Дэла о Иегова атвето пэ мэрни молитва?

1, 2. Васо амэнди можэт дэкала тэ здэлпэ, кай о Иегова на дэл атветоря пэ амарэ молитвы?

«МЭК о Иегова авэла важ тутэ само бари радость, и во дэла кода, со камэл тиро ди» (Пс. 37:4). Сави дэ лащи обещяния! Но сыкавэл када, кай амэндэ сразу авэла вся, со бы амэ тэ на мангас? Васо можэт тэ авэл кацаво вопросо? Роздиқаса дэсавэ ситуацыи. И ԥэй, сави най миростэ, мангэлпэ, кай тэ сытёл пэ школа блаӷовесников Царства. Но и бэрша жан, ай ла на ақарэн. О тэрно ԥрал мангэл лэ Иеговас тэ улэл лэстар о насвалимос, кай во май бут тэ поможый андэ собрания, но лэско зор на ашэл май лашо. И родителя мангэнпэ, кай лэнго бэято тэ ашэлпэ андэ истина, но во парашэл тэ служый лэ Иеговасти.

² Наверно, ту варикала тожэ мангэсас лэ Иеговастар кода, со тути трэбуй, но о Иегова када на дя. Важ када можэт тэ авэл гиндо, кай о Иегова ашунэл всаворэ молитвы, но най тирэ. Или можэт ту гиндос, кай андэ варисо шылисайлян. Кацаво сас по ди и кай ԥэй Джа́нисb. Вонэ лэ хуласа камэнас тэ служын андо Вефилё и мангэнаспэ пала када. Вой ԥэнэн: «Мэ сымас уверено, кай амэн ӥто ақарэна тэ служысарас андо Вефилё. Но прожыля най ек шон, ай дэсавэ бэрша и амэнди всаек на авэлас и приӷлашэния». И Джанис росԥэнэн: «Манди сас ԥарэс, мэ на полавас, со терэлпэ. Манди здэласпэ, кай мэ стердэм кода, со на чалёл лэ Иеговасти. Мэ ворта ԥэнавас лэ Иеговасти андэ молитва, кай амэ камас тэ служысарас лэсти. Васо во на дя атвето пэ мэрни молитва?»

3. Со амэ роздиқаса андэ кадэя статья?

³ Дэкала амэ можэм тэ гиндосарас, кай о Иегова на ашунэл амарэ молитвы. Андэ дэлмутни время кацаво сас по ди кай и верни лэ Дэвлэстирэ служытеля (Иов 30:20; Пс. 22:2; Авв. 1:2). Но ту можэш тэ патяс: о Иегова дэла атветоря пэ тирэ молитвы. Кай май фартэ тэ патян андэ када, роздиқаса трин вопросоря. Пэрво, со амэ можэм тэ аштярас лэ Иеговастар? Дуйто, со о Иегова аштярэл амэндар? И трито, кала амэнди, возможно, трэбуй тэ пэрэдиқас кода, пала со мангаспэ лэ Иеговасти?

СО АМЭ МОЖЭМ ТЭ АШТЯРАС ЛЭ ИЕГОВАСТАР?

4. Сави обещяния о Иегова дэл амэнди, сар ԥэнэнпэ андэ Иеремия 29:12?

⁴ О Иегова дэл алав, кай лэла тэ ашунэл амарэ молитвы. (Проадинон Иеремия 29:12.) О Иегова любий пэстирэ служытелёнэн, савэ на парашэн лэс тэ кандэн. Важ када во вся время внимательно лэн виашунэл (Пс. 10:17; 37:28). Но када на сыкавэл, кай во дэла амэнди вся, пала со амэ лэс мангас. Варисо, возможно, во дэла кати андо раё пэ ԥув.

5. Пэр со шол сама о Иегова, кала ашунэл амарэ молитвы? Росԥэнэн.

⁵ Кала о Иегова ашунэл амарэ молитвы, во сэрэл пала кода, со загиндосардя важ и люма (Ис. 55:8, 9). О Иегова камэл, кай пэ ԥув тэ авэн бут мурша и жувля, савэ анда вся оди камэн лэсти тэ служын. Но о Сатана доԥэнэн, кай и мануша би лэ Дэвлэско моӷут тэ авэн бахталэ (Быт. 3:1—5). Кай о Иегова тэ сыкавэл, кай о Сатана хохавно, во домэкля, кай и мануша тэ правин екжэнэ. И через кода, кай и власть андэ лэ манушэндирэ вас, андэ люма фартэ бут ԥаримос (Эккл. 8:9). Амэ полас, кай о Иегова на улэла када адес. Если во кадя тэ тердоп, всаворэ гиндосардоп, кай лэ манушэндэ драго вижал тэ правин би лэ Дэвлэско.

6. Васо амэнди важно тэ патяс, кай о Иегова любий амэн и вся время андярэл пэс справедливо?

⁶ Пэ одинакови молитвы о Иегова можэт тэ дэл разно атвето. Например, кала о царё Езекия фартэ занасвайля, во мангэлас лэ Иеговас, кай во лэс тэ виличий. И о Дэл стердя кода, со во мангля (2 Цар. 20:1—6). Но кала о апостало Павло фартэ мангэлас лэ Иеговас тэ улэл лэстар и «колючка анда тила», возможно, када сас варисави проблема лэ зорэса, о Иегова на уля ла лэстар (2 Кор. 12:7—9). Вспомним кадяжэ, со стердяпэ лэ апосталонэнца, лэ Иаковоса и лэ Петроса. О Ирадо камэлас лэдон лэн тэ умарэл. Но амэ ӷанас, кай и собрания анда вся оди мангэласпэ пала Пётро. Возможно, и ԥрала и ԥэя мангэнаспэ кадяжэ и пала Иаково. Но вижыля кадя, кай о анӷело лэ Петрос спасысардя, ай лэ Иаковос и мануша казнисардэ (Дила 12:1—11). Можэт тэ авэл кацаво гиндо: «Васо о Иегова лэ Петрос фэрисардя, ай лэ Иаковос най?» Андэ Библия пала када нисо на росԥэнэнпэc. Но акэ со амэ ӷанас точно: лэ Иеговасти «гряца и нэсправедливость» (Втор. 32:4). Амэ кадяжэ ӷанас, кай лэдуй кадэла апосталоря чалёнас лэ Дэвлэсти и во лэн любияс (Отк. 21:14). О Иегова най вся время дэл атветоря пэ амарэ молитвы кадя, сар амэ камлоп. Но амэ патяс, кай во амэн любий и вся время андярэл пэс справедливо, важ када амэ на роваспэ, кай во дя атвето най кадя, сар амэ камлям (Иов 33:13).

7. Со амэ старысавас тэ на терас и васо?

⁷ Амэ на сыстосарас амари ситуацыя аврэнца. Например, амэ варисо конкретно мангас лэ Иеговас, но во на дэл амэнди атвето. Ӷэт май интя амэ уӷанас, кай варико мангля пала кода жэ, со и амэ, и во ԥэнэн, кай о Иегова лэсти атветил. Када поля пар пэстэ ек ԥэй, савя ақарэн Анна. Лако хулай о Мэ́тью занасвайля. Лэстэ сас найлащи дук. И вой мангэласпэ, кай лэстар када тэ отжал. Андэ кодэя жэ время дуй ԥэя анда лэндири собрания, савэ сас андэ ԥурэ бэрша, тожэ сас мэӷнимэ кадэлэ насвалимаса. И Анна мангэласпэ пала пэско хулай и пала кадэла дуй ԥэя. Лэ ԥэяндар када насвалимос отжыля, ай латирэ хуластар най и лэс на ашэля. Спэрва и Анна задэлас пэсти вопросо: када о Иегова поможысардя кадэлэ дуе ԥэянди, кай лэндар тэ отжал када насвалимос? если када кадя, васо во на поможысардя мэрнэ хуласти, мэ жэ тожэ важ лэстэ мангаваспэ. Канешно, амэ нэ можэм тэ ԥэнас точно, васо кадэла дуй ԥэя виличисайлэ. Но амэ точно ӷанас, кай о Иегова улэла вся амаро ԥаримос. И во анда вся оди аштярэл, кала сможэт тэ рий пэстирэ друӷонэн каринг и жызня (Иов 14:15).

8. а) Сар ԥэнэнпэ андэ Исайя 43:2, сар о Иегова амэн подритярэл? б) Сар и молитва можэт тэ поможый амэнди, кала амэндэ ԥаримос? (Диқэн о видео «И молитва поможый вся тэ виритярас».)

⁸ О Иегова лэла вся и время амэн тэ подритярэл. Кай амаро небесно Дад фартэ дуқал оди, кала диқэл, кай амэ пэрэжувас о ԥаримос (Ис. 63:9). Но во всаек на улэл па амаро дром и трудности, савэ шонпэ пэ лэна или пэ яг. (Проадинон Исайя 43:2.) Но во дэл алав, кай авэла амэнца и проандярэла амэн через када. Саво бы амэндэ тэ на авэл ԥаримос, о Дэл позаботияпэ, кай амэ вся и время моӷли тэ служысарас лэсти. Кадяжэ о Иегова дэл амэнди пэско свынто духо, кай амэ тэ виритярас всаворэ трудности (Луки 11:13; Флп. 4:13). Амэ можэм тэ патяс, кай амэндэ авэла вся, со трэбуй, кай тэ виритярас о ԥаримос и тэ ашаспэ предани лэ Дэвлэстиd.

СО О ИЕГОВА АШТЯРЭЛ АМЭНДАР?

9. Васо амэнди трэбуй тэ патяс лэ Иеговасти, кай во амэнди поможыя? (Иакова 1:6, 7).

⁹ О Иегова аштярэл, кай амэ ласа лэсти тэ патяс (Евр. 11:6). Дэкала и испытании здэнпэ, кай вонэ, сар плая. Амэ можэм тэ гиндосарас: «Катэ дажэ о Иегова на поможыя». Но андэ Библия ԥэнэнпэ, кай лэ Дэвлэстирэ зорэса амэндэ вся вижала (Пс. 18:29). Важ када, если тумэндэ исин сомнении, мангэнпэ лэ Иеговасти и патян, кай во обязательно атветит. (Проадинон Иакова 1:6, 7.)

10. Сар тэ терас кадя, сар манглямпэ? Росԥэнэн примеро.

¹⁰ О Иегова аштярэл, кай амэ ласа тэ терас кадя, сар манглямпэ андэ молитва. Например, о ԥрал камэл тэ одмангэлпэ па бути, кай тэ авэл по регионально канӷрэсо. И во мангэл лэ Иеговас пала помощь. Сар о Иегова атветит пэ лэстири молитва? Во можэт тэ дэл лэсти смилость важ кадэя дума. Но о ԥрал всаек екжэно трэбуй тэ подэл дума лэ начальникоса. Возможно, о начальнико на одмэкэла лэс па бути, кала во дэла дума лэса пэрво разо. И лэсти прижалапэ тэ пушэл лэстар най еқвар пала када. Можэт тэ авэл кацаво, кай лэсти трэбуй авэла тэ подэл дума аврэ сотрудниконэнца, савэ моӷут тэ подменин лэс пэ бути. Ай если фартэ трэбуй, о ԥрал дажэ можэт тэ лэл отпуско важ пэстирэ ловэ.

11. Васо амэнди трэбуй тэ на парашас тэ мангаспэ?

¹¹ О Иегова аштярэл, кай амэ на парашаса тэ мангаспэ пала кода, со амэнди трэбуй (1 Фес. 5:17). Па лэ Иисусостирэ алава дицол, кай най пэ всаворэ молитвы о Иегова можэт тэ дэл атветоря сразу (Луки 11:9). Важ када на умэкэн и вас! Мангэнпэ упалэ и упалэ (Луки 18:1—7). Кадя тумэ сыкавэна лэ Иеговасти, кай кода, со тумэ мангэн, важ тумэндэ чаче фартэ куч. Кадяжэ о Иегова диқэла, кай тумэ патян, кай во можэт тэ поможый тумэнди.

ВАСО ВАЖНО ТЭ ПЭРЭДИҚАС КОДА, ПАЛА СО МАНГАС ЛЭ ИЕГОВАСТАР?

12. а) Со амэ можэм тэ пушас пэстар и васо? б) Сар амэ можэм тэ полас: дицол па амарэ молитвы и патив каринг о Иегова чи най? (Диқэн и рамка «Дицол андэ мэрнэ молитвы, кай мэ став патив по Иегова?».)

¹² Если амэ на получисарас и атветоря пэ пэстирэ молитвы, амэ можэм тэ задас пэсти трин вопросоря. Пэрво: «Чаче мэ мангавпэ пала кода, со трэбуй?» Часто амэ гиндосарас, кай ӷанас, со важ амэндэ май фэдэр. Но о Иегова ӷанэн май драго. Лэстэ исин май лащи ришэния, чем кодэя, пала сави амэ лэсти ԥэнас. Можэт тумэ мангэн кода, со вобще на сжалпэ лэстиря времяса (1 Иоан. 5:14). Например, давайте рисаваса каринг и родителя, пала савэ амэ тумэнца дям дума андо пэрво абзацо. Вонэ мангэнас лэ Иеговас, кай лэнго бэято тэ ашэлпэ андэ истина. Здэлпэ, кай када правильно. Но о Иегова никас на заставий лэсти тэ служын. Во камэл, кай амэ, ай кадяжэ и бэяцэ, тэ тэлювас лэсти, важ кода кай екжэнэ кадя витидям (Втор. 10:12, 13; 30:19, 20). Важ када драго авелоп, кай и родителя тэ мангэн лэ Иеговастар помощь, кай тэ поможын лэ бэятонэнди тэ полюбин лэ Иеговас и тэ ашэн лэстирэ друӷоря (Прит. 22:6; Эф. 6:4).

13. Сар ԥэнэнпэ андэ Евреям 4:16, кала о Иегова амэнди поможый? Росԥэнэн.

¹³ Дуйто вопросо кацаво: «Акана вой и время, кай о Иегова тэ стерэл кода, пала со мэ мангав?» Возможно, амэ камас, кай о Иегова тэ дэл атвето сразу, но во май драго ӷанэн, андэ сави время када тэ стерэл. (Проадинон Евреям 4:16.) Если амэ на получисарас сразу кода, со камас, тоди амэнди можэт тэ здэлпэ, кай о Иегова ԥэнэн амэнди «най». Но, возможно, о Иегова ԥэнэн: «Набут поаштяр». Например, вспомните пала тэрно ԥрал, саво камэлас тэ улэл пэско насвалимос. Если о Иегова тэ стердоп чуда и тэ улиноп лэстар о насвалимос, тоди о Сатана обязательно шутоп лэ Иеговасти када пэ яқа. Во лэсти ԥэндоп, кай о ԥрал служый лэсти кати важ кода, кай о Иегова виличисардя лэс. О Иегова ужэ стодя и время, кала улэла вся о насвалимос лэ манушэндар (Иов 1:9—11; 2:4). Ай жы каринг кадэва маменто, амэ нэ можэм тэ аштярас, кай авэна чудеса, кай всаворэндэ авэла лашо зор (Ис. 33:24; Отк. 21:3, 4). Важ када о ԥрал можэт тэ мангэл лэ Иеговастар пала зор и спокойство по ди, кай тэ на здэлпэ и тэ на парашэл тэ борийпэ пэстирэ насвалимаса и верно тэ служый лэ Дэвлэсти (Пс. 29:11).

14. Сости амэн сытярэл кода, со сас кай и Джанис?

¹⁴ И Джанис, сави мангэласпэ лэ Иеговасти тэ служын андо Вефилё, кати через панч бэрш поля, сар о Иегова дя атвето пэ латири молитва. Вой ԥэнэн: «Вся кодэя время о Иегова ман сытярэлас и андэ дэсо поможыяс тэ парудював. Манди трэбуй сас май бут тэ сытював тэ патяв лэсти. Кадяжэ мэ полэм, кай манди трэбуй май драго тэ проандярав мэрни лично изучения. Ай инке мэ полэм, кай манди трэбуй тэ сытював тэ радосавав, кай бы мэ тэ на служысардоп». Ӷэт май интя и Джанис и лако хулай линэ тэ служын андэ раёно служэния. Кала вой гиндой пала кода, со сас дэлмут, вой ԥэнэн: «О Иегова атветил пэ мэрнэ молитвы кадя, сар мэ и на аштяравас. Мэ най сразу полэмас, пэскати дэ лашо атвето о Иегова дя пэ мэрни молитва. Но акана мэ кадя блаӷодарно пала лэстири любовь и лашымос, саво во сыкадя каринг мандэ».

15. Васо дэкала амэнди трэбуй тэ на ԥэнас, сар имено о Иегова тэ дэл атвето пэ амари молитва? (Диқэн кадяжэ и картинка.)

¹⁵ Ай трито вопросо можэт тэ авэл кацаво: «Возможно, манди трэбуй тэ мангавпэ пала варисо авэр?» Канешно, драго, кала амэ андэ пэстирэ молитвы ԥэнас пала кода, со имено амэ камас. Но дэкала фэдэр тэ на ԥэнас лэ Иеговасти, сар во трэбуй тэ атветит пэ амари молитва. Тоди амэнди авэла май вушэро тэ полас, со о Иегова камэл важ амэндэ. Акана подаса дума пала ԥэй, сави мангэласпэ пала Школа блаӷовесников Царства. Када латири мечта — тэ сытёл андэ кадэя школа и тэ служый котэ, кай трэбуй май бут вазвещятеля. Важ када вой можэт тэ на парашэл тэ мангэлпэ пала школа и андэ кадэва жэ маменто тэ мангэл лэ Иеговастар тэ сыкавэл лати, кай вой можэт тэ дэл зор ужэ акана (Дила 16:9, 10). Ай тоди, вой можэт тэ терэл кадя, сар мангляпэ. Например, тэ пушэл кай о раёно барэдэр ԥрал, андэ савэ собрании паша латэ, трэбуй май бут пианероря. Или вой можэт тэ пистрой андо филиало, кай тэ уӷанэн, кай трэбуй май бут вазвещятеляe.

16. Со амэ уӷанглям анда кадэя статья?

¹⁶ Сар амэ подям дума, о Иегова через пэстири любовь и справедливость атвечает пэ амарэ молитвы (Пс. 4:3; Ис. 30:18). Дэкала во пэр лэндэ атвечает най кадя, сар амэ аштярас. Но нинай кацаво, кай о Иегова тэ на шол сама пэ амари молитва. Во фартэ амэн любий и во амэн никала на ашавэла. Важ када вся и время надеинпэ пэр лэстэ и росԥэнэн лэсти пала вся, со тумэндэ по ди (Пс. 62:8).