Субота, 13 сентябрё
Ту куч важ о Дэл (Дан. 9:23).
Кала о Даниило сас тэрноро, лэс залинэ анда лэско форо и ундярдэ андо плено андо Вавилоно. Котэ пэр лэстэ сразу шутэ сама. Всаворэ диқэнас, кай лэ Даниилостэ на сас нисаво недостатко, во сас драго пар пэстэ и сас анда лашо ери. Важ када и вавилоняноря линэ тэ сытярэн лэс, кай во тэ ашэл баро мануш андо дварецо кай о царё (Дан. 1:3, 4, 6; 1 Сам. 16:7). О Иегова любияс лэ Даниилос важ кода, кай кадэва тэрно мануш старыияспэ анда вся оди тэ радуий лэс. Кати погиндон: лэ Даниилости сас кати 20 варисоса бэрш, ай о Иегова ужэ сыстояс лэс кацавэ ашунглэ служытелёнэнца, сар о Ноё и о Иово, савэ бут бэрша предано служынас лэ Дэвлэсти (Быт. 5:32; 6:9, 10; Иов 42:16, 17; Иез. 14:14). О Иегова на парашэлас тэ любий лэ Даниилос вся лэстири долӷо и интересно жызня (Дан. 10:11, 19). w23.08 2, абз. 1, 2
Курко, 14 сентябрё
Полэн, со када буӷлимос, лунгимос, вучимос и ӷлыбина (Еф. 3:18).
Если тумэ тидэнпэ тэ тинэн цэр, наверно, тумэ ладэна каринг лэстэ, кай вся драго тэ розуӷанэн пала лэстэ. Варисо кацаво жэ амэ можэм тэ терас, кала изучаем и адиносарас и Библия. Если тумэ просто ӥто проадинона ла, тоди уӷанэна кати о ӷлавно чачимос анда лэ Дэвлэско Алав (Евр. 5:12). Но, сар и кала тинэн цэр, трэбуй тэ зажан «андрэ», кай вся драго тэ розуӷанэн. Райкано способо важ и изучения Библии — када тэ старыинпэ тэ диқэн, сар разни латирэ части сжанпэ ек еқэса. Старыинпэ тэ полэн най кати кода, андэ саво чачимос тумэ патян, но и кода, васо тумэ кадэлэсти патян. Кай драго тэ полас и Библия, амэ трэбуй ӷлыбоко ла тэ изучаем. О апостало Павло ԥэнэнас пэстирэ ԥралэнди и ԥэянди тэ стон бут зор, кай тэ изучают лэ Дэвлэско Алав — кадя, кай андо чачимос «андэ вся тэ полэн, со када буӷлимос, лунгимос, вучимос и ӷлыбина». Тоди лэндири вера авелоп састи и нисо лэн на змардоп (Еф. 3:14—19). Амэ трэбуй тэ терас кадя жэ. w23.10 18, абз. 1—3
Понедельнико, 15 сентябрё
Ԥрала, погиндон пала лэ Дэвлэстирэ особи мануша, савэ дэнас дума лэ Иеговастирэ алавэстар, и лэн лэндар примеро, сар тэ пэрэандярэн и ԥари время и тэ тэрпин (Иак. 5:10).
Андэ Библия ԥэнэнпэ бут мануша, савэ сыкавэнас и терпения. Можно тэ стас цэль май драго тэ уӷанас пала лэндири жызня. Например, пала Давидо. О Иегова витидя, кай во тэ авэл царё андо Израилё, кала во сас инке подростко. Но лэсти прижыляпэ тэ аштярэл бут бэрша, кай тэ лэл тэ правий. О Симеоно и Анна бут бэрша аштярэнас, кала авэла о Христос, и на парашэнас предано тэ служын лэ Иеговасти (Лука 2:25, 36—38). Кала тумэ май драго уӷанэн пала лэ Дэвлэстирэ предани служытеля, пушэн пэстар: «Со поможыяс, кай кадэва мануш тэ авэл терпеливо? Саво лашымос када лэсти андя? Со поможыя манди тэ терав кадя жэ?» Кадяжэ тумэ можэте бутэсти тэ сытён кай кодэла, ко на сас терпеливо (1 Сам. 13:8—14). Пушэн пэстар: «Со на дя, кай во тэ сыкавэл и терпения? Каринг со када андя?» w23.08 25, абз. 15