Васо лэ Христости жэртва, када о выкупо «кай тэ витинэл бутэн»?
Со ԥэнэнпэ андэ Библия
Через лэ Иисусостири Христостири жэртва о Иегова улэла лэ манушэндар о ӷрехо и смэрть. Андэ Библия ԥэнэнпэ, кай лэ Иисусоско рат — када цэмин, сави витинэн (Эфесянам 1:7; 1 Петра 1:18, 19). Важ када о Иисусо ԥэндя, кай во авеля, кай «тэ отдэл пэстири жызня, кай тэ витинэл бутэн» (Матфеё 20:28).
Васо трэбуй сас «тэ витинэл бутэн»?
Пэрво мануш, о Адамо, сас создано совершэно, то есть би ӷрехоско. Во трэбуй сас тэ жувэл вечно, но во хасардя кацави возможность, кала на кангля лэ Дэвлэс (Бытие 3:17—19). Кала кай о Адамо арақаделэ бэяцэ, во пэрэдя лэнди о ӷрехо па наследство (Римлянам 5:12). Важ када андэ Библия ԥэнэнпэ, кай о Адамо битиндя пэс и пэстирэ бэятонэн андо рабство кай о ӷрехо и смэрть (Римлянам 7:14). Вонэ найсовершэни и нэ моӷли тэ витинэн кода, со хасардя о Адамо (Псалом 49:7, 8).
Лэ Дэвлэсти сас жалко лэ Адамостирэ потомконэн, вонэ нисо нэ моӷли тэ стерэн андэ кацави положэния (Иоанна 3:16). Но важ кода кай лэ Дэвлэстэ исин нормы справедливости, во нэ моӷ просто тэ коравэл и яқа пэ лэндирэ ӷрехоря или тэ простий лэн просто кадя (Псалом 89:14; Римлянам 3:23—26). О Дэл любий лэ манушэн, важ када во дя кода, со трэбуй па законо, кай най кати кай тэ простий лэ ӷрехонэндар, но и кай тэ освободий лэндар (Римлянам 5:6—8). И кода, со трэбуй па законо, — када о выкупо.
Со када выкупо?
Сар ԥэнэнпэ андэ Библия, андо выкупо ужал трин маменторя:
Када цэмин (Числа 3:46, 47).
Через лэстэ можно тэ витинэн, или тэ освободин (Исход 21:30).
Во соотвецтвует кодэлэсти, васо потинэн, или пэрэкрываетa лэстири цэмин.
Роздиқам, сар кадэла маменторя поджан каринг о выкупо, саво отдя о Иисус Христос.
Цэмин. Андэ Библия ԥэнэнпэ, кай важ и христианоря отдинэ бари цэмин (1 Коринфянам 6:20; 7:23). И кадэя цэмин — када лэ Иисусоско Христоско рат, савэса во тиндя «важ о Дэл лэ манушэн анда всаворэ племена, нацыи и народоря, савэ дэн дума пэ разни шыба» (Откровение 5:8, 9).
Освободий. Лэ Христостири жэртва через о выкупо освободий лэ ӷрехостар (1 Коринфянам 1:30; Колоссянам 1:14; Евреям 9:15).
Соотвецтвует. Лэ Христостири жэртва точно соотвецтвует кодэлэсти, со хасардя о Адамо, — када ек совершэно манушыкани жызня (1 Коринфянам 15:21, 22, 45, 46). Андэ Библия ԥэнэнпэ: «И сар ек мануш [о Адамо] на кангля лэ Дэвлэс, и кадя бут мануша ашэлэ ӷрешни, кадя жэ через ек мануш [о Иисусо], саво кангля лэ Дэвлэс, бут мануша ашэна праведни» (Римлянам 5:19). Када дэл тэ полас, сар и смэрть еқэ манушэстири можэт тэ авэл выкупо важ бут мануша. Лэ Христостири жэртва — када «кацави жэ жызня важ о выкупо пала всаворэ», ко камэл кадэва лашимос (1 Тимофею 2:5, 6).
a И алава андэ Библия, савэ пэрэандярдэ сар «выкупо», пэрэдэн гиндо пала цэмин, пала варисо кучутно, со отдэн, кай тэ витинэн. Кадэва еврейско алав кафа́р, в основном пэрэандярэн сар «покрывать» (Бытие 6:14). Обычно во сыкавэл «тэ ушаравэн» или «тэ витинэн» и ӷрехоря (Псалом 65:3). Похожо алав ко́фер сыкавэл кода, со отдэлпэ, кай домардён кадэя цэль, то есть выкупно цэмин (Исход 21:30). Кадяжэ о ӷреческо алав ли́трон обычно пэрэандярэн сар «выкупо», и кадэва алав тожэ можэт тэ пэрэдэл гиндо «тэ витинэн» (Матфеё 20:28, Синодально переводо). Андэ труды кай ӷречески писателя кадэва алав используеца, кала и дума жал, кай потинэн выкупо пала военноплено или кай тэ освободин рабос.