Еврейско жувли росԥэндя васо вой парудя пэстири вера

Росԥэн, сави воспитания тути динэ.

Мэ арақаделэм андо 1979 бэрш андэ Соединённи Штаты. Кала манди сас трин бэрш, мэрнэ родителя розвелись. И дэй барярдя ман па иудейски традицыи и бишалдя ман тэ сытював андэ ешива, када иудейско школа. Кала манди сас семь бэрш, амэ лаглямтар андо Израилё пэ ек бэрш, котэ мэ ԥиравас андэ школа андэ гавэстэ. Посли амэ ла даса пэрэлаглям андэ Мексика.

Котэ кай амэ жувасас на сас синагога, но мэ всаек ритяравас иудейски абычая: давас яг и свечки в субботу, адиносаравас и Тора и мангаваспэ па сиддуро, када молитвенико. Андэ школа мэ часто ԥэнавас лэ однокласниконэнди, кай мэрни вера сас само пэрво и чачуни. Мэ никала на адиносардэмас о Нэво Завето, андо саво росԥэнэнпэ пала Иисусо и пала кода сости во сытярэл. И мама всегда фэрияс ман кадэлэстар, вой даралас, кай мэ маӷрисарава пэс чужона вераса.

Васо ту закамлян всаек тэ проадинос о Нэво Завето?

Кала манди сас семнацать бэрш, мэ рисайлэм андэ Соединённи Штаты, кай тэ получу образования. Ек жангло, саво сас христианино, ԥэндя манди, кай если андэ мэрни жызня на авэла лэ Иисусос Христос, андэр латэ на авэла чачуно смысло.

— Мэ ԥэндэм: «Андо Иисусо патян кати и потеряни мануша, кодэла, ко на ӷанэн андэр со тэ патян».

— Ай во: «Ту хоть адиносардян о Нэво Завето?»

— «Най, на адиносардэм».

— «Тоди ту дэс дума пала кода, со вобще на ӷанэс, хэба най кадя?».

Лэстирэ алава фартэ ман заԥабардэ, важ кода кай мэ щитала най годявэрнэн кодэлэн, ко варисо дэл дума, но нисо пала када на ӷанэн. Манди сас лажаво. Мэ лэм лэстар Библия и проадиносардэм о Нэво Завето.

Сар кода, со ту проадиносардян, парудя терэ гиндоря?

Мэ удивилась, кала уӷанглэм, кай о Нэво Завето пистросардэ и евреёря. Со май бут мэ адиносаравас, со май драго полавас, кай о Иисусо сас добро, смирено евреё, саво камэлас тэ дэл помощь лэ манушэнди, ай най тэ барвадёл пэр лэндэ. Мэ дажэ лэмас андэ библиатека дэсавэ книӷи пала лэстэ. Но ни ек андар лэндэ на доԥэндя, кай о Иисусо сас Христос. Андэ дэсавэ книӷи пэр лэстэ дажэ ԥэнэнас Дэл, но важ мандэ када сас хохаимос. Ведь тоди со вижал о Иисусо мангэласпэ екжэно пэсти? Ай кадяжэ о Иисусо муля, ай андэ Библия пала Дэл ԥэнэнпэ: «Ту нэ можэш тэ мэрэс»a.

Сар ту арақлян атветоря пэ пэстирэ вопросоря?

Андо чачимос всегда вся сжалпэ и мэ фартэ закамлэм лэс тэ арақав. Мэ лэм анда оди, ясвэнца тэ мангавпэ лэ Дэвлэсти, и када сас пэрво разо, кала андэ вас мандэ на сас о молитвенико. Мэ инке нэ закончила тэ мангавпэ, сар андэ двэри постучисардэ. Када сас дуй лэ Иеговастирэ свидетеля. Вонэ динэ манди книжка, сави поможый тэ уӷанэс и Библия. Кадэя книжка, ай кадяжэ кода, со мэ уӷанглэм кай лэ Иеговастирэ свидетеля, дя манди тэ полав, кай лэндири вера па Библия. Например вонэ прижанэн, кай о Иисус Христос най часть анда Троица, ай «лэ Дэвлэско Шаво»b, «пэрво анда лэ Дэвлэстири тварения»c.

Ӥто посли када мэ рисайлэм андэ Мексика, котэ вмести лэ свидетелёнэнца мэ лэм май дур тэ уӷанав и пророчества пала Христос. Мэ удивилась, сар лэн дэ бут! И всаек мэ инке набут на допатявас. Мэ гиндосаравас: «Хэба кати по Иисусо стердэпэ кадэла пророчества? А можэт во просто сас лашо актёро, саво драго вся сыӷрал?»

Со дя тути помощь тэ гиндос па аврятэ?

И свидетеля сыкадэ манди дэсавэ пророчества, савэ нэвозможно подстроить, кай вонэ тэ исполняца. Например, май бут чем важ 700 бэрш, сар тэ арақадёл о Иисусо, о пророко Михеё ԥэндя, кай о Христос арақадёла андо иудейско Вифлиемоd. Ко моӷ бы повлиять пэ кода, кай лэсти тэ арақадёл? О Исаия пистросардя, кай лэс казнина сар приступникос, савэс вэрыцын, но гаравэна котэ, кай гарадэ лэ барвалэнe. Всаворэ кадэла пророчества стердэпэ по Иисусо.

Послиднё часть анда доказательства пала Иисусо, када анда саво калено во. Андэ Библия сас запистромэ пророчество, кай о Христос авэла лэ царёско лэ Давидоско потомкоf. И иудеёря гаравэнас и родословни записи и цэрэ и андэ архиворя и если бы о Иисусо тэ авилоп най анда лэ Давидоско родо, лэстирэ враӷоря када вазглоп па миро. Но вонэ на стердэ кадя, важ кода кай о Иисусо сас лэ Давидоско потомко и кадэлэса нико нэ моӷ поспорить. И мануша дажэ ԥэнэнас пэр лэстэ: «Шаво лэ Давидоско»g.

Через 37 бэрш посли кода сар муля о Иисусо и римски воиноря розмардэ о Иерусалимо андо 70 бэрш н. э. Андэ кодэя время и родословни записи сас уничтожэни или росхасардэ. Важ кода кай и мануша тэ прослидин лэ Иисусостири родословно линия, во трэбуй сас тэ арақадёл жы кай о 70 бэрш н. э.

Сар када повлияло пэр тутэ?

Андэ Второзаконие 18:18, 19 сас запистромэ, кай о Дэл стола андо Израилё пророкос, сар лэ Моисеёс. О Дэл ԥэндя: «Кажнонэ манушэстар мэ спушава, ко на лэла тэ терэл па мэрно алав, саво мэ ԥэнава через кадэва пророко». Кала мэ драго иследовала вся и Библия мэ удостоверилась, кай о Иисусо анда Назарето сас именно кодэлэ пророкоса.