СО ТЭ ТЕРАС, КАЙ И НЕНАВИСТЬ ТЭ НА РОЗЖАЛПЭ МАЙ ДУР?
4 | Манг помощь кай о Дэл
Андэ Библия ԥэнэнпэ:
«Ай лэ свынтонэ духоско плодо — када любовь, радость, ладо, терпения, доброта, лашимос, вера, кротость, самообладания» (ГАЛАТАМ 5:22, 23).
Со када значит?
Кати о Дэл можэт тэ поможый, кай тутэ тэ на авэл ненависть. Лэско свынто духо поможыя, кай ту тэ ашэс кацавэ манушэса, савэса ту екжэно нэ сможэш тэ ашэс. И вместо кода, кай тэ старыиспэ тэ улэс екжэно и ненависть, фэдэр манг помощь кай о Дэл. Тоди ту, сар и о апостоло Павло, сможэш тэ ԥэнэс: «Пэ вся мандэ исин зор, важ кода кай исин кодэва, ко лэс манди дэл» (Филиппийцам 4:13). Ту диқэса, пэ скати чачунэ и алава анда Псалом 121:2: «Поможый манди о Иегова».
Сар када тэ стерас?
«О Иегова поможысардя манди тэ ашавав и холи и жэстокость и тэ ашав аврэ манушэса» (ВАЛЬДО)
На параш тэ мангэспэ, кай о Иегова тэ дэл тути свынто духо (Луки 11:13). Манг, кай во тэ поможый тути тэ парудёс андэ лащи риг. Май драго уӷан анда Библия, сар тэ любис, тэ ладис аврэнца, тэ авэс терпеливо и тэ ритярэс пэс андэ вас. Кадэла качестворя поможына, кай тутэ тэ на авэл и ненависть. Старысав тэ терэс кадя, сар уӷанглян. Проандяр и время кодэлэнца, кастэ исин кацавэ качестворя и ко можэт тэ авэл важ тутэ лашо примеро. Через и общения кацавэ манушэнца тутэ авэла жылания тэ любис и тэ терэс лашимос (Евреям 10:24).