Со ту можэш тэ терэс, кай тэ на шылиспэ кадя, сар о царё Иоасо? Витидэ друӷонэн, савэ авэна важ тутэ лашо примеро. Кацавэ мануша любин лэ Иеговас и терэн кода, состар лошавэл лэско ди. И друӷоря необязательно трэбуй тэ авэн андэ тирэ бэрша. Сэр, кай о Иоасо сас пэ бутэстэ май тэрно, чем лэско друӷо о Иодаё. Кай тэ полэс, савэ тутэ друӷоря, пуш пэстар: «Поможый манди кадэя дружба май фартэ тэ патяв андо Иегова? Старыинпэ мэрнэ друӷоря тэ кандэн лэ Иеговас и поможын вонэ манди тэ терав кадя жэ? Чалёл лэнди тэ дэн дума пала Иегова и пала чачимос? Дицол, кай вонэ стон патив пэ лэ Дэвлэско законо? Ԥэнэн вонэ манди кати кода, со мэ камав тэ ашунав? Ай если ман лэла тэ одындярэл андэ риг лэ Иеговастар, хутилэла лэндэ смилость тэ ԥэнэн манди пала када?» (Прит. 27:5, 6, 17). Ԥэнаса ворта: если тирэ друӷоря на любин лэ Иеговас, вонэ тути на трэбуй. Но если тирэ друӷоря любин лэ Иеговас, ритярдювпэ пала лэндэ. Лэнца ту састэс тердёса пэ лэ Иеговаско дром! (Прит. 13:20). w23.09 9, абз. 6, 7

Альфа — када пэрво буква андо ӷреческо алфавито, ай Амега — послиднё. Кала о Иегова ԥэнэн «Альфа и Амега», во сыкавэл, кай вся и время достерэл любо пэстири дила. Кала о Иегова создал лэ Адамос и ла Ева, во ԥэндя лэнди: «Авэн тумэ ерялэ, мэк авэн тумэндэ бут бэяцэ па вся и ԥув, залэнпэ ла ԥувьяса» (Быт. 1:28). Андэ кодэва маменто о Иегова кабута ԥэндя «Альфа». Во драго сыкадя, со камэл тэ стерэл, — кай лэ Адамостирэ и ла Еватирэ кандинэ бэяцэ тэ жувэн па вся и ԥув и тэ стерэн, кай пэр латэ тэ авэл раё. Кала када исполнияпэ, о Иегова кабута ԥэнэна «Амега». О Иегова сыкадя, кай кадя и авэла, сразу посли кода, сар создал о небо и ԥув. О Дэл драго сыкадя, кай кала закончица о седьмо дес, во чаче стерэла вся, со загиндосардя (Быт. 2:1—3). w23.11 5, абз. 13, 14

О дром анда Вавилоно андо Израилё сас найвушэро, и евреёря моӷли тэ жан пар лэстэ варикай штар шон. Но о Иегова дя алав тэ улэл всаворэ трудности па кадэва дром. И евреёря, савэ кандэнас лэ Дэвлэс, полэнас, саво лэндэ авэла лашымос, кала вонэ ринапэ андо Израилё, и важ када вонэ сас ӷотови тэ жан пэ люби жэртвы. Важ лэндэ сас само бари блаӷословения — када тэ тэлён лэ Иеговасти. Андо Вавилоно на сас храмо важ о Иегова. Кай и израильтяноря на сас жэртвенико, кай вонэ моӷли бы тэ анэн жэртвы лэ Иеговасти, савэ сас трэбуй тэ анэн па лэ Моисеёско законо. На сас лэндэ и рашая, савэ слидинас пала порядко. И инке, лэ Иеговаско народо жувэлас машкар и мануша, савэ тэлёнас лэ хохавнэ дэвлэнди — када и мурша и жувля, савэ ӷрама на стонас патив по Иегова и пэ лэстирэ законоря. Важ када тысячи евреёря, савэ даранас лэ Дэвлэстар, нащи доаштярдёнас, кала ринапэ пэ пэстирэ краёря. Вонэ камэнас упалэ тэ тэлён лэ Иеговасти кадя, сар лэсти уӷодно. w23.05 14, 15, абз. 3, 4