Анда всаворэ свынти книӷи и Библия тердёл по пэрво ҭан. Важ вся и время ни ек книӷа на парудя кадя лэ манушэс, сар и Библия. И Библия со май часто роздиқэн и со май часто каринг латэ долэнпэ.

Дэсавэ учони на допатян андэ Библия, сави исин адес. Ек прафесаро ԥэндя: «Нисо нинай, со доԥэнэн, кай кода, со амэ пэрэпистросардям анда оригинало, када точно тексто. Амэндэ андэ вас кати копии, андэ савэ ԥэрдо ошыбки. Дэсавэ андар лэндэ появисайлэ, кала прожылэ бут викоря, сар сас пистромэ и пэрви рукописи. Када фартэ розжалпэ кодэлэса, со пистромэ андо оригинало».

Дэсавэ мануша ԥэнэн, кай и Библия найчачуни, важ кода кай вонэ барелэ андэ авэр религии. О Файзало, саво на сас христианино, жы бэятостар патялас, кай и Библия, када свынто книӷа, но андэр латэ бут со парудэ. Во ԥэнэн, кай на допатял лэ манушэнди, савэ камэн лэса тэ подэн дума пала Библия, важ кода кай лэндэ нинай чачуни Библия.

Трэбуй амэ тэ ӷанас, чачуни амэндэ Библия или ла парудэ? Погиндон. Лэна тумэ тэ патян лэ алавэнди, савэ запистромэ андэ Библия пала лашимос, если на ӷанэн точно, сас кадэла алава андэ чачуни Библия или най? (Римлянам 15:4). И мануша прилэн андэ жызня важни ришэния пала бути, андо ери, или пала кода, сар тэ тэлён тэ Дэвлэсти. Линоп вонэ тэ шон сама пэ библейски принцыпоря, если тэ ӷанэн, кай и Библия, сави исин адес, када книӷа, сави пэрэпистросардэ и мануша и андэр латэ фартэ бут ошыбки?

Хоть о чачуно библейско тексто амэндэ нинай, амэндэ исин фартэ бут библейски рукописи, савэ пэрэпистросардэ. Вонэ дожылэ жы каринг амэндэ, хоть и прожыля фартэ бут время. И мануша камэнас дэсо тэ запарувэн андэ библейски рукописи, ай кадяжэ бут со терэнас, кай вонэ тэ на авэн. Но кадэла рукописи всаек дожылэ жы каринг амари время. Сар када можэт тэ поможый амэнди тэ патяс ла Библияти, сави исин адес? Пала када амэ уӷанаса анда авэр статья.

И БИБЛИЯ МОӶЛА ТЭ РИМОЙПЭ. Андэ дэлмутни время и Библия пэрэпистронас по папирусо и по перӷаменто (2 Тимофею 4:13)a. Со анда када моӷло бы тэ вижал?

О папирусо ӥто римойпэ, шындёлпэ, и ӥто ашэл тэмно. И учони-египтологоря Ричард Паркинсон и Стивен Куирки ԥэнэн, кай о папирусо, сар прожал долӷо время, во можэт тэ роспэрэлпэ и андар лэстэ ашэлпэ ек о пыло. Пэр лэстэ лэлпэ плесень и во лэл тэ тернёл сыростятар. И шуюмакоря, и крысы, и парнэ тиря лэн моӷли тэ схан. Дэсавэ папирусоря, савэ виарақлэ, линэ тэ гаравэн андо сыро ҭан, по свето. Через када вонэ май быстро линэ тэ римонпэ.

О перӷаменто сас май лашо, чем о папирусо, но во всаек римояспэ. Инке во римояспэ через кода, кай пала лэстэ на диқэнас, кай сас разно температура, сырость или марэлас о светоb. Кадяжэ лэс моӷли тэ поӷрызын и насекоми. Андэ ек книӷа ԥэнэнпэ пала дэлмутнэ рукописи: «Када ридко, кала вонэ ашэнпэ цыли» (Everyday Writing in the Graeco-Roman East). Если бы и библейски рукописи тэ тернён, тоди кода, со запистромэ адес андэ Библия, амэндэ на авелоп.

САР И БИБЛИЯ ДОЖЫЛЯ ЖЫ КАРИНГ АМАРИ ВРЕМЯ? Па иудейско законо кажно царё трэбуй сас «тэ стерэл пэсти копия па законо», када пэрви панч книӷи (Второзаконие 17:18). И переписчикоря, савэ драго терэнас пэстири дила, стердэ кадя бут копии па Свынто Писания, кай андо пэрво вико лэ Иисусостар, лэн можно сас тэ арақэс андэ любо синагога. Тэ арақэн най кати андо Израилё, но и дажэ андэ со май дурутнэ ҭана, андэ Македония! (Луки 4:16, 17; Деяния 17:11). Сар дэсавэ анда дэлмутнэ рукописи дожылэ жы каринг амарэ деса?

Ек спецыалисто па Нэво Завето, о Филиппо Камфорто ԥэнэн: «И иудеёря, кай тэ фэрин и свиткоря анда Свынто Писания, гаравэнас лэн андэ кувшыноря или андэ авэр сосуды». И христианоря кадяжэ терэнас. Важ када дэсавэ библейски рукописи арақлэ андэ глиняни сосудоря андэ кладовки, андэ пещеры, ай кадяжэ андэ месности, кай май шуко.

СО АНДА КАДА ВИЖЫЛЯ? Бут библейски рукописи, савэнди ужэ май бут, чем 2 000 бэрш, ашэлэпэ и андэ амарэ деса. Ни па ек дэлмутно тексто нинай кадя дэ бут копии, сар па библейски рукописи.

БУТ, КО МИШЫИЯС. И власти, и барэ мануша анда разни веры бут со терэнас, кай и мануша тэ на уӷанэн о чачимос анда Библия. Вонэ на камэнас, кай вой тэ авэл кай и мануша, кай вонэ ла тэ пэрэпистрон и тэ пэрэандярэн.

• Варикай андо 167 бэрш жы кай о Иисусо, о Антиохо Эпифано, царё анда династия Селевкидов ԥэндя, кай тэ сԥабарэн всаворэ копии па Еврейски Писании и пристолас вся о зор, кай и иудеёря тэ патян андэ кода жэ, андэр со патянас и ӷрекоря. О историко Генрихо Грецо пистросардя, со терэнас лэстирэ мануша: «Если вонэ виарақэнас хоть ек свитко анда Тора, вонэ росшынэнас ла и сԥабарэнас, ай кадяжэ умарэнас кодэлэн, ко адинояс кадэя Свынто Писания.

• Варикай 800 бэрш палпалэ. Дэсавэ рашан анда католическо вера фартэ лэлас и холи кода, кай авэр мануша росԥэнэнас о чачимос анда Библия, ай най кода, сости вонэ сытярэнас. Пэ мануша, кастэ сас любо книӷа анда Библия, кроме Псалмы пэ латыня, вонэ ԥэнэнас еретикоря. Инке кадэла қандиря динэ указо, кай «тэ родэн и тэ виарақэн манушэн, савэ жан против лэндирэ учении... Кадяжэ драго тэ роздиқэн всаворэ цэра и подвалоря... Цэр, андэ саво виарақэна хоть еқэ кацавэ манушэс, трэбуй тэ розмарэн».

Если бы лэ манушэндэ вижылоп тэ стерэн, кай и Библия тэ на авэл, тоди адес амэ никала на уӷанглоп о чачимос анда Библия.

САР И БИБЛИЯ АШЭЛЯПЭ ЦЫЛО? О Антиохо Эпифано ӷонияс лэ иудеёнэн, савэ жувэнас андо Израилё. Но бут евреёря жувэнас най кати андо Израилё. И учони ԥэнэн, кай андо пэрво вико лэ Иисусостар, епаш евреёря жувэнас пала Израилё. Андэ пэстирэ синагоги лэндэ сас копии па Свынто Писания, кодэла жэ Писании, савэ адинонас авэр поколении и кадяжэ христианоря (Деяния 15:21).

Варикай 800 бэрш палпалэ и мануша, савэ любинас лэ Дэвлэско Алав, и Библия, хоть лэн и ӷонинас, вонэ на парашэнас тэ пэрэандярэн и Библия и тэ роздэн ла аврэнди. Каринг о 15 вико, сар инке на сас и печатни станкоря, дэсавэ части анда Библия ужэ пэрэандярдэ пэ 33 шыба. Посли кода и Библия линэ май ӥто тэ пэрэандярэн и тэ печатают.

СО АНДА КАДА ВИЖЫЛЯ? И Библия када книӷа, сави со май бут пэрэандярэн и росԥэнэн пала латэ, хоть и сас мануша, савэ на камэнас када. Через латэ бут мануша анда разни народы, культуры и страны парудэ пэстири жызня, и андэ дэсавэ страны, дэсавэ законоря стердэ па Библия.

КАМЭНАС ВАРИСО ТЭ ПАРУВЭН. Прожыля бут время и бут со терэнас, кай и Библия тэ на авэл. Но вой всаек ашэляпэ. Инке кодэла мануша, савэ пэрэпистронас и пэрэандярэнас и Библия, камэнас тэ запарувэн варисо андо библейско тексто. Най еқвар вонэ терэнас кадя, кай андэ Библия тэ допистрон варисо, кай тэ сжалпэ кодэлэса, андэр со вонэ патян. Акэ дэсавэ примероря.

• Место важ о храмо. Андэ штарто жы кай дуйто викоря жы кай о Иисусо кодэла, ко пистронас Самаритянско Пятикнижыяa андо Исход 20:17 достодэ алава «по Гаризимо. И котэ ту трэбуй тэ построис о жэртвеннико». Кадя и самаритяноря камэнас через и Свынто Писания тэ доԥэнэн, кай о храмо, саво строисардэ по Гаризимо, када вонэ линэ анда Библия.

• Пала Троица. Через 300 лет посли кода, сар допистросардэ и Библия, о мануш, саво сытярэлас и приритярдёласпэ пала Троица анда 1 Иоанна 5:7 достодя и алава: «на небе: Отец, Слово и Святой дух; сии три суть едино». Кадэла алава нинай андо чачуно тексто. О Брюц Мецгер ԥэнэн, кай кадэла алава анда 6 вико часто линэ тэ попэрдёнпэ андэ рукописи андэ старолатинско Библия или латинско Вульгата.

• Лэ Дэвлэско алав. Через и иудейско суеверия бут ла Библиятирэ переводчикоря линэ тэ вилэн лэ Дэвлэско алав анда Писании. Вонэ лэс парудэ пэ титулоря, кацавэ, сар Дэл или Ӷосподь. Кадэла титулоря и мануша пистронас по Дэл, пэ мануша и пэ вся, сости тэлёнас и дажэ по Бэнг (Иоанна 10:34, 35; 1 Коринфянам 8:5, 6; 2 Коринфянам 4:4)b.

САР АШЭЛЯПЭ И БИБЛИЯ? Сас нечесни мануша, савэ пэрэпистронас и Библия, но сас и кодэла, ко старыияспэ тэ терэл пэстири дила драго. Акэ, например, и масореторя. Вонэ пэрэпистронас о тексто Еврейски Писании андо 6—10 викоря лэ Иисусостар и адес лэс всаворэ драго ӷанэн, сар масорецко тексто. Кай тэ на авэн андэр лэстэ ошыбки, и масореторя адинонас кажно буква и кажно алав. Если андо тексто, саво вонэ пэрэпистронас, додиқэнас хоть ек ошыбка, вонэ стонас пометка ригатар. И масореторя нисо на запарувэнас андо тексто. Ек учоно па семицко лингвистика и библейско филология, лэс ақарэнас Моше Гошен-Готтштайн, пистросардя, кай спецыально варисо тэ запарувэс андо тексто, када сас важ лэндэ, сар бари бида.

Инке каринг амэндэ дожылэ фартэ бут рукописи, па савэ можно тэ полас, кай исин ошыбки. Например, и рашая виконэнца сытярэнас, кай латински переводоря, савэ лэндэ исин, када чачуно тексто анда Библия. Но вонэ корко пэстар достодэ и алава андэ 1 Иоанна 5:7 (пала Троица). Кадэя ошыбка дажэ сас андэ само извесно Библия пэ английско шыб, када и Библия Короля Якова. Со инке додиқлэ, сар виарақлэ авэр рукописи? Акэ, со ԥэндя о Брюс Мецгер: «И алава, савэ достодэ андэ 1 Иоанна 5:7, нинай ни андэ ек пурано переводо (сирийско, копцко, армянско, эфиопско, арабско, славянско), кроме латинско». Посли када анда Библия Короля Якова и анда авэр переводоря кадэла алава вилинэ. Андэ адесутнэ переводоря пэ русско шыб, лэс тожэ будэр нинай.

Андо 1947 бэрш, сар виарақлэ и свиткоря паша Мёртво моря, и учони сыстосардэ масорецко тексто пэ еврейско шыб кодэлэса, со запистромэ андэ библейски свиткоря, савэ пистросардэ 1000 лет палпалэ. О мануш анда редакцыонно ӷруппа, савэ диқэнас и свиткоря, савэ арақлэ паша Мёртво моря ԥэндя, кай ек свитко драго сыкавэл, кай андэ библейски тексторя, савэ пэрэпистронас и евреёря 1000 лет палпалэ ни ек гиндо на парудэ.

Андэ библиатека Честера Битти андо Дублино (Ирландия) стидэ бут папирусоря, андэ савэ запистромэ почти всаворэ Христиански Ӷречески Писании, када Нэво Завето. Андэ кадэя библиатека исин рукописи, савэ появисайлэ почти через 100 лет, посли кода, сар пистросардэ и Библия. Андэ ек справочнико ԥэнэнпэ: «Хоть андэ кодэла папирусоря исин бут со нэво пала кадэва тексто, вонэ кадяжэ доԥэнэн, сар дэ точно пэрэдэласпэ о библейско тексто» (The Anchor Bible Dictionary).

СО АНДА КАДА ВИЖЫЛЯ? Кода, кай и Библия най еқварэс пэрэпистронас, када фартэ драго. Через када амэндэ исин инке, васо амэ лати можэм тэ патяс. Пала Христиански Ӷречески Писании о британско учоно Фредерик Кеньон ԥэнэн: «Ни кай ек пурани книӷа (сар и Библия) нинай кадя дэ бут дэлмутнэ рукописи, и ни ек учоно на лэла тэ ԥэнэн, кай кода, со амэндэ исин па дес най точно». Ай пала Еврейски Писания о учоно Уильям Хенри Грин ԥэнэн, кай ни ек пурани книӷа най пэрэпистромэ кадя дэ точно.

Адес кажнонэ манушэстэ можэт тэ авэл Библия и кажно можэт ла тэ адиной. Сар лэса тэ витидэс, сави Библия тэ адинос, ту можэш тэ патяс, кай вой сжалпэ лэ алавэнца, савэ сас пистромэ андэ пэрво Библияa. И Библия дожыля жы каринг амарэ деса, дажэ через кода, кай прожыля бут время, бут ко терэлас, кай вой тэ на авэл, и кай дэсавэ мануша камэнас варисо андар латэ тэ запарувэн. Через со и Библия ашэляпэ цыло? Соса особенно кадэя книӷа?

Бут мануша, савэ адинон и Библия, кадяжэ патян, сар и о Павло, кай «Вся и Писания лэ Дэвлэстар» (2 Тимофею 3:16). Вонэ патян, кай и Библия ашэляпэ цыло, важ кода кай када лэ Дэвлэско Алав и во позаботисайля пала кода, кай вой тэ дожал жы каринг амари время. О Файзало, пала саво амэ дям дума май англал, ля екжэно тэ розуӷанэн пала Библия. Во фартэ удивисайля кодэлэстар, со во уӷангля. Во додиқля, кай андэ Библия нинай кода, сости адес сытярэн андэ разни веры. Ай инке лэс ля лэ одестар и алава, савэ запистромэ андэ Библия пала кода, кай о Дэл стерэла о раё пэ ԥув.

О Файзало ԥэнэн: «Акана мэ патяв, кай и Библия, сави исин амэндэ адес, када подарко лэ Дэвлэстар. Если о Дэл создал кацави дэ бари Вселенно, хэба во на пэрэдэла лэ манушэнди пэско Алав и Библия и на позаботияпэ, кай вой тэ дожал жы каринг амарэ деса? И мануша, савэ андэ када на патян, можно тэ ԥэнас, кай вонэ на патян, кай лэ Дэвлэстэ исин кацаво зор. Ай ко мэ кацаво, кай тэ на патяв, кай лэ Дэвлэстэ исин кацаво зор?» (Исаия 40:8).