Со амэнди сыкавэл и природа?

«Пуш кай и жывотни, и вонэ сытярэна тут, и кай и птицы, и вонэ росԥэнэна тути. Или шув сама пэ ԥув, и вой сытярэла тут, и маще андэ моря росԥэнэна тути» ИОВ 12:7, 8.

АНДЭ послиднё время и учони мануша линэ май драго тэ розуӷанэн и растении и лэ жывотнонэн. Сости? Кай тэ стерэн варисо нэво или тэ стерэн май драго кода, со ужэ исин. Пэ кадэя бути ԥэнэн биомиметика. Роздиқам дэсавэ примероря и погиндосарам, ко па чачимастэ вся када создал и ашэл во, кай лэс тэ хвалин чи най?

Лэ китоско плавнико

Сости кодэла, ко терэн и самолёторя, моӷут тэ сытён кай и ӷорбати киторя? Баро ӷорбато кито весит варикай 30 тонн. Када, сар баро ӷрузовико. Кай о кито фартэ састи мурцы, ай инке барэ плавникоря, савэ шонпэ пэ крылоря. Кадэва кито, саво лунгимаса 12 метров, фартэ вушэро плавуий андо паи. Например, кала о ӷорбато кито камэл тэ хал, во лэл тэ плавуий май тэлэ, чем и креветки и фартэ бут авэр мащёрэ, и потом, сар, ԥэнэса, па спираль, во ӥто ваздэлпэ упрэ. Андэ кодэя жэ время, анда ямочка, сави лэстэ по шэро, во виԥурдэл фартэ бут пузырьки анда воздухо. Через кадэла пузырьки, савэ вмести андо буӷлимос варикай ек епашэса метро, о кито поддаравэл лэ мащёрэн май упрэ. Акана лэсти трэбуй кати тэ ԥэрнавэл о муй и тэ нақавэл бутэ мащёрэн.

Май фартэ лэ учононэ манушэнди сас интересно, сар кадэва фартэ баро жывотно, можэт кадя вушэро тэ плавуий, сар, ԥэнэса, па спираль, сави фартэ заболди. Вонэ полинэ, кай вся и дила андэ плавникоря. Лэ китостирэ плавникоря, най сар и крылоря по самолёто. О англуно краё по плавнико най ровно, ай сар, ԥэнэса, пошындо и пэр лэстэ исин шышки.

Кала о кито быстро плавуий, кадэла шышки поможын лэсти тэ ваздэлпэ май вушэро. Сар када? Андо ек журнало ԥэнэнаспэ, кай кадэла шышки поможын, кай па плавнико тэ прожал скати трэбуй паи, дажэ если о кито фартэ ӥто ваздэлпэ. Если бы о англуно краё по плавнико тэ авэл ӷладко, о кито на вивазглопэ па кацави заболди спираль. Важ кода кай о паи заболдопэ понад и плавникоря и на диноп лэ китости ӥто тэ ваздэлпэ упрэ (Natural History).

Сар можэт тэ поможый кода, со уӷанглэ и учони? Если бы и крылоря по самолёто тэ стердоп кадяжэ, тоди пэ крылоря авелоп трэбуй май набут детали, савэ поможын, кай о самолёто тэ ваздэлпэ упрэ и тэ змэкэлпэ тэлэ. Кацавэ крылоря авэна май надёжни и пала лэндэ авэла май вушэро тэ диқэн. Ек учоно, савэс ақарэн Джоно Лонго, гиндой, кай фартэ ӥто «и крылоря кай кажно самолёто авэна стердэ кадя жэ, сар и плавникоря кай о ӷорбато кито».

Ла чайкако крыло

Всаворэ ӷанэн, кай и крылоря по самолёто стердэ па лэ птицэндирэ крылоря. Найдэлмут кай и учони вижыля инке май драго када тэ росполэн. Андо журнало «Нью сайентист» сас пистромэ: «И учони анда Флоридско университето стердэ ек найбаро самолёто, савэса управляют и мануша через о компьютеро. Кадэва самолётико, сар чайка, можэт тэ ритярдёл по воздухо, тэ ваздэлпэ май вучес и резко тэ змэкэлпэ тэлэ».

И чайки вурян па воздухо, сар, ԥэнэса, рисуют варисавэ фигуры. Лэндэ вижал када блаӷодаря кодэлэсти, кай вонэ сбандярэн и крылоря андэ ԥикэ и куя́. Андо журнало «Нью сайентист» ԥэнэнпэ, кай и учони стердэ по самолётико, саво 60 сантиметров, кацавэ жэ крылоря, сар кай и чайка. Андэ кадэва самолёто вонэ стодэ найбаро моторчико, саво управляет лэ крылонэнца. Кацаво интересно устройство пэ крылоря, домэкэл, кай о самолёто тэ ритярдёл по воздухо и тэ вурял машкар вуче здании. И халавдэ андэ США камэн тэ стерэн кацаво жэ проворно самолёто, кай тэ виарақэн разно оружыя андэ барэ фороря.

И пэрнорэ кай и ящерица

И жывотни, савэ жувэн пэ ԥув, кадяжэ бутэсти амэн моӷут тэ сытярэн. Например, и найбари ящерица, пэ сави ԥэнэн гекконо, вушэро можэт тэ ваздэлпэ па стина тэлал упрэ и дажэ тэ ԥирэл па потолко упрэ пэрнэнца. Пала кода, кай и ящерица можэт кадя тэ терэл, ԥэнэнаспэ инке андэ библейско время (Притчи 30:28). Сар жэ кай о гекконо вижал тэ ԥирэл упрэ пэрнэнца и тэ на пэрэл тэлэ?

Пэ лапки кай о гекконо исин балора, савэ сар цынёне щёточки. Кадя о гекконо можэт тэ ритярдёл дажэ по фартэ ровно ҭан. Кадэла щёточки на вимэкэн нисави липко жыдкость, но вонэ поможын, кай и клетки пэ лапка кай о гекконо тэ цырдэнпэ ек еқэстэ. И клетки пэ лапки кай о гекконо и пэ авэр поверхность, например, по потолко, стидэнпэ ек еқэса. Када терэлпэ важ кода, кай вонэ цырдэнпэ ек еқэстэ, сар маӷнито. Пэ када инке ԥэнэн Ван-дер-Ваальсо. Обычно о весо май баро, чем кода, кай варисо можэт тэ цырдэлпэ ек еқэстэ, сар маӷнито, и важ када амэ нэ можэм тэ ваздаспэ па стина. Но и цынёне щёточки пэ лапки кай о гекконо захутилэн май баро ҭан, саво исин пэ стина, па сави во ԥирэл. И клетки, савэ цырдэнпэ ек еқэстэ, сар маӷнито и фартэ бут щёточки пэ лапки кай о гекконо, вмести поможын, тэ виритярэл о весо, саво исин кай и цынёни ящерица.

Сар када можэт тэ поможый? Адес по дэсаво материало линэ тэ терэн кацавэ жэ щёточки, сар пэ лапки кай о гекконо. Например, када застёжка-липучка, пэ сави ԥэнэн «велкро»a. И кай када тэ стерэн, тожэ диқлэ пэ природа. Ек учоно, кастирэ алава сас запистромэ андо журнало «Экономисто», гиндой, кай о материало, саво кацаво жэ, сар и «гекконово лента», можэт тэ поможый андэ медицына. Особенно, кала нащи тэ используют о клеё важ и тила, саво стердо анда химия.

Ко када стердя?

Адес о институто (НАСА), саво исследует о пространство андо космосо и передвижэния андо воздухо пэ разни летающи аппараторя, терэл робото, савэстэ бут пэрнэ. Кадэва робото двиӷаеца, сар скарпионо. Ай и учони анда Финляндия ужэ стердэ тракторо пэ шов пэрнэ, саво, сар фартэ баро насекомо. Во можэт тэ пэрэуштавэл барэ препяцтвии. Авэр учони стердэ материало, пэ саво исин цынёне клапаноря. Кадэла клапаноря шонпэ пэ чешуйки, савэ исин пэ соснови шышки и моӷут тэ ԥэрнадён и тэ ԥандадён. И мануша, савэ терэн и вураля, терэн вурали, сави па форма шолпэ по мащё кузовок. Авэр учони роздиқэн и амартизацыя, сави исин кай о малюско морское ушко. Вонэ камэн тэ стерэн важ и бронижылеторя май вушэро, но май прочно материало.

Кай и природа можно бут сости тэ сытён. И учони, дажэ стердэ база данных, андэ сави ужэ заандярдэ тысячи разни жундэ клетки и орӷанизморя, савэ исин андэ природа. Андо журнало «Экономисто» ԥэнэнпэ, кай кадэя база данных поможыя, кай и учони тэ виарақэн «кода, со исин андэ природа, кай тэ стерэн или тэ строин варисо нэво». И разни жундэ клетки и орӷанизморя, савэ заандярдэ андэ база данных, када варикастири собственность. Обычно, кодэва, кастири када собственность, када мануш или цыло фирма, савэ сыкавэн, кай лэндири нэви идея или кода нэво, со вонэ стердэ, лэнго. Акэ со ԥэнэнпэ андо журнало «Экономисто» пала кадэла базы данных: «Кала ԥэндэ, кай и разни разработки, савэ стердэ па варисавэ жывотни или растении, варикастирэ, и учони прижанглэ, кай кадэла разработки, ла природатири собственность».

Сар кай и природа вижыля вся када тэ стерэл? Бут учони гиндон, кай вся, со исин андэ природа, милионоря бэрша палпалэ появисайля корко пэстар и вся када най сразу драго вижыля. Но исин и кодэла учони, ко гиндой па аврятэ. Акэ со пистросардя ек учоно Майкло Бихи андэ ӷазета «Нью-Йорк таймс»: «Через кода, кай амэ драго диқас, кай варико андэ природа вся загиндосардя, амэ можэм ворта тэ ԥэнас, кай, если варисо дицол, ԥирэл и крякает, сар раца, амэ полас, кай када и исин раца». Со анда када вижал? О Бихи ԥэнэн: «Нащи тэ ԥэнас, кай нинай кодэва, ко вся када загиндосардя, кати важ кода, кай вся фартэ просто стердо».

О учоно, кай стердя по самолёто о крыло, саво безопасно и бут со можэт тэ терэл, ашэл, кай лэс тэ хвалин важ када. Кодэла, ко стердэ о материало важ и перевязки, или о май прочно материало важ и ӥда или о двиӷателё, саво май экономно, ашэн, кай лэн тэ хвалин. Но кодэва, ко чордя аврэ манушэстири идея, и ԥэндя, кай када во стердя, нарушыл о законо и во приступнико.

Справедливо кода, кай и учони лэн важ пэстирэ разработки и идеи анда природа и ԥэнэн, кай кадэла идеи андэ природа появисайлэ корко пэстар? Если дажэ и копия сыкавэл, кай исин кодэва, ко ла стердя, тоди со можно тэ ԥэнас пала ориӷинало? И ко па чачимастэ ашэл, кай лэс май фартэ тэ хвалин, о годявэрно учителё или о ученико, саво терэл кадя, сар лэско учителё?

Правильно атвето

Кала дэсавэ мануша уӷанэн кода, со доԥэнэн, кай и люма сас создано и гиндон пала када, вонэ ԥэнэн и алава, савэ ԥэндя о псалмопевцо: «Сар дэ бут ту создал, о Иегова! Ту вся создал фартэ мудро, пэ ԥув ԥэрдо кода, со ту стердян» (Псалом 103:24). О апостоло Павло гиндояс кадяжэ и ԥэндя: «Лэстирэ [лэ Дэвлэстирэ] качестворя... лэско зор, саво вечно и кода, кай во Дэл... драго дицо[н] кодэла времятар, сар во создал и люма» (Римлянам 1:19, 20).

Но дэсавэ мануша, савэ патян андо Дэл и стон патив пэ Библия, гиндон, кай о Дэл создал варисо ек, ай потом када парудёлас, росжаласпэ и появинаспэ авэр чудеса андэ природа. Но со пала када ԥэнэнпэ андэ Библия?

[Сноска]

[Вставка]

Сар кай и природа вижыля вся када тэ стерэл?

[Вставка]

Каско вся, со исин андэ природа?

[Рамка/Картинки]

Если дажэ и копия сыкавэл, кай исин кодэва, ко ла стердя, тоди со можно тэ ԥэнас пала ориӷинало?

Крылоря кай самолёто стердэ кадя жэ, сар и крылоря кай и чайки

И лапки кай о гекконо никала на вимачон и на ашавэн слидоря, прилипинпэ каринг любо ҭан, кроме антиприӷарно (тефлоново) покрытия. Кадяжэ и лапки вушэро отлипинпэ и прилипинпэ палпалэ. И учони терэн вся, кай тэ стерэн кацаво жэ

И удивительно форма кай и мащёрэ кузовки дэл идеи лэ учононэнди, савэ терэн вураля

[Сведения пала кода катар линэ]

Airplane: Kristen Bartlett/ University of Florida; gecko foot: Breck P. Kent; box fish and car: Mercedes-Benz USA

[Рамка]

МУДРИ ПУТЕШЭСТВЕННИКОРЯ

Кай бут жывотни исин мудро инстинкто, саво подԥэнэн лэнди, кала вонэ путешэствуют (Притчи 30:24, 25). Акэ дуй примероря.

◼ И тиря годявэрнэс витидэн о дром. Сар и тиря, кала жан тэ родэн хамос, виарақэн о дром палпалэ андо муравейнико? И учони анда Великобритания уӷанглэ, кай дэсавэ тиря ринпэ цэрэ най кати па пэстирэ следоско запахо, но и па спецыальни дромора, савэ вонэ протопчисардэ. Андэ када лэнди поможый и наука. Например, сар ԥэнэнпэ андо журнало «Нью сайентист», и тиря, пэ савэ ԥэнэн фараонови, «простон дромора, савэ ровно жан лэ муравейникостар и потом росжанпэ тала вуӷло 50—60 ӷрадусов». Со андэ када нэобычно? Кала и тиря жан цэрэ и поджан каринг и развилка, лэн сразу цырдэл тэ витидэн кодэва дроморо, саво жал май ворта, ай значит, точно андярэла лэн цэрэ. Кадяжэ, андэ кодэва журнало пистромэ: «Кода, сар протопчисардэ кадэла дромора поможый, кай и фартэ бут тиря ӥто тэ ԥирэн па кадэла дрома и тэ на дэнпэдап ек андэ ек, особенно, кала вонэ жан андэ лэдуй рига. Кадяжэ када поможый, кай вонэ евья тэ на блудин».

◼ И птицы ӷанэн каринг тэ вурян. И птицы драго полэн, каринг тэ вурян, дажэ если када фартэ дур, и сави бы поӷода тэ на авэл. Сар лэндэ када вижал? И учони уӷанглэ, кай и птицы моӷут тэ полэн и маӷнитно поля, сави исин пэ Ԥув. Но, сар ԥэнэнпэ андо журнало «Сайенс», «линии, савэ исин пэ маӷнитно поля, фартэ разни андэ разни ҭана и вонэ най вся и время сыкавэн точно по северо». Со жэ поможый лэ птицэнди, савэ путешэствуют, тэ на змардён па дром? Лэ птицэнго инстинкто, сар компасо, саво поможый па балвал тэ полэн, кала зажал о қам. Андо бэрш и поӷода меняеца, важ кода кай и положэния лэ қамэсти парудёл. И учони гиндон, кай лэ птицэнди поможын тэ присытён, кай парудёл и поӷода, «и биологически часоря, савэ поможын тэ полэн, сави поӷода андо бэрш».

Ко сытярдя лэ тирян тэ полэн и наука? Ко дя лэ птицэнди компасо, биологически часоря и годи, и сытярдя тэ пользуинпэ кодэлэса, со андэр лэндэ вложэно? Варисави эволюцыя или жэ када стердя о мудро Создателё?

[Сведения пала кода катар линэ]

© E.J.H. Robinson 2004