Если надеисаваспэ, када подритярэл. Чаче када кадя?

ЛЭ ДЭНИЕЛОСТИ сас кати дэш бэрш, но ужэ цыло бэрш лэстэ сас кацаво насвалимос, сар рако. И врачоря и лэстирэ чаче умэклэ и вас. Но о бэято на здэласпэ. Во патялас, кай вибарёла, ашэла учоно и авэла кацаво дес, кай во виарақэла драб лэ ракостар. Но май фартэ о Дэниело патялас, кай авэла лэстэ ек врачо, саво личий именно кодэва рако, саво лэстэ. И акэ, авеля кадэва дес, но о врачо нэ моӷ тэ авэл, важ кода кай сас вэрыто поӷода. О Дэниело умэкля и вас. Лэсти ашэля всаек пэ вся, и через дэсавэ деса во муля.

Пала када росԥэндя учоно, саво изучал, сар кода, кала о мануш аштярэл о лашимос, дэл лэсти зор. Можэт тумэ ашундэ пала кода, сар о ԥуро мануш англа пэстири смэрть ритярдёлпэ и аштярэл, кай авэла лэско пашутно мануш или, кай во дожувэла каринг о важно дес. Ай, сар прожал кадэя время, во йто мэрэл. Васо кадя терэлпэ? Чаче о мануш можэт тэ лэл зор кодэлэстар, кай аштярэл о лашимос?

И врачоря гиндон, кай, кала о мануш патял, кай лэстэ авэла вся драго, и кода, кай во пэ вся диқэл лащя ригатар, кадэлэстар лэстэ авэла май лащи жызня и май лашо зор. Но кадя гиндон най всаворэ. Дэсавэ врачоря нэ соӷласни кадэлэса, и гиндон, кай када жал против наука. Вонэ гиндон, кай кала варисо дуқал, тэ гиндон пала лашимос, када на поможыя.

Када найудивительно, кай дэсавэ мануша гиндон кадя. Бут бэрша палпалэ о ӷреческо учоно Аристотелё ԥэндя, кай кала о мануш надеийпэ по лашимос, када ек бах кодэлэса, кай о мануш диқэл о суно. Прожыля время и авэр баро мануш анда американско страна Бенджамино Франклино подасаласпэ и ԥэндя: «Кала о мануш патял андо лашимос, кадэлэстар лэсти на авэла фэдэр».

Кала амэ надеисавас по лашимос, када драго чи най? Би кадэлэско на обжасапэ или амэнди на трэбуй тэ надеисавас по лашимос?

Васо амэ трэбуй тэ на умэкас и вас?

СО, ЕСЛИ бы о Дэниело, о бэято, саво муля лэ ракостар, тэ на парашэл тэ патял, кай во виличияпэ? Виличисайлоп во лэ ракостар? Авелоп во адес жундо? Дажэ кодэла мануша, савэ патян, кай и надежда можэт тэ виличий, кадя на ԥэндоп. Трэбуй тэ сэрас, кала о мануш надеийпэ, кай виличияпэ, када най драб всаворэ насвалимастар.

О врачо Нэйтано Черни росԥэнэнас пэ Си-би-эс (када новости па радио и телевизоро). Во ԥэнэнас, кай када нэправильно, кала и мануша, кастэ исин ԥаро насвалимос, гиндон, кай если вонэ на умэкэна и вас, вонэ виличинапэ. Во ԥэндя: «Дэкала и хула́я цыпин пэ пэстирэ хулая́, важ кода кай вонэ на улэн анда пэско ди о ԥаримос и на шон бут сама по лашимос, саво исин. Через кадэва гиндо и мануша линэ тэ патян, кай кадя можно тэ виличин о рако. Тэ авэл када кадя, тоди лэ насвалэнго зор ашэлоп май лашо кодэлэстар, кай вонэ фартэ патян, кай виличинапэ. Но када найчачимос.

О мануш, кастэ ԥаро насвалимос, анда вся о зор старыийпэ тэ ритярдёлпэ, но о насвалимос всаек лэл пэско. И канешно, о родо лэ насвалэ манушэско на камэл, кай лэсти тэ авэл инке май ԥарэс и кай во пэс тэ дошалярэл. Тоди хэба можно тэ ԥэнас, кай кодэлэстар, кай о мануш надеийпэ по лашимос, нисо на авэла?

Най, канешно. Например, о врачо, пала саво ужэ сас пистромэ андэ кадэя статья, бут со терэл, кай лэ манушэнди, кастэ фартэ ԥаро насвалимос тэ авэл най кадя ԥарэс тэ жувэн пэстирэ насвалимаса. Кацавэ врачоря фартэ патян, кай када можэт тэ поможый и тэ подритярэл лэ насвалэ манушэн, кай вонэ тэ на умэкэн и вас. Исин бут со доԥэнэн, кай кала о мануш на умэкэл и вас, кадэлэстар исин бут лашимос.

Пэ скати дэ важно тэ патяс андо лашимос?

О журналисто Гиффордо-Джонсо, саво пистрой пэ медицынски темы, ԥэндя, кай кала патян андо лашимос, кадэлэстар исин зор. Во диқэлас пала мануша, кай тэ полэл, пэ скати дэ важно тэ подритярэн лэ манушэн, савэндэ фартэ ԥаро насвалимос. Дэко ԥэнэн, кай кала подритярэн кацавэ манушэн, лэ насвалэнди по ди ашэл май вушэро. Андо 1989 бэрш полинэ, кай кала лэ насвалэ манушэн подритярэн, тоди вонэ жувэн май долӷо. Ай май интя полинэ, кай када най кадя. Но всаек и учони ԥэнэн, кай кала подритярэн кодэлэн, кастэ ԥаро насвалимос, лэндэ май набут дук и депрессия.

Акэ со стердэ инке. Кай и май бут, чем 1 300 мурш пушлэ пала кода, сар вонэ диқэн пэ жызня, лащя ригатар чи най. Сар прожылэ дэш бэрш, май бут, чем 12 процэнтов анда кадэла мурша, сас насвалимос лэ одеса. Андар лэндэ дувар май бут сас кодэла мануша, савэ диқэнас пэ жызня найлащя ригатар, чем кодэла, ко диқэлас лащя ригатар. И учоно манушни анда Гарвардско университето, сави сытярэл пала зор и пала кода, сар андярэн пэс и мануша, ԥэнэн: «И врачоря пэрво, со доԥэндэ, кай кастэ исин насвалимос лэ одеса, и вонэ старыинпэ тэ диқэн пэ вся лащя ригатар, кадэлэстар лэндэ ашэл май лашо зор».

Дэсавэ учони ԥэнэн, кай кодэла, ко гиндон, кай лэндэ вэрыто зор, май медленно лэн зор посли операцыя, чем кодэла, ко гиндон, кай лэндэ лашо зор. Ԥэнэн, кай кала о мануш гиндой пала лашимос, во можэт тэ прожувэл май долӷо! Акэ, со стердэ и учони, кала камэнас тэ диқэн, со авэла, кала о ԥуро мануш гиндой драго и найдраго пала ԥуримос. Лэ ԥурэ манушэнди сыкавэнас по телевизоро алава, анда савэ дицолас, кай кала лэ манушэсти бут бэрш, во май мудро и май бут полэл. Посли када вонэ ашэлэ май бодри и линэ тэ патян андэр пэстэ. Лэндэ ашэля кацаво лашо зор, кабута лэндэ трин шон сас физкультура.

Сар тэ полас, васо кала о мануш патял, кай лэстэ авэла вся драго, кадэлэстар лэстэ авэла май лашо зор? Файма, и учони и врачоря инке нэ исследовали лэ манушэстири годи и о орӷанизмо кадя драго, кай тэ дэн пэ када лашо атвето. И всаек, кай дэсавэ спецыалисторя, савэ терэн кадэя дила, исин дэсавэ гиндоря. Например, ек профессоро-невролоӷо ԥэнэн: «Драго, кала о мануш радуийпэ и патял, кай авэла лашимос. Када поможый, кай почти тэ на авэл стрессо и тэ авэл май лашо зор».

Кадэва гиндо можэт тэ авэл нэво важ и врачоря, психолоӷоря и учони. Но во най нэво важ кодэла, ко адиной и Библия. Почти 3 000 бэрш палпалэ о мудро царё Соломоно, пистросардя: «О радосно ди личий, сар лашо драб, ай оди, савэсти фартэ ԥарэс, залэл о зор» (Притчи 17:22). Тумэ шутэ сама, сар дэ годявэрнэс ԥэндо? Катэ на ԥэнэнпэ, кай о радосно ди виличий любо насвалимос, ай пистромэ, кай во «личий, сар лашо драб».

Если бы о мануш виличисайлоп кодэлэстар, кай патял андо лашимос, тоди и врачоря личисардоп лэс кадэлэса. Инке, кала о мануш аштярэл о лашимос, када фэрий най кати о зор.

Савя ригатар ту диқэс пэ тири жызня?

И учони полинэ, кай кала о мануш диқэл пэ вся лащя ригатар, када анэн бут лашимос. Лэндэ май драго вижал андэ школа, пэ бути и дажэ андо спорто. И учони пропушлэ кай и дэсавэ тренероря, сар вонэ гиндон, ко анда лэндири команда вицэлэла. Кадяжэ пушлэ кай кажно спорцмено, вицэлэла во чи най. И вижыля кадя, кай вицэлдэ кодэла, ко патянас, кай лэндэ када вижала, ай най сар гиндонас и тренероря. Кода, сар о мануш диқэл пэр пэстэ, май бут сыкавэл, вижала лэстэ чи най варисо тэ стерэл. Васо, кала о мануш на умэкэл и вас и диқэл пэ вся лащя ригатар, во стерэла кода, со во камэл?

Андэ 1960 бэрша уӷанглэ май бут пала када. И учони стердэ исследования пэ жывотни и додиқлэ, кай и жывотни присытён каринг кода, кай нэ моӷут варисо тэ стерэн, хоть када най кадя. Кадяжэ вонэ диқлэ, сар дэсавэ мануша андярэн пэс. Кай май драго тэ полэн када, вонэ линэ ек ӷруппа манушэн, савэнди включисардэ фартэ ӷромко звуко и ԥэндэ, кай вонэ моӷут тэ мударэн лэс, если тасавэна пэ кнопки, савэ лэнди сыкадэ. Кала вонэ тердэ када, вонэ мудардэ о звуко.

Кадяжэ вонэ линэ дуйто ӷруппа манушэн, включисардэ кадэва жэ звуко и ԥэндэ тэ тасавэн пэ кодэла жэ кнопки. Но кала вонэ тасавэнас, о звуко на мудардёлас. Бут мануша анда дуйто ӷруппа линэ тэ гиндон, кай лэндэ нисо на вижала. Тоди кала лэнди дэнас авэр задании, вонэ ужэ нисо на камэнас тэ терэн. Вонэ гиндонас, кай со бы вонэ тэ на терэн, када вся евья. Но дажэ андэ кадэя ӷруппа сас мануша, савэ на умэкэнас и вас и диқэнас пэ кадэя ситуацыя лащя ригатар.

О Мартино Селигмано, када о учоно, саво поможыяс андэ кадэла исследовании. Во ля тэ уӷанэн, саво лашимос анэн кода, кала о мануш старыийпэ пэ вся тэ диқэл лащя ригатар. Кадяжэ во камэлас тэ полэл, сар гиндон и мануша, савэндэ па лэндирятэ нисо на вижал. Во поля, кала о мануш гиндой, кай лэстэ нисо на вижала, када на дэл лэсти тэ терэл варисо нэво и через када во вообще нисо на терэл. Посли кода, сар о Селигмано дотердя исследовании, во ԥэндя: «Важ и 25 бэрш мэ полэм, кай если амэ, сар и о мануш, саво на патял андэр пэстэ, вся и время тэ гиндосарас, кай амэндэ нисо на вижал и кай вся, со амэ терас нисо на ашэл, тоди кадэлэстар ашэл инке май хужэ. Ай если бы амэ тэ гиндосарас па аврятэ, вся авелоп май фэдэр».

Важ варикастэ адес кадэва гиндо можэт тэ авэл нэво. Но кодэла, ко адинон и Библия, ӷанэн када дэлмут. Шон сама пэ кадэла алава: «Если андэ ԥари время ту умэклян и вас, тоди тутэ на авэла зор» (Притчи 24:10). Андэ Библия ԥэнэнпэ, кай, кала о мануш умэкэл и вас и диқэл пэ вся найлащя ригатар, через када во парашэл варисо тэ терэл. Со тэ терас, кай амэндэ тэ на авэл кадя?

[Картинка]

Кала о мануш на умэкэл и вас, кадэлэстар можэт тэ авэл бут лашимос.

Амэндэ вижала тэ на умэкас и вас

САР ту диқэс пэ кода, кай тутэ варисо на вижал? Бут учони адес гиндон, кай о атвето пэ кадэва вопросо сыкавэл, умэклян ту и вас чи най. Амэндэ всаворэндэ исин разно ԥаримос. Варикастэ лэс май бут, ай варикастэ лэс май мало. Тоди, васо о мануш, саво пэрэандярдя май баро ԥаримос, виарақэл зор тэ жувэл и май англэ, ай авэр парашэл тэ патял андэр пэстэ и нисо на терэл, хоть лэстэ сас и найбаро ԥаримос?

Ԥэнаса, о мануш старыийпэ тэ затерэл ловэ, но лэстэ нисо на вижал. И можэт во гиндой: «Кацавэстэ, сар мэ, нисо на вижал. Мэ никала на затерава». Или инке май хужэ, во лэла тэ диқэл пэ вся найлащя ригатар и лэла тэ ԥэнэн пэсти: «Мандар нисаво толко. Мэ никасти на трэбуй». И андо пэрво и андо дуйто случаё драго дицол, кай о мануш умэкля и вас.

Со о мануш тэ терэл, кай тэ на умэкэл и вас?

Пэрво и само важно, када, кай о мануш тэ полэл, сар во гиндой. И кала во полэл, кай лэсти ԥарэс через пэстирэ гиндоря, во трэбуй тэ улэл лэн. О мануш трэбуй тэ старыийпэ тэ диқэл пэ жызня лащя ригатар. Погиндосар, чаче тутэ на вижал тэ затерэс? Можэт най кодэлэса залэспэ? Или можэт о место най во? Или можэт тут на лэн пэ бути, важ кода кай лэнди трэбуй мануш, савэстэ авэр профессия?

Погиндосар пала проблема, чаче вой кацави дэ бари, сар ту гиндос? Если тутэ на вижыля кадэва разо, на гиндосар, кай кадя авэла вся и время. Сгиндосар пала кода, со тутэ драго вижал. Пала кода, сар ту драго ладис лэ ереса и лэ друӷонэнца, сар драго терэс андэ собрания варисави дила. Если ту полян, кай ту часто гиндос пала кода, со тутэ на вижал, старысав, кай тутэ кацаво тэ на авэл. Катар ту ӷанэс, кай ту никала на затерэса ловэ? Погиндосар, со ту инке можэш тэ стерэс, кай тэ на умэкэс и вас?

Диқэн пэ вся лащя ригатар и домардён кода, со камэн тэ стерэн

Андэ послидни бэрша, и учони набут полинэ, со авэла, кала о мануш надеийпэ пэ варисо. Вонэ ԥэндэ, кала о мануш фартэ патял, кай во сможэт тэ домардёл кода, со во камэл, лэстэ када вижала. Амэ ӷанас, кай о мануш можэт тэ надеийпэ пэр пэстэ и пэ авэр мануша. Анда авэр статья амэ диқаса, кай о мануш можэт инке тэ надеийпэ по Дэл. Када поможыя, кай о мануш тэ диқэл пэ вся лащя ригатар, и тэ домардёл кода, со камэл.

О мануш трэбуй тэ ӷанэн, со во камэл, и тэ домардёл, кай лэстэ вся тэ вижал. И кала во диқэла, кай лэстэ варисо вижыля, тоди во патяла андэр пэстэ. Если о мануш на ӷанэн тэ терэл када, тоди во трэбуй тэ загиндойпэ. Амэ трэбуй тэ сэрас, кай фартэ вушэро тэ ужас андэ дила, сави исин кажно дес и тэ бистрас пала кода, со па чачимастэ важ амэндэ само важно. Андэ Библия ужэ дэлмут сас пистромэ, кай спэрва трэбуй тэ полас, со май важно. Андэр латэ ԥэнэнпэ: «Тумэ [трэбуй] тэ полэн, со май важно всаворэстар» (Филиппийцам 1:10).

Кала о мануш полэла, со май важно, лэсти авэла май вушэро тэ полэл, со во камэл андэ жызня, андо ери и андэ служэния лэ Дэвлэсти. Но спэрва трэбуй тэ на стол англа пэстэ фартэ бут цэли, ай тэ витидэл кодэла цэли, савэ вижала вушэро тэ домардёл. Если тэ домардёл и цэль, сави во стодя, фартэ ԥарэс, через када во можэт тэ умэкэл и вас и тэ парашэл вообще варисо тэ терэл. Важ када фэдэр, кай о мануш тэ на стол бари цэль, пэ сави, кай тэ домардёл, трэбуй бут время. Ай тэ стол май цынёне цэли, пэ савэ ужала май набут время.

И мануша ԥэнэн: «Если закамэса, стерэса вся». И часто кадя и вижал. Посли кода, сар о мануш поля пэстирэ ӷлавни цэли, кай тэ домардёл лэн, трэбуй тэ авэл жылания и тэ пристол о зор. Кай во тэ закамэл инке май фартэ када тэ стерэл, трэбуй тэ гиндой, пэ скати дэ важни кадэла цэли и саво лашимос авэла, кала во лэн домардёла. Канешно, авэла разно ԥаримос, но о мануш трэбуй тэ диқэл пэ када най сар по тупико, ай сар пэ возможность тэ домардёл пэстири цэль.

Но кадяжэ важно о мануш тэ гиндой, сар тэ домардёл пэстири цэль. О Рико Снайдеро, саво стердя бари иследования, подԥэнэн, кай о мануш сразу тэ погиндой, кай пэстири цэль во можэт тэ домардёл по разному. Если кадя на вижала, тоди во тэ поджал каринг када авря ригатар, пока лэстэ када на вижала.

О Снайдеро кадяжэ ԥэнэн тэ сытювас тэ парувас и цэли. Если амэндэ нисар на вижал тэ домардювас варисави цэль, и амэ нэ можэм када тэ прилас, тоди через када амэ кати умэкаса и вас. Но если тэ парувас и цэль пэ кодэя, сави вижала тэ домардёл, тоди о мануш на умэкэла и вас.

Андэ Библия исин лашо примеро, саво доԥэнэн кадэва гиндо. О царё Давидо фартэ камэлас тэ строий о храмо важ пэско Дэл Иегова. Но о Дэл ԥэндя лэ Давидости, кай када стерэла лэско шаво о Соломоно. Кала о Давидо уӷангля пала када, во на умэкля и вас и на тердёлас пэ пэско, ай парудя пэстирэ цэли. Во отдэлас пэско зор, кай тэ стидэл и ловэ и материалоря, савэ потом авэна трэбуй лэстирэ шавэсти, кай тэ строий о храмо (1 Царей 8:17—19; 1 Летопись 29:3—7).

Дажэ если о мануш лэл зор кодэлэстар, кай старыийпэ тэ диқэл пэ вся лащя ригатар, гиндой пала лашимос и домардёл пэстирэ цэли, через и время во всаек можэт тэ умэкэл и вас. Васо? Важ кода кай диқэл, скати ԥаримос андэ жызня и во нащи нисо тэ парувэл. Но со поможыя лэ манушэсти, кай во всаек тэ на умэкэл и вас, кала диқэл кацаво ԥаримос, сар чорымос, войны, преступность, насвалимос и смэрть?

[Картинка]

Если тутэ на вижыля кадэва разо тэ затерэс, на гиндосар, кай кадя авэла вся и время.

[Картинка]

О царё Давидо сас ӷотово тэ парувэл пэстирэ цэли.

Пэр со тэ надеисавас?

ТУТЭ терделэ и часоря и, здэлпэ, кай вонэ ԥаделэ. Ту родэс, каринг лэн тэ отдэс, кай тэ стерэн. Исин бут разни мастероря, савэ ӷанэн тэ терэн и часоря. И ту гиндос, саво авэла май лашо. И акэ ту уӷанэс, кай паша тутэ жувэл мастеро, саво вимэкля кацавэ часоря, сар тутэ. И со май важно, во камэл тути тэ поможый и важ када нисо на мангэл. Понятно, кай любо мануш витидэла лэс.

Ту жаса кай о мануш, саво драго стерэла и часоря, ту надеиспэ пэр лэстэ. Ай кала андэ жызня бут проблемы и ту умэкэс и вас, тоди кастэ ту бандёса? Бут мануша ԥэнэн, кай моӷут тэ поможын тути андэ кода, со тердяпэ. Вонэ бут со ԥэнэн, но када най кода, со трэбуй или на поможый. Васо бы тэ на мангэс помощь кодэлэстар, ко создал лэ манушэн кадя, кай вонэ тэ надеинпэ? Андэ Библия ԥэнэнпэ, кай «во... найдур кажнонэстар амэндар» и кай во радо тэ поможый (Деяния 17:27; 1 Петра 5:7).

Сар када тэ надеиспэ?

Андэ Библия пала надежда росԥэнэнпэ май бут и май драго, чем пала када ԥэнэн и врачоря и учони, и психолоӷоря. И Библия сас пистромэ пэ ӷреческо и еврейско шыб. Пар лэндэ сас пэрэандярдо о алав «надежда». Кадэва алав сыкавэл най кати, кай о мануш фартэ аштярэл варисо лашо, но лэстэ исин, васо во патял, кай када авэла. И надежда, пала сави ԥэнэнпэ андэ Библия, када най варисави сказка. Када чачимос, важ кода кай исин, со када доԥэнэн.

Кала о мануш патял и кала надеийпэ пэ варисо, лэстэ исин, васо во кадэлэсти патял. И надежда и вера, здэлпэ, кай када еқэндар (Евреям 11:1). Но андэ Библия ԥэнэнпэ, кай када най ек (1 Коринфянам 13:13).

Кала ту мангэс лэ друӷос, савэсти ту патяс, тэ поможый тути, ту ӷанэс, кай пэр лэстэ можно тэ надеиспэ. Ту ӷанэс, васо ту патяс лэсти, ту драго ӷанэс лэс, ӷанэс, кай во терэл лашимос и кай во вся терэл анда оди. Кадя сар ту надеиспэ по пэско друӷо, можэш тэ надеиспэ кадя по Дэл?

Трэбуй тэ авэл, васо тэ патяс

О израильско народо най ек вико диқэлас, сар о Иегова дэлас алав и зритярэлас лэс. О Иисусо Навино, саво диқэлас пала израильско народо, ԥэндя: «Тумэ драго ӷанэн, кай на ашэляпэ най исполнено ни ек алав, анда всаворэ лашэ алава, савэ тумэнди ԥэндя тумаро Дэл, о Иегова» (Иисус Навин 23:14). О Дэл ашэл, кай лэсти тэ патян, важ кода кай, со во ԥэнэн, кадя и терэл вся. Андэ библейско время о Иегова сас важ о Израилё кодэва, пэр кастэ вонэ «надеинаспэ» (Иеремия 14:8). Анда када дицол, кай кати по Дэл о мануш можэт тэ надеийпэ.

Андэ Библия запистромэ бут лэ Дэвлэстирэ обещянии. И кода, со сас дэлмут, доԥэнэн, кай о Иегова зритярэлас пэско алав и через када амэ лас май фартэ тэ патяс лэсти. Дэкала во дэлас дума кадя, ԥэнэса, во ужэ када стердя.

Важ када амэ можэм тэ ԥэнас, кай и Библия, када книӷа, сави дэл надежда. Кала амэ май бут уӷанас, сар о Дэл обжаласпэ лэ манушэнца, амэндэ исин инке май бут кода, васо амэ можэм тэ надеисавас пэр лэстэ. О апостоло Павло пистросардя: «Вся, со сас пистромэ, када важ амэндэ. Через кода, кай амэ виритярас о ԥаримос и кай амэн подритярэн алавэнца анда Писании, амэ тэ аштярас англэ о лашимос» (Римлянам 15:4).

Сави надежда дэл амэнди о Дэл?

Андэ сави время амэ май фартэ камас тэ патяс, кай авэла вся драго? Хэба най тоди, кала варико хасардя анда пэстирэ чачен? Важ бут мануша, кала варико мэрэл анда чаче, када кадя ԥарэс, кай вонэ умэкэн и вас. Со можэт тэ авэл май страшно кодэлэстар, сар варико мэрэл? Андэ Библия ԥэнэнпэ, кай и смэрть, када «послиднё вороӷо» (1 Коринфянам 15:26). Поджан и бэрша и о мануш никай на терэлапэ ла смэртятар. Амэ можэм тэ обжас ла пэ дэсави время, но най па амаро зор тэ улас ла.

Сави исин надежда, кала варико мэрэл? Андэ Библия ԥэнэнпэ, кай и смэрть, када послиднё вороӷо и пистромэ, кай кадэва вороӷо будэр на авэла. Када сыкавэл, кай авэла время, кала и мануша на лэна тэ мэрэн. Кай о Иегова исин зор тэ улэл када. Андэ Библия запистромэ, кай о Дэл ужэ девять раз рисарэлас манушэн каринг и жызня.

Кадяжэ о Иегова дя зор пэстирэ Шавэсти лэ Иисусости тэ рий каринг и жызня пэстирэ друӷос лэ Лазарёс, саво сас муло штар дес. О Иисусо стердя када най чоралэс, када диқлэ фартэ бут мануша (Иоанна 11:38—48, 53; 12:9, 10).

И мануша, савэн о Дэл рисардя каринг и жызня, потом ԥурелэ и мулинэ. Но блаӷодаря кодэлэсти, кай о Дэл рисардя лэн каринг и жызня, амэ най кати камас, кай амарэ чаче, савэ мулинэ, упалэ тэ жувэн, амэндэ исин, васо амэ патяс андэ када.

О Иисусо ԥэндя: «Через мандэ о Дэл рий каринг и жызня кодэлэн, ко муля и дэл тэ жувэн» (Иоанна 11:25). О Иегова дэла лэсти зор тэ рий каринг и жызня всаворэн, ко муля. О Иисусо ԥэндя: «Поджал о часо, андэ саво всаворэ, ко мулинэ, ашунэна лэско ӷолосо и ущена» (Иоанна 5:28, 29). Всаворэ, ко муля, моӷут тэ ринпэ каринг и жызня андо раё пэ ԥув.

О апостоло Павло ԥэндя, кай «ринапэ каринг и жызня кодэла, ко муля, праведни и нэправедни» (Деяния 24:15).

Када фартэ амэн подритярэл. Кала о мануш бэшэл андо баруно, лэстирэ чаче лэс на бистэрдэ и фартэ аштярэн, кала во вижала. Кадяжэ и о Иегова на бистэрдя кодэлэ манушэн, кас ужэ нинай (Луки 20:37, 38). Кала авэла раё пэ ԥув кодэла, ко ужылэтар, ринапэ каринг и жызня. И мануша лэна фартэ тэ радуинпэ кадэлэсти, кай диқэна пэстирэ чачен.

Саво лашимос можэт тэ анэн амэнди и надежда?

О Павло ля тэ сыстой и надежда, сави исин кай о мануш, ла саструня стадяса, сави сас кай о воино, андэ время, кала сас война (1 Фессалоникийцам 5:8). Андэ кодэя время, сар жувэлас о Павло, и воиноря пэ война лэнас пэр пэстэ и саструни стади упрал па май цыкни стади, сави анда пушом или анда ӷаравля. Кала во марэласпэ лэ вороӷонэнца, вой фэрияс о шэро. Кадяжэ, кала амэ аштярас англэ о лашимос, амэ на парашас тэ патяс, кай авэла вся драго. Если амэ патяс андэ кода, со о Дэл стерэла англэ, тоди сар бы амэнди ԥарэс тэ на авелоп, амэ на умэкаса и вас и амэндэ авэла, васо дальшэ тэ жувас. Амэнди всаворэнди трэбуй кацави саструни стади!

О Павло росԥэндя инке ек лашо примеро, саво сыкавэл, сар кода, со амэ аштярас, сжалпэ кодэлэса, со загиндосардя о Дэл. Во пистросардя: «Кадэя надежда амэндэ, сар якорё важ оди, вой надёжно и састи» (Евреям 6:19). О Павло най ек разо попэрэлас, кала о кораблё розмардёлас, и во драго ӷанэнас, пэ скати дэ важно о якорё. Кала пэ моря сас бари балвал и морякоря умэкэнас о якорё андо паи. О якорё дорэсэлас жы каринг о дно, тоди о кораблё састэс ритярдёлас и лэс на вишолас по бэрэӷо, через када во на розмардёлас андэ бара.

Кадяжэ, если лэ Дэвлэстирэ обещянии важ амэндэ «надёжни и састэ», тоди кода, кай амэ надеисавас по лашимос, поможыя амэнди тэ виритярас любо ԥаримос. О Иегова дэл алав, кай йто авэла и время, кала и войны и преступность, и биды, и дажэ и смэрть, будэр на авэла. (Дик и рамка пэ страница 10.) И надежда можэт тэ авэл важ амэндэ сар якорё, саво трэбуй, кай тэ виритярас и ԥари время. Ай кадяжэ, кала амэ надеисавас по лашимос, поможыя тэ жувас па лэ Дэвлэстирэ законоря. Инке поможыя тэ на андярас пэс сар и мануша андэ кадэя билажаварди люма.

И надежда, сави дэл о Иегова, можэт тэ анэн лашимос и тути. Во камэл, кай тутэ тэ авэл лащи жызня, сави во и загиндосардя. Во камэл, кай всаворэ мануша тэ спасынпэ. Сар? Трэбуй «драго тэ полэн о чачимос» анда Библия (1 Тимофею 2:4). Прилэн кода, со тумэ уӷанглэ, важ кода кай када ԥэнэн о Дэл. Кала о мануш надеийпэ по лашимос, саво жал лэ Дэвлэстар, када май драго кодэлэстар, пэр со надеинпэ и мануша андэ люма.

Кала ту аштярэс о лашимос, саво авэла англэ, тоди ту никала на умэкэса и вас. О Дэл дэла тути зор, кай тэ домардёс кода, со ту камэс, если када сжалпэ кодэлэса, со во камэл (2 Коринфянам 4:7; Филиппийцам 4:13). Кажно надеийпэ пэ када. Никала на умэк и вас и виарак, пэр со тэ надеиспэ. Тутэ када вижала!

[Рамка]

Васо ту можэш тэ надеиспэ по Дэл?

Кадэла гиндоря анда Библия, моӷут тэ поможын тути, май фартэ тэ патяс лэ Дэвлэсти.

◼ О Дэл дэл алав, кай англэ авэла бахтали жызня.

Андэ лэ Дэвлэско Алав андэ Библия ԥэнэнпэ, кай па вся и ԥув авэла раё, андэ саво всаворэ мануша лэна тэ жувэн, сар ек бахтало ери (Псалом 36:11, 29; Исаия 25:8; Откровение 21:3, 4).

◼ О Дэл нэ можэт тэ хохавэл.

Во нэнавидит любо хохаимос. О Иегова андэ вся свынто и вужо, важ када во нэ можэт тэ хохавэл (Притчи 6:16—19; Исаия 6:2, 3; Титу 1:2; Евреям 6:18).

◼ Кати кай о Дэл само баро зор.

Кати о Иегова Всемоӷущё. Нисо андэ вся и люма нэ можэт тэ стерэл кадя, кай тэ на авэл кода, пала со во дя алав (Исход 15:11; Исаия 40:25, 26).

◼ О Дэл камэл, кай ту тэ жувэс вечно.

(Иоанна 3:16; 1 Тимофею 2:3, 4).

◼ О Дэл аштярэл, кай ту лэс кандэса.

О Дэл диқэл пэ кода, со тутэ на вижал и пэ кода, кай ту шылиспэ. Но май бут шол сама пэ кода, кай ту пристос зор и кай тутэ исин варисо лашо (Псалом 102:12—14; 129:3; Евреям 6:10). Во патял, кай ту лэса тэ терэс кода, со правильно, и лэсти чалёл, кала ту терэс кадя, сар во аштярэл (Притчи 27:11).

◼ О Дэл дэл алав, кай поможыя тэ домардёс кода, со лэсти уӷодно.

Лэ Дэвлэстирэ служытеля моӷут вся и время тэ патян, кай во подритярэла лэн. Во анда вся оди дэл тути пэско свынто духо, када со май баро зор (Филиппийцам 4:13).

◼ Кода, кай надеиспэ по Дэл, никала на авэла евья.

Ту можэш тэ патяс лэ Дэвлэсти, важ кода кай во никала на ашавэла и никала на подвэдия тут (Псалом 24:3).

[Картинка]

Амэ ӷанас, кай и саструни стади фэрий о шэро, кадяжэ, кала амэ надеисавас, кай авэла лашимос, тоди на умэкаса и вас.

[Картинка]

О якорё ритярэл, кай о кораблё тэ на шувидэл андэ разни рига. Кадя и амэ, кала ӷанас, васо амэ надеисавас, када дэл амэнди зор састэс тэ тердювас по Дэвлэско дром.

[Сведения пала кода катар линэ]

Courtesy René Seindal/Su concessione del Museo Archeologico Regionale A. Salinas di Palermo