На парашэн тэ авэн терпеливи

1. Васо тути чалён и терпеливи мануша?

АМЭНДИ всаворэнди чалён терпеливи мануша. Амэ стас патив по мануш, саво на вижал андар пэстэ, дажэ если лэстэ сразу нинай кода, со во камэл. Кала амэ шылисавас, амэ цэнисарас, кай авэр терпеливи каринг када. И канешно, амэ блаӷодарни лэ ԥралэсти или ла ԥьяти, савэ изучали амэнца и Библия. Вонэ на мэклэ амэн, хоть амэ и най сразу поласас и приласас кода, со уӷанасас. Но со май фартэ амэ блаӷодарни лэ Иеговасти, саво сыкавэл каринг амэндэ фартэ бари терпения! (Рим. 2:4).

2. Андэ савэ ситуацыи амэнди, можэт, найвушэро тэ авас терпеливи?

² Но ԥэнаса чачимос: хоть амэ цэнисарас аврэндири терпения, екжэнэ тэ авас терпеливи амэнди найвушэро. Амэнди можэт тэ авэл найвушэро тэ на холявас, кала тердювас андэ пробка, особено, если грабисавас. Или амэ можэм тэ вижас андар пэстэ, кала авэр терэн кода, со амэнди фартэ на чалёл. Ай дэкала можэт тэ здэлпэ, кай амэ кадя и на доаштярдюваса о нэво миро, саво камэл тэ дэл о Иегова. Камэн тумэ тэ авэн май терпеливи? Андэ кадэя статья амэ подаса дума пала терпения и васо вой кадя важно. Кадяжэ амэ уӷанаса, со поможыя май драго тэ сыкавас кадэва качество.

САР КАДА ТЭ АВЭС ТЕРПЕЛИВО?

3. Сар андярэл пэс о терпеливо мануш, кала лэс подваздэн?

³ Давайте розласа штар маменторя, савэ сыкавэн, кай о мануш терпеливо. Пэрво, о терпеливо мануш на грабий тэ холявэл. Во старыийпэ тэ ашэлпэ спокойно и на рий пала пэстэ, дажэ если лэс подваздэн или и ситуацыя ашэл май ԥари. Примеро андэ када сыкавэл екжэно о Иегова. Во на грабий тэ холявэл. И алава «на грабий тэ холявэл» пэрво разо появинпэ андэ Библия, кала о Иегова росԥэнэн пала пэстэ, кай во «жалуий анда вся оди, на грабий тэ холявэл, никала на ашавэл и лэстири преданно любовь фартэ бари» (Исх. 34:6).

4. Сар андярэл пэс о терпеливо мануш, кала лэсти прижалпэ тэ аштярэл?

⁴ Дуйто, о терпеливо мануш ӷанэн тэ аштярэл. Дажэ если пэ варисо ужал май бут время, чем во аштярэлас, во всаек старыийпэ тэ авэл спокойно и на лэл тэ холявэл (Матф. 18:26, 27). Ситуацыи, андэ савэ трэбуй тэ аштярас, фартэ бут. Например, кала амэнди варисо росԥэнэн, трэбуй драго тэ ашунас и тэ на пэрэмарас (Иов 36:2). Кадяжэ амэнди трэбуй терпения, кала амэ поможысарас амарэ изучающёнэсти тэ полэл варисо анда Библия или тэ ашавэл и найлащи привычка.

5. Сар инке дицол, кай о мануш терпеливо?

⁵ Трито, о терпеливо мануш на грабий варисо тэ терэл. Андэ жызня исин ситуацыи, кала тэ цырдас и время нащи. Но кала кай кацаво мануш появийпэ важно задания, во на грабий ла тэ терэл, если драго на погиндосардя. Наоборот, во стол время, кай драго тэ погиндой, сар ла тэ стерэл. Ай потом во виарақэл скати трэбуй время, кай драго ла тэ стерэл.

6. Сар андярэл пэс о терпеливо мануш, кала лэстэ исин ԥаримос?

⁶ Штарто, о терпеливо мануш на жалуийпэ, кала пэрэандярэл о ԥаримос. Андэ када и терпения фартэ шолпэ пэ стойкость. Канешно, нинай нисо андэ кода, кай тэ росԥэнэс пала пэстирэ пэрэжывании лэ друӷости. Но о терпеливо мануш старыийпэ май бут тэ шол сама по лашымос, саво исин андэ лэстири жызня, и вся пэрэандярэл радостяса (Кол. 1:11). Амэ, и христианоря, камас, кай амэндэ тэ авэл вся кода, со поджал каринг о терпеливо мануш. Васо? Давайте роздиқаса дэсавэ причины.

ВАСО И ТЕРПЕНИЯ КАДЯ ВАЖНО

7. Сар ԥэнэнпэ андо Иаково 5:7, 8, васо и терпения кадя важно? (Кадяжэ диқэн и картинка.)

⁷ Амэ трэбуй тэ авас терпеливи, кай амэндэ тэ авэл вечно жызня. И предани лэ Дэвлэстирэ служытеля, савэ жувэнас дэлмут, терпеливо аштярэнас, кала во зритярэла пэстирэ обещянии. Кадя трэбуй тэ терас и амэ (Евр. 6:11, 12). Андэ Библия ԥэнэнпэ, кай амэ трэбуй тэ сытювас кай кодэва, ко залэлпэ ла ԥувьяса. (Проадинон Иаково 5:7, 8.) Кодэва, ко залэлпэ ла ԥувьяса, стол бут зор, кай тэ сеий, и потом шол паи. Но во на ӷанэн, кала варисо вибарёла. Важ када во терпеливо аштярэл и патял, кай стидэла о уражаё. Амэндэ тожэ фартэ бут дила. Амэ стас бут зор, кай тэ терас дила, сави дя о Христос, хоть и на ӷанас, «андэ саво дес [во] авэла» (Матф. 24:42). Амэ терпеливо аштярас и патяс, кай андэ пэстири время о Иегова зритярэла пэско алав. Если амэ аваса найтерпеливи, амэнди авэла ԥарэс тэ аштярас лэ Дэвлэско дес и амэ ласа тэ дурювас лэ Иеговастар. Или амэ закамаса май бут тэ шас сама пэ кода, состар амэнди авэла драго ужэ адес. Но если амэ терпеливи, амэ вся виритяраса и спасысаваса (Мих. 7:7; Матф. 24:13).

8. Сар и терпения поможый амэнди тэ ладисарас аврэ манушэнца? (Колоссянам 3:12, 13).

⁸ Через и терпения амэнди май вушэро тэ ладисарас аврэнца. Вой поможый драго тэ виашунас, кала амэнди варисо росԥэнэн (Иак. 1:19). Кадяжэ и терпения поможый, кай тэ авэл мирно. Ай инке через и терпения амэ спэрва гиндосарас, ай потом дас дума. Тоди дажэ андэ фартэ ԥари ситуацыя амэ на ԥэнаса варисо найлашо. Кадяжэ, если амэ терпеливи, амэ на захолявас, кала варико ԥэнэн или терэл кода, состар амэнди ашэл ԥарэс. Амэ на рисарас пала пэстэ. Вместо када амэ терас кадя, сар пистромэ андэ Библия: «На холявэн ек пэ ек и анда вся оди простин ек еқэс». (Проадинон Колоссянам 3:12, 13.)

9. Сар и терпения поможый тэ прилас и ришэнии? (Притчи 21:5).

⁹ Если амэ терпеливи, када дицола па амарэ ришэнии. Вонэ авэна пэ бутэстэ май лашэ. Амэ на ласа тэ грабисавас или тэ терас варисо, если драго на погиндосардям. Амэ роздиқаса всаворэ варианторя и приласа со май лащи ришэния. (Проадинон Притчи 21:5.) Например, амэ родас бути. Можэт, амэ ӷотови тэ витидас любо бути, дажэ если через када амэ ласа тэ промэкас и собрании и май набут тэ служысарас. Но если амэ терпеливи, амэ бут пала со погиндосараса. Например, кай находийпэ и бути, скати время жала пэр латэ и сар вой повлияет пэ амаро ери и пэ амари дружба лэ Иеговаса. Если амэ терпеливи, амэ на ласа тэ хас и куя́ через кода, кай прилям най кодэя ришэния.

САР ТЭ АШАС МАЙ ТЕРПЕЛИВИ

10. Со поможыя, кай о христианино тэ ашэл терпеливо и тэ на парашэл тэ сыкавэл кадэва качество?

¹⁰ Мангэнпэ пала терпения. И терпения ужал андэ лэ свынтонэ духоско плодо (Гал. 5:22, 23). Када сыкавэл, кай кати пэстирэ зорэса амэндэ на вижала тэ авас терпеливи. Если андэ варисави ситуацыя амэнди найвушэро тэ авас терпеливи, амэ мангас, кай о Дад тэ дэл амэнди о свынто духо (Луки 11:9, 13). Кадяжэ амэ можэм тэ мангас лэ Иеговас тэ диқас пэ вся лэстирэ яқэнца. Ай потом посли молитва амэ трэбуй кажно дес тэ стас зор, кай тэ авас терпеливи. Со май бут амэ мангаспэ пала терпения и старысавас тэ авас терпеливи, со май драго амэндэ када вижала. Тоди кадэва качество авэла андэ амари жызня, дажэ если раньшэ лэс на сас.

11, 12. Сар о Иегова сыкавэл и терпения?

¹¹ Розмышляйте пала библейски примероря. Андэ Библия росԥэнэнпэ пала бут мануша, савэ сас терпеливи. Кала амэ гиндосарас пала лэндири жызня, када бут сости амэн сытярэл. Но спэрва амэ подаса дума пала кодэва, ко со май фартэ сыкавэл и терпения — када о Иегова.

¹² Андо Эдэмско садо о Сатана хохадя по Иегова и дошалярдя лэс андэ кода, кай во на любий лэ манушэн и обжалпэ лэнца нэсправедливо. О Иегова нэ уничтожыл сразу жэ кадэлэ хохавнэ анӷелос, ай сыкадя, кай терпеливо и ритярэл пэс андэ вас. О Дэл полэлас: трэбуй сас время, кай тэ доԥэнэн, кай во — со май лашо правителё. И ужэ фартэ бут бэрша о Иегова пэрэандярэл вся, со о Сатана ԥэнэн пэ лэско свынто алав. Ай инке, о Иегова терпеливо аштярэл важ кода, кай камэл, кай со май бут мануша тэ жувэн вечно (2 Пёт. 3:9, 15). И ужэ милионоря мануша ашэлэ лэстирэ друӷоря. Если амэ сэрас, васо о Иегова терпеливо, амэнди авэла май вушэро тэ аштярас кодэя время, кала во улэла вся о найлашымос.

13. Васо можно тэ ԥэнас, кай о Иисусо точно сыкавэл и терпения, сави исин кай лэско Дад? (Диқэн кадяжэ и картинка.)

¹³ О Иисусо точно кадя жэ, сар и лэско Дад, сыкавэл и терпения. Кала во сас пэ ԥув, лэсти, канешно, сас найвушэро тэ сыкавэл и терпения, особено каринг и лицэмерни законикоря и фарисеёря (Иоан. 8:25—27). И всаек о Иисусо, сар и лэско Дад, на грабияс тэ холявэл. Кала пала лэстэ абисо дэнас дума, во на терэлас кадя жэ и на домэкэлас, кай лэс тэ зацырдэн андо споро (1 Пёт. 2:23). Во терпеливо пэрэандярэлас о ԥаримос, на холявэлас и на жалуияспэ пэ када. Най евья андэ Библия ԥэнэнпэ: «Погиндон пала кодэва, ко пэрэандярдя кода, кай и ӷрешникоря ԥэнэнас пэр лэстэ найлашэ алава» (Евр. 12:2, 3). Лэ Иеговастирэ зорэса амэндэ тожэ вижала тэ виритярас любо ԥаримос.

14. Сости амэн сытярэл лэ Авраамостири терпения? (Евреям 6:15). (Диқэн кадяжэ и картинка.)

¹⁴ Можэт, амэ ужэ фартэ долӷо аштярас, кала авэла конец кадэла люмати, и пэрэжываем, кай кадя и на доаштярдюваса када. Со поможыя тэ авас терпеливи? Лэ Авраамоско примеро. Кала лэсти сас 75 бэрш и лэстэ на сас бэяцэ, о Иегова дя лэсти алав: «Мэ стерава кадя, кай тутар жала ашунгло народо» (Быт. 12:1—4). Диқля о Авраамо, сар о Иегова зритярдя кадэя пэстири обещяния? Да, но най вся. Посли кода, сар во пэрэжыля и лэн Ефрато, прожылэ инке 25 бэрш, и кати тоди лэстэ арақаделяпэ шаво, Исаако. Када сас па чачимастэ чуда. Инке через 60 бэрш арақаделэпэ лэстирэ внукоря о Исаво и о Иаково. (Проадинон Евреям 6:15.) Но о Авраамо кадя и на диқля, сар лэстирэ потомкоря ашэлэ ашунглэ народоса и линэ тэ хулаин пэ Обетовано ԥув. Но всаек, пока сас жундо, во на парашэлас пашэ тэ дружый лэ Иеговаса (Иак. 2:23). Ай кала о Авраамо жундёла, во уӷанэна, кай через лэстири вера и терпения сас блаӷословлёни всаворэ народоря пэ ԥув (Быт. 22:18). Сар жэ во тоди авэла радо! Сости амэ сытювас? Амэ тожэ най сразу диқаса, сар о Иегова зритярэла варисави лэстири обещяния. Но если амэ терпеливи, сар о Авраамо, тоди можэм тэ патяс, кай о Иегова блаӷословия амэн ужэ акана, ай андо раё пэ ԥув дэла амэнди инке май бут лашымос (Мар. 10:29, 30).

15. Со можно тэ розлас пэ лично изучения?

¹⁵ Андэ Библия ԥэнэнпэ и пала авэр бут мануша, савэ сыкавэнас и терпения (Иак. 5:10). Можно тэ стас цэль май драго тэ уӷанас пала лэндири жызняb. Например, пала Давидо. О Иегова витидя, кай во тэ авэл царё андо Израилё, кала во сас инке подростко. Но лэсти прижыляпэ тэ аштярэл бут бэрша, кай тэ лэл тэ правий. О Симеоно и Анна бут бэрша аштярэнас, кала авэла о Христос, и на парашэнас предано тэ служын лэ Иеговасти (Луки 2:25, 36—38). Кала тумэ май драго уӷанэн пала лэ Дэвлэстирэ предани служытеля, пушэн пэстар: «Со поможыяс, кай кадэва мануш тэ авэл терпеливо? Саво лашымос када лэсти андя? Со поможыя манди тэ терав кадя жэ? Кадяжэ тумэ можэте бутэсти тэ сытён кай кодэла, ко на сас терпеливо (1 Сам. 13:8—14). Пушэн пэстар: «Со на дя, кай во тэ сыкавэл и терпения? Каринг со када андя?»

16. Саво лашымос анэн и терпения?

¹⁶ Гиндон пала лашымос, саво анэн и терпения. О терпеливо мануш, обычно, бахтало и спокойно. Вижал, кала амэ сыкавас и терпения, амэ поможысарас, кай амаро эмоцыонально и физическо зор тэ авэл лашо. Если амэ терпеливи каринг авэр, амэндэ лэнца авэла ладо. Амари собрания ашэл май дружно. Ай если амэ ритярас пэс андэ вас, кала варико амэн холярэл, тоди амэ на домэкаса, кай и проблема тэ ашэл инке май бари (Пс. 37:8; Прит. 14:29). Но само ӷлавно: если амэ сыкавас и терпения, амэ инке май фартэ шаспэ пэ амаро небесно Дад и ашас май пашэ каринг лэстэ.

17. Сави цэль трэбуй тэ стас англа пэстэ?

¹⁷ Терпения — када райкано качество, саво анэн лашымос всаворэнди. Хоть тэ сыкавас и терпения найвушэро, лэ Иеговастирэ зорэса амэндэ вижала тэ терас када май драго и май драго. И пока амэ терпеливо аштярас о раё пэ ԥув, амэ уверени, кай «о Иегова шол сама пэ кодэла, ко дарал лэстар, и стол патив пэ кодэла, ко надеийпэ пэ лэстири предано любовь» (Пс. 33:18). Давайте жэ утидасапэ андэ терпения и никала на злам ла пар пэстэ!