Тер вся, кай инке май фартэ тэ патяс, кай исин Создателё

1. Со ту ӷанэс пала Иегова?

ЕСЛИ ту барелян андо ери, кай всаворэ сас лэ Иеговастирэ свидетеля, тоди ту жы бэятостар ӷанэс пала Иегова. И родителя тути росԥэнэнас, кай во вся создал, ай кадяжэ саво во, и саво лашимос во стерэла англэ важ и мануша (Быт. 1:1; Деян. 17:24—27).

2. Со гиндон кодэла, ко на патял, кай исин Дэл?

² Но дэсавэ най просто на патян, кай о Иегова вся создал, но и на патян, кай во вообще исин. Вонэ гиндон, кай спэрва и жызня ляпэ корко пэстар и потом через и эволюция появисайля вся пэ люма. Дэсавэ анда кадэла мануша фартэ ӷрамотни и вонэ камэн тэ доԥэнэн, кай кода со пистромэ пала наука андэ Библия най чачимос. И андэ кода, кай исин Создателё патян кати, кодэла, ко всаворэсти патял и ко найгодявэрно.

3. Васо трэбуй кажно мануш тэ ӷанэн, кай исин кодэва, ко вся создал?

³ Можэт тэ авэл кадя, кай и ӷрамотни мануша, савэнди бут миро патял, тэ стерэн, кай амэ тэ парашас тэ патяс, кай о Дэл вся создал. Важ када важно тэ полас васо амэ патяс, кай о Иегова Создателё. Важ кода кай амэнди варико пала када ԥэндя, чи важ кода кай амэ екжэнэ виарақлям время, кай май драго пала када тэ уӷанас и патяям? (1 Кор. 3:12—15). Скати бэрша амэ тэ на служысарас лэ Иеговасти, всаворэ амэ трэбуй тэ виарақас, со доԥэнэн, кай Иегова вся создал. Тоди амэн нисо и нико на змарэла «через и мудрость кадэлэ миростири и через хохавни и йвутни дума» пала Библия (Кол. 2:8; Евр. 11:6). Важ када андэ кадэя статья амэ уӷанаса, васо бут мануша на патян, кай исин Создателё? Со поможыя лично тути тэ патяс, кай о Иегова Создателё? И со тэ терэс, кай тэ на парашас андэ када тэ патяс?

ВАСО БУТ МАНУША НА ПАТЯН, КАЙ ИСИН СОЗДАТЕЛЁ

4. Со када вера андо Дэл, сар ԥэнэнпэ андэ Евреям 11:1?

⁴ Дэсавэ мануша гиндон, кай трэбуй просто тэ патяс и на трэбуй андэ када тэ розлэспэ. Но сар пистромэ андэ Библия, када най чачуни вера. (Адиносар Евреям 11:1.) Андэ Библия ԥэнэнпэ, кай вера андо Дэл, када кала лэ манушэстэ исин васо во патял и ӷанэн, кай исин со доԥэнэн, кай када чачимос. Да амэ нэ можэм тэ диқас лэ Иеговас, лэ Иисусос и лэ Дэвлэско Царство, но всаек амэндэ исин бут, со доԥэнэн, кай вонэ исин (Евр. 11:3). Ек лэ Иеговаско свидетелё амаро ԥрал, во учоно ԥэндя кадя: «Амэ патяс най просто кадя, амэ шас сама пэ кода, со ԥэнэнпэ андэ наука».

5. Васо бут мануша патян, кай и жызня ляпэ корко пэстар?

⁵ Но если исин Дэл, тоди васо бут мануша на патян андэр лэстэ? Важ кода кай кадэла мануша на родэн кода, со доԥэнэн, кай Дэл исин. Лэ Иеговаско свидетелё о Роберто ԥэнэн, кай андэ школа лэсти никала на росԥэнэнас, кай исин Дэл, саво вся создал, и во гиндояс, кай лэс нинай. Но кала лэсти сас 22 ӷода, во подя дума лэ Иеговастирэ свидетелёнэнца и вонэ лэсти сыкадэ андэ Библия кода, со доԥэнэн, кай Дэл исинb. (Диқэн и рамка «Важ и родителя».)

6. Васо бут мануша на патян кай исин Дэл?

⁶ Дэсавэ мануша на патян андо Дэл важ кода, кай вонэ лэс на диқлэ. Но андэ авэр варисо, со на дицол, вонэ патян. Например, андэ гравитация (када зор, через саво и предметоря прицырдэнпэ и на вурян андо воздухо). Андэ Библия ԥэнэнпэ, кай и чачуни вера када «со драго доԥэнэн, кай исин кода, со на дицол» (Евр. 11:1). И кай тэ виарақэс, со доԥэнэна, кай исин Создателё, саво на дицол, трэбуй время и зор. Но дэсавэ мануша на камэн тэ тратин пэ када пэстири время. И кала вонэ драго на уӷанэн пала када, вонэ лэн просто тэ гиндон, кай лэ Дэвлэс нинай.

7. Чаче всаворэ учони мануша ԥэнэн, кай Дэл нинай? Росԥэнэн.

⁷ Бут учони виарақлэ со доԥэнэн, кай вся стердя о Дэл и линэ тэ патян андэ кадаc. Можэт вонэ на патянас, кай исин Создателё, важ кода кай лэнди, сар и лэ Робертости амарэ ԥралэсти, на росԥэнэнас пала када и учителёря. Но всаек бут учони уӷанглэ пала Иегова и полюбисардэ лэс. Кадяжэ и амэ, нэ важно ӷрамотни чи най, амэнди трэбуй екжэнэ тэ виарақас кода, со доԥэнэн, кай Дэл исин. Нико нэ сможэт тэ стерэл када важ амэндэ.

СО ПОМОЖЫЯ ТУТИ МАЙ ФАРТЭ ТЭ ПАТЯС, КАЙ ИСИН СОЗДАТЕЛЁ

8, 9. а) Пала со амэ акана подаса дума? б) Саво лашимос анэн, кала амэ пристас зор тэ уӷанас, сар вся создано?

⁸ Со поможыя тути май фартэ тэ патяс, кай исин Создателё? Уӷанаса штар советоря.

⁹ Май драго уӷан, сар вся создано. Если лэс тэ диқэс пэ жывотни и пэ растения, тэ роздиқэс о нэбо, кай исин бут черӷая, тоди можно тэ полэс, кай Создателё исин (Пс. 19:1; Ис. 40:26). И со май бут ту лэса тэ уӷанэс, со май фартэ лэса тэ патяс, кай вся создал о Иегова. Лэ Иеговастирэ свидетеля вимэклэ бут статьи, андэ савэ росԥэнэнпэ, сар о Иегова вся удивительно создал и со моӷут тэ терэн лэстирэ тварения. Дажэ если тути ԥарэс тэ полэс кацавэ темы, всаек на промэк лэн, старысав пэ скати сможэш тэ розлэспэ андэр лэндэ. Кадяжэ пэ региональни канӷрэсоря послидни бэрша сыкавэн бут шукарнэ видеоря пала лэ Иеговастири тварения. Кадэла видеоря можно тэ виарақэс пэ амаро сайто jw.org. На бистэр тэ продиқэс лэн инке еқвар!

10. Росԥэн о примеро, со доԥэнэн, кай исин Создателё (Римлянам 1:20).

¹⁰ Кала ту май драго уӷанэс, сар вся андэ люма создано, тоди ту шос сама, со кажно тварения ԥэнэн пала Иегова. (Адиносар Римлянам 1:20.) Например, о Қам най кати дэл татимос и свето. Во кадяжэ дэл ультрафиолето, саво можэт тэ римон о зор лэ манушэсти. Важ када о Иегова стердя кадя, кай пэ ԥув тэ авэл кацави оболочка, пэ сави ԥэнэн озоново слоё, сави фэрий, кай о Қам тэ на римон амаро зор. Ай сар ту гиндос, хэба када ляпэ корко пэстар? Чи када стердя варико, ко фартэ любий и заботийпэ пала мануша?

11. Кай можно тэ родэс кода, со доԥэнэн, кай вся создал о Дэл? (Диқэн и рамка «Со поможыя тути инке май фартэ тэ патяс, кай Дэл исин?».)

¹¹ Кай инке май драго тэ полэс и тэ патяс, кай вся создал о Дэл, можно тэ диқэс видеоря пэ романи шыб пэ амаро сайто. Котэ андэ вкладка «Сытярэл и Библия» исин раздело «Наука и Библия», котэ исин видеоря и статьи пэ разни темы. Например, и жызня создал о Дэл или вся ляпэ корко пэстар? Сжалпэ и наука ла Библияса чи най? Кадя жэ котэ можно тэ диқэс и тэ адинос, со росԥэнэн и тэрнэ мануша, васо вонэ патян андо Дэл, и создал о Дэл и жызня через эволюцыя чи най. Кадэла видеоря и статьи най барэ и интересни.

12. Пэр со ту трэбуй тэ шос сама, кала май драго уӷанэс и Библия?

¹² Уӷан май драго, со ԥэнэнпэ андэ Библия. Амаро ԥрал саво учоно, пала саво амэ ужэ дям дума, спэрва на патялас, кай о Дэл вся создал. Но потом во патяя, кай во исин. Во ԥэнэн, кай ля тэ патял андо Дэл, най кати важ кода, кай драго полэлас андэ наука. Но лэсти поможысардя кода, кай во ля тэ уӷанэн и Библия. Можэт и ту драго ӷанэс, со пистромэ андэ Библия, но кай май фартэ тэ патяс, кай вся создал о Дэл, тути трэбуй тэ на парашэс тэ изучаеш и Библия (Иис. Н. 1:8; Пс. 119:97). Трэбуй тэ шос сама, кай вся, со пистромэ андэ Библия, сжалпэ и андэр латэ точно пистромэ пала дэлмутни время. Кадяжэ шув сама, кай андэр латэ запистромэ, сар стердэпэ и пророчества. Блаӷодаря кадэлэсти, ту май фартэ лэса тэ патяс, кай вся создал о любящё и мудро Дэл, и кай и Библия пистросардэ тала лэско свынто духо (2 Тим. 3:14; 2 Пет. 1:21).

13. Саво лашимос анэн и советоря анда Библия? Росԥэн о примеро.

¹³ Кадяжэ кала май драго лэса тэ уӷанэс и Библия, шув сама пэ советоря, савэ поможын. Например, тысячи бэрша палпалэ андэр латэ ԥэнэнаспэ, кай нащи тэ любис и ловэ. И кала о мануш любий и ловэ, лэстэ кадэлэстар авэла «бут ԥаримос» (1 Тим. 6:9, 10; Прит. 28:20; Матф. 6:24). Ай акана поджал кадэва совето каринг амарэ деса? Акэ со ԥэнэнпэ пала када андэ ек книжка: «Кала и мануша цырдэнпэ пала ловэ, тоди вонэ най бахталэ и лэнди ԥарэс по ди». Дажэ кодэла ко просто камэн тэ авэн барвалэ, вонэ фартэ пала када моӷут тэ пэрэжывают и дажэ кадэлэстар лэндэ можэт тэ римойпэ о зор. Най евья андэ Библия пистромэ, кай на трэбуй тэ любис и ловэ! Кадяжэ ту можэш тэ погиндос пала авэр советоря анда Библия, савэ поможысардэ тути андэ жызня. Кадэла советоря вся и время поможын и анэн амэнди кати о лашимос (Ис. 48:17, 18). Тоди ту инке май фартэ лэса тэ патяс андо амаро мудро и любящё Дэл (Иак. 1:5).

14. Со амэ уӷанас пала Иегова, кала лас май драго тэ изучаем и Библия?

¹⁴ Май драго уӷан лэ Иеговас (Иоан. 17:3). Када трэбуй тэ авэл ӷлавно, кала ту лэс тэ изучаеш и Библия. Тоди ту полэса, саво во и кай во чаче исин (Исх. 34:6, 7; Пс. 145:8, 9). И сар ту лэса май драго и май драго тэ уӷанэс лэ Иеговас, тоди тири вера андэр лэстэ авэла май састи и любовь каринг лэстэ авэла май бари, ай и дружба май лащи.

15. Саво лашимос амэнди анэн, кала амэ росԥэнас аврэнди пала Дэл?

¹⁵ Росԥэн пала Иегова аврэнди. Кадя ту екжэно лэса май фартэ тэ патяс андэр лэстэ. Но со, если о мануш, савэса ту дэс дума пала Дэл, ԥэнэн, кай лэс нинай, ай ту на ӷанэс, со лэсти тэ ԥэнэс? Тоди ту можэш тэ виарақэс андэ амари литература дэсавэ гиндоря пала када. Шув сама пэ стихоря, савэ доԥэнэн, кай Дэл исин. И кала ту упалэ диқэсапэ кадэлэ манушэса, тоди тутэ авэла, со тэ ԥэнэс лэсти (1 Пет. 3:15). Инке ту можэш тэ мангэс помощь кай и ԥрала и ԥэя, савэ драго ӷанэн када тэ росԥэнэн. Дажэ если о мануш на патял андэ кода, со ту лэсти росԥэнэс, всаек авэла драго, кай ту дэс дума пала када. Важ кода кай кадя тири вера андо Дэл авэла май састи. И тоди нико и нисо нэ сможэт тэ змарэл тут па правильно дром, ту на парашэса тэ патяс андо Дэл и кай во вся создал.

НА ПАРАШ ТЭ ПАТЯС АНДО ДЭЛ!

16. Со можэт тэ авэл, если амэ на терас нисо, кай май фартэ тэ патяс андо Дэл?

¹⁶ Нэ важно скати бэрша амэ служысарас лэ Иеговасти амэнди всаек трэбуй варисо тэ терас, кай май фартэ тэ патяс. И сар амэ ужэ ԥэндям, «и вера ритярдёл пэ кода, со драго доԥэнэн, кай исин кода, со на дицол». Ай и мануша моӷут тэ бистрэн кода, со на диқэн. И най евья о апостоло Павло ԥэндясас, кай кала лэ манушэстэ на хутилэл вера андо Дэл, тоди во можэт вушэро тэ парашэл тэ патял андэр лэстэ (Евр. 12:1). Но со тэ терас, кай амэндэ кадя тэ на авэл? (2 Фес. 1:3).

17. Со поможыя тэ на парашэс тэ патяс андо Дэл?

¹⁷ Трэбуй тэ на парашас тэ мангас лэ Иеговас, кай во тэ дэл амэнди свынто духо. Васо када важно? Важ кода кай о свынто духо поможый тэ патяс андо Дэл (Гал. 5:22, 23). Ай би лэско амэ парашаса тэ патяс андо Иегова. Если амэ мангас кай о Иегова лэско свынто духо, тоди во лэс амэнди точно дэла (Луки 11:13). Амэ дажэ можэм тэ мангас кай о Иегова: «Поможысар амэнди май фартэ тэ патяс» (Луки 17:5).

18. Пала саво подарко, саво дя амэнди о Иегова, ԥэнэнпэ андэ Псалом 1:2, 3?

¹⁸ Инке трэбуй тэ на промэкэс тэ проандярас лично изучения. (Адиносар Псалом 1:2, 3.) Андэ кода время сар сас пистромэ о пэрво псалом, вся и Свынто Писания сас кати кай и израильски царёря и рашая. Ай авэр мануша анда кадэва народо моӷли тэ ашунэн сар адинон о Законо, еқвар андэ семь бэрш (Втор. 31:10—12). Ай андэ лэ Иисусости время и Свынто Писания сас кати кай дэсавэ мануша или ла гаравэнас андэ синагога. Но адес и Библия моӷут тэ адинон и мануша па вся и ԥув. Дэкастэ исин вся и Библия, ай дэкастэ кати дэсавэ книӷи андар латэ. Акана ла можэт тэ адиной почти кажно мануш, но бут бэрша на сас кацави возможность. Но сар тэ сыкавас амари блаӷодарность лэ Иеговасти, кай вой амэндэ исин?

19. Со трэбуй тэ терас, кай тэ на парашас тэ патяс андо Иегова?

¹⁹ Амэ аваса фартэ блаӷодарни лэ Иеговасти, кай амэндэ исин Библия, если ласа ла тэ адиносарас ла кажно дес. Амэнди на трэбуй тэ аштярас кала авэла свободно время. Трэбуй тэ витидас дес и время пэ лично изучения. Кадя амэ май фартэ ласа тэ патяс андо Иегова. Если амэ на ласа када тэ промэкас, тоди амэ на парашаса тэ патяс андо Дэл.

20. Со амэ камас тэ терас?

²⁰ И со тэ на дэн дума пала амэндэ и мануша, савэ англа лэ миростирэ яқа ӷрамотни и мудри, амари вера всаек ритярдёлпэ пэ кода, со ԥэнэнпэ андэ Библия (Матф. 11:25, 26). Именно андар латэ амэ уӷанглям, васо андэ люма кадя бут ԥаримос и ӷанас, со о Иегова камэл тэ стерэл англэ. Важ када амэнди трэбуй тэ на парашас тэ патяс андо Иегова и тэ поможысарас май бутэ манушэнди тэ патян, кай исин Создателё (1 Тим. 2:3, 4). И тоди амэ пэстирэ яқэнца диқаса кодэя время, кала всаворэ мануша пэ люма ԥэнэна кацавэ жэ алава, сар и андэ Откровения 4:11: «Иегова, амаро Дэл, ту ашэс, кай тэ прилэс лашо алав... важ кода кай ту вся стердян и вся, со ту закамлян, исин и стердо».