Васо по Иисус Христос ԥэнэн лэ Дэвлэско Шаво?
Со ԥэнэнпэ андэ Библия?
Андэ Библия часто ԥэнэнпэ, кай о Иисусо, када «лэ Дэвлэско Шаво» (Иоанна 1:49). Кадэла алава сыкавэн, кай о Дэл создал вся, со жундо, ай кадяжэ лэ Иисусос (Псалом 36:9; Откровение 4:11). И Библия на сытярэл, кай о Дэл, када дад, савэстэ арақаделя шаво, кадяжэ, сар лэ манушэндэ.
Андэ Библия кадяжэ ԥэнэнпэ, кай и анӷелоря, када «лэ чачунэ Дэвлэстирэ шавэ» (Иов 1:6). И о пэрво мануш Адамо, сар пистромэ андэ Библия, сас «лэ Дэвлэско шаво» (Луки 3:38). Но андэ Библия пистромэ, кай о Иисусо особенно, важ кода кай во сас пэрво анда вся тварения и лэс о Дэл создал екжэно.
Жувэлас о Иисусо по нэбо жы каринг кода, сар тэ арақадёлпэ пэ ԥув?
Да. Жы каринг кода, сар тэ арақадёлпэ пэ ԥув, сар мануш, о Иисусо сас анӷело по нэбо. Во екжэно ԥэндя: «Мэ змэклэмпэ па нэбо» (Иоанна 6:38; 8:23).
О Дэл создал лэ Иисусос жы каринг кода, сар тэ создаст варисо авэр. Пала Иисусо андэ Библия пистромэ.
«Пэрво анда вся тварения» (Колоссянам 1:15),
«Пэрво, кас создал о Дэл» (Откровение 3:14).
Сар ԥэнэнпэ андэ ек библейско пророчество, о Иисусо када кодэва, «ко сас инке анда фартэ дэлмутни время» (Михей 5:2; Матфея 2:4—6).
Со терэлас о Иисусо англа кода, сар тэ авэл пэ ԥув?
Во залэлас баро ҭан по нэбо. Кала о Иисусо мангэласпэ лэ Дэвлэсти, во ԥэндя пала кода, саво во залэлас ҭан по нэбо: «Дадэ, стер, кай мэ тэ ашав ашунгло паша тутэ кадя, сар мэ сымас ашунгло, кала инке на сас о миро» (Иоанна 17:5).
Во поможыяс пэстирэ Дадэсти тэ создаёт вся авэр, со по нэбо и пэ ԥув. О Иисусо терэлас дила вмести лэ Дэвлэса и сас «англа лэстэ лашо мастеро» (Притчи 8:30). Андэ Библия ԥэнэнпэ пала Иисусо: «Через лэстэ сас создано вся авэр, со по нэбо и пэ ԥув» (Колоссянам 1:16).
Через о Иисусо о Дэл создавал вся, кадяжэ и аврэ анӷелонэн и вся, со исин пэ ԥув (Откровение 5:11). О Дэл терэлас дила лэ Иисусоса, кадяжэ, сар о мануш, саво придумывает и здании и терэл дила лэ манушэса, саво лэла тэ строий.
Во сас «Алав». Кала андэ Библия ԥэнэнпэ пала лэ Иисусостири жызня жы каринг кода, сар во тэ авэл пэ ԥув, пэр лэстэ ԥэнэн «Алав» (Иоанна 1:1). Файма, када сыкавэл, кай через лэстэ о Дэл пэрэдэлас аврэ анӷелонэнди пэстирэ алава и кода, со трэбуй тэ терэн.
Кадяжэ о Иисусо сас кодэва, через кастэ о Дэл дэлас дума лэ манушэнца. Файма, именно через лэстэ о Дэл дэлас дума лэ Адамоса и ла Еваса, кала андо Эдэмско садо ԥэнэнас лэнди, со трэбуй тэ терэн (Бытие 2:16, 17). И, можэт о Иисусо сас кодэлэ анӷелоса, саво андярэлас лэ израильтянонэн па пустыня, и савэс вонэ трэбуй сас андэ вся тэ кандэн (Исход 23:20—23)a.
a О Дэл дэлас дума и через авэр анӷелоря, най кати через о «Алав». Например, во пэрэдя о Законо най через пэско Пэрво Шаво, ай через авэр анӷелоря (Деяния 7:53; Галатам 3:19; Евреям 2:2, 3).