И ТЭРНЭ МАНУША ПУШЭН
Трэбуй манди тэ болдював? Часть 1. Со када крещения?
Кажно бэрш бут бэяцэ и подросткоря, савэ барён андо ери кай лэ Иеговастирэ свидетеля, болдён. Ай ту загиндоспэ, кай тэ болдёс? Если да, тоди спэрва ту трэбуй тэ полэс, со када — тэ дэс алав лэ Иеговасти и тэ болдёс.
Со када крещения?
Андэ Библия ԥэнэнпэ, кай кала о мануш болдёл, лэс полностью умэкэн тала паи, ай най просто опшон паеса. Када баро гиндо.
Кала тут умэкэн тала паи, када сыкавэл, кай акана ту будэр на лэса тэ терэс кати кода, со тути чалёл.
Кала ту ваздэспэ анда паи, када сыкавэл, кай кадэла времятар ту лэс тэ жувэс ужэ па аврятэ, и само ӷлавно, кай лэса тэ терэс кода, со чалёл лэ Дэвлэсти.
Кала ту болдёс, кадя ту англа авэр мануша сыкавэс, кай лэ Иеговастэ исин право тэ ԥэнэн тути, со правильно, ай со най. Кадяжэ ту англа всаворэ сыкавэс, кай дян алав лэ Иеговасти: акана кода, со камэл о Иегова, май важно, чем кода, со камэс ту.
Погиндосар. Васо трэбуй англа всаворэ тэ сыкавэс, кай ту дян алав лэ Иеговасти тэ служыс лэсти? (Дик 1 Иоано 4:19 и Свынто тайна 4:11.)
Со када посвящения?
Англа кода сар тэ болдёс, тути трэбуй андэ молитва тэ дэс алав лэ Иеговасти тэ жувэс важ лэстэ. Сар када терэлпэ?
Андэ лично молитва ԥэн лэ Иеговасти, кай, со бы тэ на авэл, ту обещяеш тэ служыс вечно кати лэсти и андэ любо ситуацыя тэ терэс кадя, сар камэл во, дажэ если авэр мануша андярэн пэс па аврятэ.
Кала ту болдёс, ту сыкавэс, кай ужэ отдян пэстири жызня лэ Иеговасти. И крещения сыкавэл, кай ту доверил пэстири жызня лэ Иеговасти и кай акана вой прижал лэсти (Матфеё 16:24).
Погиндосар. Васо ашэл тэ жувэс важ о Иегова? (Дик Исайя 48:17, 18 и Евреёря 11:6.)
Васо трэбуй тэ болдёс?
О Иисусо ԥэндя, кай о мануш ашэл лэско ученико тоди, кала болдёл (Матфеё 28:19, 20). И андэ амари время о мануш ашэл христианино тоди, кала во болдёл. Андэ Библия ԥэнэнпэ, кай када трэбуй важ и спасения (1 Пётро 3:21).
Но ӷлавно, васо ту трэбуй тэ болдёс — важ кода, кай любис лэ Иеговас и блаӷодарно лэсти. Тутэ трэбуй тэ авэл по ди кода жэ, со ԥэндя о псалмопевцо: «Со тэ дав лэ Иеговасти пала вся лашо, со во важ мандэ стердя? ...Ақарава лэ Иеговаско алав. Алава, савэ мэ дэм лэ Иеговасти, мэ стерава» (Псалом 116:12—14).
Погиндосар. Саво лашымос стердя важ тутэ о Иегова и сар ту можэш тэ сыкавэс, кай блаӷодарно лэсти важ када? (Дик Второзаконие 10:12, 13 и Римо 12:1.)