Со када Патради?

Библейско ответо

Патради — када иудейско празнико, саво сас стодо, кай и израильтяноря тэ сэрэн, кай о Дэл виандярдя лэн анда египетско рабство андо 1513 бэрш жы каринг а. э. О Дэл приԥэндя лэ Израильтянонэнди тэ справин кадэва важно празнико андо 14 дес па еврейско шон авива, потом пэр лэстэ линэ тэ ԥэнэн нисано (Исход 12:42; Левит 23:5).

Со сыкавэл о алав «патради»

О алав «патради» жыля лэ еврейсконэ алавэстар пе́сах, саво сыкавэл «прожал мимо». Во сыкавэл, кай лэ израильтянонэндар улинэ и бида, сави сас андо Египто, кай помулинэ всаворэ пэрви бэяцэ (Исход 12:27; 13:15). Англа кода, сар тэ дэл кадэя бида, о Дэл ԥэндя лэ евреёнэнди тэ мақэн пэ двэри и пэ косякоря лэ бакрорэско или лэ бузнорэско рат (Исход 12:21, 22). О Дэл ԥэндя, кай, кала во диқэла кадэва знако, во «прожала мимо» лэнго цэр и спасыя лэ пэрвонэ лэндирэ бэятонэн (Исход 12:7, 13).

Сар справинас и Патради андэ библейско время?

О Дэл приԥэндя лэ израильтянонэнди, сар тэ справин и пэрво Патрадиa. Акэ дэсавэ лэ празникостирэ маменторя, пала савэ пистромэ андэ Библия.

• Патрадятири жэртва. По десято дес андо шон авива (нисано) кажно ери трэбуй сас тэ витидэл бэршорэстирэ бакрорэс (или бузнорэс) и по четырнадцато дес тэ зашынэн лэс. Кала жалас и пэрво Патради, и израильтяноря трэбуй сас тэ мақэн и двэри и косякоря, тэ запрыжын цылона ла патрадятири жэртва и тэ похан ла (Исход 12:3—9).

• Патрадяко хамос. Кала справинас и Патради вмести лэ бакрорэстирэ (или лэ бузнорэстирэ) масэса израильтяноря ханас о пресно марно и кирки чар (Исход 12:8).

• Сар прожалас и Патради. Посли Патради и израильтяноря цыло курко справинас о лэ Преснонэ марнэско празнико, пэ саво вонэ ханас о пресно и бидрожэнго марно (Исход 12:17—20; 2 Летопись 30:21).

• Сости сытёнас. Кала жалас и Патради, и родителя росԥэнэнас пэстирэ бэятонэнди пала Дэл Иегова (Исход 12:25—27).

• Дром. Потом, кай тэ справин и Патради, и израильтяноря ԥирэнас андо Иерусалимо (Второзаконие 16:5—7; Лука 2:41).

• Авэр традицыи. Андэ лэ Исусостири время, кала жалас и Патради, подэнас о вино и хвалинас лэ Дэвлэс андэ диля (Матфеё 26:19, 30; Лука 22:15—18).

Неправильно полэн пала Патради

Найчачимос. И христианоря трэбуй тэ справин и Патради.

Чачимос. Посли кода сар о Исусо справисардя и Патради 14 нисана андо 33 бэрш а. э., во стодя нэво празнико: лэ Барэ Хуласко вэчэро (Лука 22:19, 20; 1 Каринфо 11:20). И Патради парудэ пэ кадэва празнико, важ кода кай во дэл тэ сэрэн, кай о «Христос, амари патради» сас отдино андэ жэртва важ амэндэ (1 Каринфо 5:7). Лэ Христостири жэртва, сави витиндя амэн, пэ бутэстэ май куч, чем кодэла жэртвы, савэ анэнас пэ Патради андэ кодэя время, важ кода кай кадэя жэртва дэл всаворэ́ манушэнди свобода и витинэн анда бэзэх и смэрть (Матфеё 20:28; Евреёря 9:15).