Старейшыноря, сытён кай о апостоло Павло!

1, 2. Сости и старейшыноря моӷут тэ сытён кай о Павло?

О АПОСТОЛО Павло всаворэ одеса любияс лэ ԥралэн и лэ ԥэян и на жалуияс пэстири время важ лэндэ (Деян. 20:31). Важ када и вонэ лэс фартэ любинас. Например, кала и старейшыноря анда Эфесо уӷанглэ, кай будэр никала на додиқэна лэ Павлос, вонэ нэ моӷли тэ зритярэн и ясва (Деян. 20:37). Кадяжэ адес и старейшыноря любин лэ ԥралэн и лэ ԥэян и анда вся оди заботинпэ пала лэндэ (Флп. 2:16, 17). Но кадэлэ ԥралэнди най всегда вушэро тэ терэн пэстири дила. Со лэнди можэт тэ поможый андэ када?

² Амарэ старейшыноря моӷут бут сости тэ сытён кай о апостоло Павло (1 Кор. 11:1). Во на сас варисаво суперӷероё. О Павло сас обычно, нэсовершэно мануш, савэстэ най всегда вижалас тэ андярэл пэс правильно (Рим. 7:18—20). Лэстэ сас бут трудности андэ жызня. Но во на здэласпэ и на хасарэлас и радость. Лэ старейшынонэнди поможыя лэско примеро тэ пэрэандярэн пэско ԥаримос и тэ ашэнпэ радосни андэ служэния лэ Иеговасти. Давайте уӷанаса, сар вонэ моӷут када тэ терэн.

3. Со амэ уӷанаса андэ кадэя статья и саво лашимос амэнди када анэна?

³ Андэ кадэя статья амэ уӷанаса, андэр со лэ старейшынонэнди можэт тэ авэл трудно: 1) тэ витидэн время и важ пэстирэ обязаности, и важ и служэния, 2) тэ авэн заботливи старейшыноря, 3) тэ на умэкэн и вас через о нэсовершэнство 4) тэ на холявэн, кай авэр тожэ нэсовершэни. Амэ подаса дума, сар о Павло пэрэандярдя кадэва ԥаримос и сости и ԥрала моӷут тэ сытён лэстар.

ВИТИДЭН ВРЕМЯ И ВАЖ ПЭСТИРЭ ОБЯЗАНОСТИ, И ВАЖ И СЛУЖЭНИЯ

4. Васо лэ старейшынонэнди найвушэро фартэ бут время тэ проповедуют?

⁴ Васо када найвушэро? И старейшыноря най кати сыкавэн лашо примеро андэ служэния, но и терэн инке бут дила. Например, вонэ проандярэн и встречи, пристон пэско зор, кай тэ сытярэн лэ помошниконэн андэ собрания, ай кадяжэ подритярэн лэ ԥралэн и лэ ԥэян (1 Пет. 5:2). Дэсавэ старейшыноря поможын пэ стройка и диқэн пала Залоря Царства. Но всаек важ лэндэ, сар и важ всаворэ андэ собрания, само ӷлавно — тэ проповедуют (Матф. 28:19, 20).

5. Саво примеро сыкадя о апостоло Павло?

⁵ Лэ Павлоско примеро. Со поможысардя лэ Павлости тэ авэл лашо проповеднико? Во ԥэндя лэ христианонэнди анда Филиппы: «Полэн, со па чачимастэ важно» (Флп. 1:10). Во най кати ԥэнэнас, кай авэр када тэ терэн, но и екжэно кадя терэлас. О Павло полэлас, кай фартэ важно тэ росԥэнэн пала Дэл. Важ када во бэршэнца сытярэлас лэ манушэн «англа авэр и па цэра» (Деян. 20:20). О Павло использовал любо возможность, кай тэ проповедует, ай най кати дэкала или еқвар андо курко! Например, пока во аштярэлас лэ Силас и лэ Тимофеёс, во дэлас дума лэ барэ манушэнца, и када андя бут лашимос. Дэсавэ андар лэндэ ашэлэ христианоря (Деян. 17:16, 17, 34). Дажэ кала о Павло бэшэлас андо баруно, во проповедовал кодэлэнди, ко сас паша лэстэ (Деян. 28:16—24; Флп. 1:13, 14).

6. Сости о апостоло Павло сытярэлас аврэн?

⁶ О Павло на хасарэлас пэстири время евья. Например, кала во пэрво разо жыля тэ служый сар мисианеро, во ақардя пэса лэ Маркос, ай кала жыля до дуйто — лэ Тимофеёс (Деян. 12:25; 16:1—4). Во анда ди сытярэлас кадэлэ ԥралэн, кай вонэ тэ стидэн и нэвэ собрании, тэ заботинпэ пала ԥрала и ԥэя и тэ ашэн лашэ проповедникоря (1 Кор. 4:17).

7. Сар и старейшыноря моӷут тэ сытён анда лэ Павлостирэ алава (Эфесянам 6:14, 15)?

⁷ Сости можно тэ сытён. Сар и старейшыноря моӷут тэ лэн примеро лэ Павлостар? Вонэ служын най кати па цэра, но и проповедуют андэ любо маменто, например андо маӷазино или пэ бути. (Проадинон Эфесянам 6:14, 15.) Дажэ кала вонэ строин Залоря Царства, лэндэ исин возможность тэ росԥэнэн пала Иегова лэ сосидонэнди и кодэлэнди, ко анэн лэнди материало важ и стройка. И старейшыноря, сар и о апостоло Павло, используют время андэ служэния, кай тэ сытярэн аврэн, ай кадяжэ лэ помошниконэн андэ собрания.

8. Со трэбуй дэкала тэ терэн и старейшыноря?

⁸ И старейшыноря нащи тэ домэкэн, кай через и обязаности андэ собрания лэндэ тэ на ашэлпэ время пэ служэния. Вижал, дэкала лэнди трэбуй тэ отԥэндён варисостар. Роздиқам ек примеро. Лэ старейшынасти камэн тэ дэн инке ек варисави дила. Во мангэлпэ и полэл, кай тоди лэстэ на ашэлапэ время важ авэр важно дила. Например, тэ проандярэл и семейно поклонения кажно курко, тэ ԥирэл андэ служэния или тэ сытярэл лэ бэятонэн. Хоть, можэт, и найвушэро тэ отԥэндён варисавя дилатар, на бистрэн: о Иегова цэний, кай тумэ стон кажно дила пэ пэско ҭан.

САР ТЭ АВЭН ЗАБОТЛИВИ СТАРЕЙШЫНОРЯ

9. Со лэ старейшынонэнди можэт тэ авэл найвушэро тэ терэн через кода, кай вонэ заняти?

⁹ Васо када найвушэро? Кай лэ Иеговастирэ служытеля фартэ бут трудности. И андэ кадэла послидни деса амэнди всаворэнди трэбуй, кай амэн тэ подритярэн и тэ придэн зор. Ай варикасти андар мэндэ трэбуй помощь, кай тэ на стерас варисаво бэзэх (1 Фес. 5:14). Канешно, и старейшыноря нэ моӷут тэ улэн всаворэ амарэ трудности. Но о Иегова камэл, кай вонэ тэ подритярэн и тэ фэрин лэстирэ народос. Хоть и старейшыноря фартэ заняти, сар вонэ моӷут тэ виарақэн и время, кай тэ поможын лэ ԥралэнди и лэ ԥэянди?

10. Сар о Павло заботияспэ пала ԥрала и ԥэя, сар ԥэнэнпэ андэ 1 Фессалоникийцам 2:7?

¹⁰ Лэ Павлоско примеро. О Павло всегда виарақэлас возможность тэ похвалий и тэ подритярэл лэ ԥралэн и лэ ԥэян. Амарэ старейшыноря тожэ старыинпэ тэ дэн зор лэ христианонэнди, тэ сыкавэн, кай любин лэн, и тэ обжанпэ лэнца по доброму. (Проадинон 1 Фессалоникийцам 2:7.) О Павло сыкавэлас пэстири любовь каринг лэндэ и ԥэнэнас, кай о Иегова тожэ лэн фартэ любий (2 Кор. 2:4; Эф. 2:4, 5). Во дружыяс лэ ԥралэнца и лэ ԥэянца и проандярэлас лэнца бут время. Инке о Павло доверял лэнди и на лажалас тэ росԥэнэн, состар во дарал и пала пэстирэ слабости (2 Кор. 7:5; 1 Тим. 1:15). Но во на шолас фартэ бари сама пэ пэстирэ проблемы, ай наоборот, камэлас тэ подритярэл лэ ԥралэн и лэ ԥэян.

11. Васо о Павло дэлас советоря лэ ԥралэнди и лэ ԥэянди?

¹¹ Дэкала лэ Павлости прижаласпэ тэ дэл совето лэ ԥралэнди и лэ ԥэянди. Но во на терэлас када анда холи. Наоборот: во заботияспэ пала лэндэ и камэлас тэ фэрий лэн, кай вонэ тэ на попэрэн андэ бида. О Павло пристолас зор, кай аврэнди тэ авэл вушэро тэ полэн лэско совето и тэ прилэн када каринг пэстэ. Например, лэ коринфянонэнди во дя строӷо совето. Но потом во мангля, кай каринг лэндэ тэ жал о Тито, важ кода кай пэрэжывал, сар вонэ андярдэ пэс посли када. И о Павло сас бахтало тэ уӷанэн, кай и ԥрала и ԥэя на холяйлэ пэр лэстэ и прилинэ лэско совето (2 Кор. 7:6, 7).

12. Сар и старейшыноря моӷут тэ придэн зор лэ ԥралэнди и лэ ԥэянди?

¹² Сости можно тэ сытён. И старейшыноря моӷут тэ лэн примеро лэ Павлостар, кала проандярэн и время лэ ԥралэнца и лэ ԥэянца. Например, вонэ моӷут тэ авэн пэ собрания май рано, кай тэ подэн дума лэнца и тэ подритярэн. И пэ када на трэбуй фартэ бут время (Рим. 1:12; Эф. 5:16). О старейшына, саво сытёл лэ Павлостар, подритярэл лэ ԥралэн и лэ ԥэян па Библия и ԥэнэн, сар дэ фартэ о Иегова лэн любий. Кадя во сыкавэл и пэстири любовь каринг лэндэ. Во всегда родэл возможность тэ похвалий лэ ԥралэн и лэ ԥэян. Ай кала во дэл совето, во терэл када па Библия, ворта, но по доброму. Важ кода кай во камэл, кай вонэ драго тэ прилэн лэстирэ алава (Гал. 6:1).

САР ПРАВИЛЬНО ТЭ ДИҚЭН ПЭ ПЭСКО НЭСОВЕРШЭНСТВО

13. Сар дэсавэ старейшыноря диқэн пэ пэско нэсовершэнство?

¹³ Васо када найвушэро? И старейшыноря нэсовершэни мануша, и вонэ тожэ дэкала терэн варисо най кадя (Рим. 3:23). Но лэнди можэт тэ авэл найвушэро правильно тэ диқэн пэ пэско нэсовершэнство. Дэсавэ старейшыноря полэн, андэр со лэндэ исин слабости, и через када моӷут тэ умэкэн и вас. Ай авэр, наоборот, гиндон, кай лэндэ вся вижал драго и лэнди на трэбуй тэ парудён.

14. Сар и смирения поможысардя лэ Павлости правильно тэ диқэл пэр пэстэ, сар ԥэнэнпэ андэ Филиппийцам 4:13?

¹⁴ Лэ Павлоско примеро. О Павло сас смирено и прижанэнас, кай лэстэ исин нэдостаткоря. Во полэлас, кай лэсти трэбуй зор лэ Иеговастар, кай тэ борийпэ кадэлэса. Варикала о Павло холяса ӷонияс лэ христианонэн. Но потом во прижангля, кай сас нэправо и полностью паруделя (1 Тим. 1:12—16). Лэ Дэвлэстирэ зорэса о Павло ашэля любящё, смирено старейшына, саво полэлас и жалуияс аврэн. Лэсти сас фартэ ԥарэс, кала во гиндояс пала кода, со терэлас най кадя. Но во на шолас пэ када бари сама и патялас, кай о Иегова лэс простия (Рим. 7:21—25). О Павло на аштярэлас, кай авэла совершэно. Но пристолас вся пэско зор, кай тэ сытёл лэ Иисусостар и мангэлас лэ Иеговастар помощь андэ служэния (1 Кор. 9:27; проадинон Филиппийцам 4:13).

15. Сар о старейшына трэбуй тэ диқэл пэ пэско нэсовершэнство?

¹⁵ Сости можно тэ сытён. Если лэ ԥралэс назначают старейшынаса, када на сыкавэл, кай во совершэно. О Иегова аштярэл, кай во лэла тэ прижанэн пэстирэ ошыбки и тэ пристол зор, кай тэ сытёл лэ Иисусостар (Эф. 4:23, 24). О старейшына трэбуй драго тэ уӷанэн и Библия, кай тэ полэл, андэр со инке лэсти трэбуй тэ парудёл. Тоди о Иегова поможыя, кай во тэ авэл инке май бахтало и кай лэстэ вся тэ вижал (Иак. 1:25).

САР ТЭ НА ХОЛЯВЭН, КАЙ АВЭР НЭСОВЕРШЭНИ

16. Со можэт тэ авэл, если и старейшыноря лэна фартэ тэ шон сама, со терэн най кадя и ԥрала и ԥэя?

¹⁶ Васо када найвушэро? Кала и старейшыноря фартэ пашэ общяются лэ ԥралэнца и лэ ԥэянца, вонэ диқэн, со вонэ терэн най кадя. Тоди анда холи можэт тэ закамэлпэ тэ ԥэнэн лэнди варисо ӷрубо или тэ лэн тэ сындон. Но и старейшыноря нащи тэ домэкэн, кай вонэ кадя пэс тэ андярэн. О Павло ԥэндя, кай када о Сатана камэл, кай и старейшыноря тэ авэн кацавэ (2 Кор. 2:10, 11).

17. Сар о Павло диқэлас пэ ԥрала и пэ ԥэя?

¹⁷ Лэ Павлоско примеро. О Павло вся и время старыияспэ тэ додиқэл варисо лашо андэ ԥрала и ԥэя. Во ӷанэнас, кай вонэ терэн ошыбки. Дэкала вонэ дажэ лэсти терэнас больно. Но о Павло полэлас, кай если варико стердя ошыбка, када инке на сыкавэл, кай во найлашо мануш. Во любияс лэ ԥралэн и лэ ԥэян и цэнияс лэн важ лэндирэ лашэ качестворя. Хоть кадэла ԥрала и ԥэя най всегда андярэнас пэс правильно, о Павло патялас, кай лэндэ лашо ди и кай лэнди просто трэбуй помощь.

18. Сости амэ можэм тэ сытювас анда кода, сар о Павло поможысардя лэ ԥэянди? (Филиппийцам 4:1—3).

¹⁸ Подам дума, сар о Павло поможысардя дуе ԥэянди анда собрания андэ Филиппы. (Проадинон Филиппийцам 4:1—3.) И Эводия и Синтихия сас холинатирэ ек пэ ек. Но о Павло на грабияс тэ сындой лэн, ай шутя сама по лашимос, саво исин андэр лэндэ. Кадэла ԥэя сас предани лэ Иеговасти и ужэ бут бэрша служынас лэсти. О Павло ӷанэнас, кай о Иегова лэн любий. Важ када во тожэ старыияспэ драго тэ гиндой пала лэндэ и тэ поможый лэнди тэ помиринпэ. Кадя во на хасардя пэстири радость андэ служэния лэ Иеговасти и на парашэля тэ дружый лэ ԥралэнца и лэ ԥэянца анда кодэя собрания.

19. а) Со поможыя лэ старейшынонэнди тэ шон сама по лашимос, саво исин андэ ԥрала и ԥэя? б) Сости амэ сытювас, кала диқас пэ картинка, кай о ԥрал прилэл андо Зало Царства?

¹⁹ Сости можно тэ сытён. Старейшыноря, шон сама по лашимос, саво исин андэ ԥрала и ԥэя. Да, амэ всаворэ нэсовершэни, но кажнонэстэ андар мэндэ исин розлашэ качестворя (Флп. 2:3). Чаче, дэкала и старейшыноря трэбуй тэ дэн совето лэ ԥралэнди и лэ ԥэянди. Но, кадяжэ сар и о Павло, старыинпэ тэ на шон сама пэ кода, со вонэ терэн най кадя. Само ӷлавно, кай вонэ любин лэ Иеговас, виритярэн о ԥаримос андэ служэния и моӷут тэ стерэн инке бут лашимос. Если и старейшыноря старыинпэ кадя тэ терэн, тоди и ԥрала и ԥэя полэна, кай лэн любин андэ собрания.

НА ПАРАШЭН ТЭ СЫТЁН ЛЭ ПАВЛОСТАР

20. Сар и старейшыноря моӷут май бут тэ уӷанэн пала Павло?

²⁰ Старейшыноря, тумэ можэте и дальшэ тэ сытён лэ Павлостар. Андэ када тумэнди поможыя «Индекс публикаций Сторожевой башни» (Павел > Пример для старейшин). Кала тумэ лэна тэ адинон, со котэ пистромэ, пушэн пэстар: «Сар лэ Павлоско примеро поможыя манди тэ служысарав старейшынаса и тэ на хасарав и радость?»

21. Андэр со моӷут тэ авэн уверени и старейшыноря?

²¹ Старейшыноря, сэрэн, о Иегова на аштярэл, кай тумэ авэна совершэни, но во камэл, кай тумэ тэ авэн верни лэсти (1 Кор. 4:2). Во фартэ цэнияс лэ Павлоско трудо, и кай во сас предано лэсти. Тумэ можэте тэ авэн уверени: о Иегова фартэ цэний вся, со тумэ терэн андэ служэния лэсти. Во никала на бистрэла «тумари дила и любовь, сави тумэ сыкадэ каринг лэско алав кодэлэса, кай поможынас и на парашэн тэ поможын лэ свынтонэнди» (Евр. 6:10).