када ашэл, кай кадя тэ терас. Кала амэ старысавас тэ на заваздас о шэро, тоди амэ аваса май бахталэ андо ери. Инке поможысараса андэ собрания тэ авэн ек пала еқэстэ и ласа годявэрнэс тэ андярас пэс, кала бэшас андо интэрнэто. Но со май важно, кай кода, сар амэ пэс андярас, чалёла лэ Иеговасти и во амэн блаӷословия.