Кай тэ авас «лэ светостирэ бэятонэнца», амэнди трэбуй о свынто зор. Васо? Важ кода кай би лэско амэ нэ сможэм тэ ашаспэ вужэ андэ кадэя фартэ найлащи люма (1 Фес. 4:3—5, 7, 8). О свынто зор фэрий, кай амэ тэ на гиндосарас кадя, сар и мануша андэ кадэя люма. Лэндирэ гиндоря жан против кода, сости сытярэл о Дэл. Ай инке о свынто зор поможый тэ терас лашымос и тэ ритярас лэ Дэвлэско законо (Еф. 5:9). Сар тэ получисарас о свынто зор? Амэ можэм тэ мангаспэ пала лэстэ. О Исусо ԥэндя, кай о Иегова «дэла свынто зор кодэлэнди, ко мангэл лэстар» (Лука 11:13). Кадяжэ амэ можэм тэ получисарас о свынто зор, кала вмести хвалисарас лэ Иеговас пэ амарэ христиански собрании (Еф. 5:19, 20). Блаӷодаря кодэлэсти, кай пар мэндэ влияет о свынто зор, амэ можэм тэ жувас кадя, кай тэ радосарас лэ Дэвлэс. w24.03 23, 24, абз. 13—15

Ай ту камлоп тэ ашэс май терпеливо? Если да, тоди мангпэ пала терпения. И терпения ужал андэ лэ свынтонэ духоско плодо (Гал. 5:22, 23). Када сыкавэл, кай кати пэстирэ зорэса амэндэ на вижала тэ авас терпеливи. Если андэ варисави ситуацыя амэнди найвушэро тэ авас терпеливи, амэ мангас, кай о Дад тэ дэл амэнди о свынто духо (Лука 11:13). Кадяжэ амэ можэм тэ мангас лэ Иеговас тэ диқас пэ вся лэстирэ яқэнца. Ай потом посли молитва амэ трэбуй кажно дес тэ стас зор, кай тэ авас терпеливи. Со май бут амэ мангаспэ пала терпения и старысавас тэ авас терпеливи, со май драго амэндэ када вижала. Тоди кадэва качество авэла андэ амари жызня, дажэ если раньшэ лэс на сас. Кадяжэ, авэла драго, если амэ погиндосараса пала библейски примероря. Андэ Библия росԥэнэнпэ пала бут мануша, савэ сас терпеливи. Кала амэ гиндосарас пала лэндири жызня, када бут сости амэн сытярэл. w23.08 22, 23, абз. 10, 11

О Исусо поможысардя лэ апосталости лэ Петрости тэ полэл, кай о Иегова лэс на ашавэла. Посли кода, сар во рисайля каринг и жызня, во стердя кадя, кай о Пётро и авэр апосталоря тэ астарэн бут мащё (Иоан. 21:4—6). Када поможысардя лэ Петрости тэ полэл, кай важ о Иегова най ԥарэс тэ позаботийпэ пала кода, со трэбуй важ и жызня лэстирэ служытелёнэнди. Возможно, о апостало вспомнил лэ Исусостирэ алава, кай о Иегова дэла вся, со трэбуй, кодэлэнди, ко стол о Царство по пэрво ҭан андэ пэстири жызня (Матф. 6:33). Важ када о Пётро отдя пэстири жызня андэ служэния, ай най кай тэ астарэл о мащё. Во смило ԥэндя и речь андо дес, кала сас и Пятидесятница 33 бэрш н. э. Блаӷодаря кадэлэсти тысячи мануша прилинэ и лащи новость (Дила 2:14, 37—41). Тоди во поможысардя лэ самаритянонэнди и кодэлэнди, ко найевреё тэ ашэн лэ Христостирэ ученикоря (Дила 8:14—17; 10:44—48). Сар дицол, о Пётро сас лашо инструменто андэ лэ Иеговастирэ вас. Блаӷодаря лэсти разни мануша смоӷли тэ ашэн христианоря. w23.09 20, абз. 1; 23, абз. 11