«Авэн састэ, на парашэн тэ патян»

1, 2. Сар о христианино можэт тэ шолпэ по небоскрёбо? (1 Коринфянам 15:58).

В КОНЦЕ андэ 1970-ти бэрша андо Токио построисардэ небоскрёбо, андэ саво 60 этажоря. И мануша гиндонас, сар во виритярэла и землетрясении, савэ котэ часто терэнпэ. Но васо кадэя здания сас састи? И инжэнероря стердэ кадя, кай кадэя здания еқа ригатар тэ авэл састи, ай авря ригатар — гибко, кай тэ виритярэл и землетрясении. И христианоря шонпэ пэ кацаво небоскрёбо. Сар када?

² О христианино трэбуй тэ ӷанэн, кала тэ авэл састо, ай кала гибко. Во трэбуй тэ на парашэл тэ патял, кала и дума жал пала лэ Иеговастирэ законоря. (Проадинон 1 Коринфянам 15:58.) Во ӷотово тэ кандэл и на жал пэ уступки. Авря ригатар, во трэбуй тэ авэл годявэрно, или гибко, кала када возможно — и особенно кала када трэбуй (Иак. 3:17). О христианино, савэстэ вижал кадя тэ терэл, лэла тэ андярэл пэс годявэрнэс. Во на авэла фартэ строӷо или черезчур ковло. Андэ кадэя статья амэ спэрва подаса дума пала кода, сар амэ можэм тэ авас састэ. Потом амэ шаса сама пэ панч способоря, через савэ о Сатана терэл кадя, кай амэ май набут тэ камас састэс тэ залас лэ Иеговастири риг. Посли када подаса дума, сар тэ на подаспэ лэ Сатанасти.

САР АМЭ МОЖЭМ ТЭ АВАС САСТЭ?

3. Савэ лэ Иеговастирэ законоря запистромэ андэ Дила 15:28, 29?

³ О Иегова, Кодэва, ко стол и законоря, вся и время дэлас пэстирэ народости понятни законоря (Ис. 33:22). Например, о руководящё совето андо пэрво вико шутя сама пэ трин маменторя, андэ савэ и христианоря трэбуй тэ авэн састэ. Амэ трэбуй: 1) тэ на тэлювас лэ идалонэнди и тэ служысарас кати лэ Иеговасти, 2) тэ стас патив по законо пала рат и 3) тэ ритярдювас май дур лэ билажавардимастар. (Проадинон Дила 15:28, 29.) Сар и христианоря адес моӷут тэ кандэн лэ Иеговас андэ кадэла трин маменторя?

4. Андэр со дицол, кай амэ предани кати лэ Иеговасти? (Откровение 4:11).

⁴ Амэ на тэлювас лэ идалонэнди и служысарас кати лэ Иеговасти. О Иегова ԥэнэнас, кай и израильтяноря предано тэ служын кати лэсти (Втор. 5:6—10). И лэ Дэвлэско шаво, кала о Сатана подмарэлас лэс каринг о бэзэх, ворта ԥэндя, кай амэ трэбуй тэ тэлювас кати лэ Иеговасти (Матф. 4:8—10). Важ када амэ на тэлювас лэ идалонэнди, на полас сар дэвлэн лэ барэ манушэн анда веры, лэ политиконэн, ай кадяжэ ашунглэ манушэн анда спорто и анда шоу-бизнэсо. Амэ тэлювас кати лэ Иеговасти — кодэлэсти, ко «вся создал». (Проадинон Откровение 4:11.)

5. Васо амэ ритярас лэ Иеговаско законо пала жызня и рат?

⁵ Амэ ритярас лэ Иеговаско законо пала жызня и рат. Васо? Важ кода кай о рат — када и жызня, кучутно лэ Дэвлэско подарко (Лев. 17:14). Кала о Иегова пэрво разо домэкля, кай и мануша тэ хан о мас, во ԥэндя, кай вонэ тэ на хан о рат (Быт. 9:4). О Дэл упалэ када ԥэндя, кала дя лэ израильтянонэнди лэ Моисеёско законо (Лев. 17:10). Во побудисардя, кай о руководящё совето андо пэрво вико тэ ԥэнэн всаворэ христианонэнди «тэ ритярдён май дур... лэ ратэстар» (Дила 15:28, 29). Амэ кандас лэ Дэвлэс андэ када, кала витидас, сар тэ личисавасb.

6. Со амэ терас, кай тэ жувас па лэ Иеговастирэ нравствени нормы?

⁶ Амэ жувас строӷо па лэ Иеговастирэ нравствени нормы (Евр. 13:4). О апостало Павло ԥэнэн, кай амэ тэ улас и найлашэ жылании. Амэ на диқас пэ картинки, савэ моӷут тэ подмарэн каринг о билажавардимос, и на терас кода, со можэт каринг лэстэ тэ анэн (Иов 31:1; Кол. 3:5). Кала амэндэ появийпэ жылания тэ стерас варисо найлашо, амэ сразу старысавас тэ улас люби гиндоря или дила через сави можэт тэ римойпэ амари дружба лэ Дэвлэса.

7. Со амэ трэбуй тэ камас тэ терас и васо?

⁷ О Иегова аштярэл, кай амэ «анда вся оди» кандаса лэс (Рим. 6:17). Амэ нэ можэм тэ витидас, па саво законо тэ жувас, ай па саво най. Но амэ трэбуй тэ сэрас, кай вся, со во ԥэнэн амэнди тэ терас, анэн лашымос (Ис. 48:17, 18; 1 Кор. 6:9, 10). Амэ терас вся, кай тэ радуисарас лэ Иеговас, и терас кадя жэ, сар о псалмопевцо: «Мэ анда вся оди ришыл тэ жував па тиро законо вся и время, до конца» (Пс. 119:112). Но о Сатана терэл вся, кай амэ май набут тэ камас тэ кандас лэ Иеговас. Со во важ када терэл?

СО О САТАНА ТЕРЭЛ, КАЙ АМЭ МАЙ НАБУТ ТЭ КАМАС САСТЭС ТЭ ЗАЛАС ЛЭ ИЕГОВАСТИРИ РИГ?

8. Сар о Сатана использует и приследовании, кай амэ май набут тэ камас састэс тэ залас лэ Иеговастири риг?

⁸ Приследовании. Кай амэ май набут тэ камас састэс тэ залас лэ Иеговастири риг, о Сатана тасавэл пар мэндэ физически и эмоцыонально. Лэстири цэль — «тэ похал» амэн, тэ римой амари дружба лэ Иеговаса (1 Пёт. 5:8, сноска). Андо пэрво вико лэ христианонэнди уӷрожали, лэн марэнас и дажэ умарэнас важ кода, кай вонэ камэнас тэ терэн правильно (Дила 5:27, 28, 40; 7:54—60). О Сатана идоси использует и приследовании. Када сыкавэн и жэстоки приследовании, савэ исин кай амарэ ԥрала и ԥэя андэ Россия и андэ авэр страны. Па чачимастэ, адес по разному тасавэн пэ всаворэ лэ Дэвлэстирэ служытеля.

9. Васо амэ трэбуй тэ авас ӷотови, кай пар мэндэ лэна чоралэс тэ тасавэн? Росԥэнэн о примеро.

⁹ Кала тасавэн чоралэс. О Сатана тасавэл най кати ворта, но и чоралэс. Важ када амэ трэбуй тэ ӷанас, кала во хытрияса и хохаимаса жал пар мэндэ (Эф. 6:11). Акэ лэ Роберто́ско примеро. Лэсти сас трэбуй серьёзно операцыя. Андэ больница во ԥэндя лэ врачонэнди, кай со бы тэ на авэл, на домэкэла, кай лэсти тэ пэрэшон о рат. О хирурӷо стодя патив пэ ришэния, сави во приля. Но вэчэром англа операцыя, кала о Роберто ашэляпэ екжэно и лэстирэ чаче ужылэ цэрэ, андэ палата зажыля о анэстэзиолого. Во ԥэндя лэ Робертости, кай о рат наврятли трэбуй авэла, но вонэ лэна тэ ритярэн о рат тала вас. Можэт, кадэва врачо гиндояс, кай о Роберто парувэла пэстири ришэния, если паша лэстэ на авэна лэстирэ чаче. Но о Роберто сыкадя, кай лэстири ришэния на паруделя: нисаво рат, со бы тэ на авэл!

10. Сави опасность исин андэ лэ манушэндири мышления? (1 Коринфянам 3:19, 20).

¹⁰ Лэ манушэндири мышления. Если амэ ласа тэ гиндосарас, сар и мануша андэ кадэя люма, тоди через дэсави время можэм тэ бистрас лэ Иеговас и лэстирэ нормы. (Проадинон 1 Коринфянам 3:19, 20.) «И мудрость кадэлэ миростири» часто подмарэл лэ манушэн тэ на кандэн лэ Дэвлэс. Дэсавэ христианоря андэ Перга́ма и Фиати́ра домэклэ, кай пэр лэндэ тэ влияют кодэла, ко андярэлас билажаварди жызня и тэлёлас лэ идалонэнди. О Иисусо дя кадэлэ дуе собраниенди строӷо совето, важ кода кай вонэ на диқэнас нисо найлашо андо билажавардо бэзэх (Отк. 2:14, 20). Адес и мануша круӷом амэндэ тожэ терэн вся, кай важ амэндэ тэ авэл нармально кода, со нэправильно. Амаро ери и авэр мануша моӷут тэ ԥэнэн, кай амэндэ вся фартэ строӷо и кай амэ можэм тэ жас против лэ Иеговаско законо. Например, вонэ моӷут тэ ԥэнэн, кай нинай нисо вэрыто андэ кода, кай тэ терэс, со камэс, и кай и библейски нормы ужэ пуранэ.

11. Со амэ трэбуй тэ терас, кай тэ на парашас тэ патяс?

¹¹ Дэкала амэ можэм тэ гиндосарас, кай кода, со ԥэнэн о Иегова, на хутилэл. Амэ можэм дажэ тэ закамас тэ стерас кода, «со [най] пистромэ андэ Писания» (1 Кор. 4:6). Кадя терэнас и барэ мануша анда веры андэ лэ Иисусостирэ деса. Вонэ достонас каринг лэ Дэвлэско законо и правилоря, савэ вигиндосардэ и мануша, и кадэлэса терэнас лэ манушэндири жызня май ԥари (Матф. 23:4). О Иегова дэл амэнди понятно руковоцтво через пэско Алав и через пэстири арӷанизацыя. На трэбуй тэ достас варисо пэстар (Прит. 3:5—7). Важ када амэ на терас кадя, сар най пистромэ андэ Библия, и на стас правилоря андэ кодэла вопросоря, андэ савэ и ԥрала и ԥэя моӷут тэ витидэн екжэнэ.

12. Сар о Сатана использует и «хохавни и йвутни дума»?

¹² Хохаимос. О Сатана использует и «хохавни и йвутни дума», ай кадяжэ и принцыпоря кадэлэ мирости, кай тэ хохавэл лэ манушэн и тэ розделий лэн (Кол. 2:8). Савэ ловушки во использовал андо пэрво вико? Пэрво: и мудрость, сави вигиндосардэ и мануша. Дуйто: и иудейски учении, савэ на сас лэ Дэвлэстар. И трито: и мнения, кай и христианоря трэбуй сас тэ ритярэн лэ Моисеёско законо. Када вся сас хохаимос, важ кода кай дурярэлас лэ Иеговастар — кодэлэстар, Кастар па чачимастэ жал и мудрость. Адес о Сатана хохавэл лэ манушэн через и новости, интэрнэто и соцыальни сети. Через лэндэ во розындярэл и теории заговора, и найчачунэ новости, ай кадяжэ кода, со можэт тэ подмарэл амэн тэ залас варикастири риг андэ политика. Амэ драго полям када, кала сас и пандэмия КОВИДО-19c. Кодэлэндэ, ко приашундёлас каринг и найнадёжно инфармацыя, сас бут пэрэжывании. Ай кай лэ Иеговастирэ свидетеля, савэ приашундёнас каринг и указании, савэ дэл лэ Дэвлэстири арӷанизацыя, кацаво на сас (Матф. 24:45).

13. Сави опасность исин андэ отвлечении?

¹³ Отвлечении. Амэ на трэбуй тэ бистрас пала кода, «со па чачимастэ важно» (Флп. 1:9, 10). И отвлечении моӷут тэ чорэн амари время и зор, савэ амэ моӷли бы тэ отдас пэ май полезно дила. И обычно дила, кацави сар хамос, пимос, бути и отдыхо, моӷут амэн тэ отвлекают, если авэна по пэрво ҭан андэ амари жызня (Луки 21:34, 35). Кроме када, амэ кажно дес ашунас бут новости пала беспорядкоря андэ страны и пала спороря андэ политика. Сэрэн, кай када можэт тэ авэл ловушка, важ кода кай амэ можэм тэ залас варикастири риг андэ гиндоря или андо ди. О Сатана использует всаворэ кадэла способоря важ ек ӷлавно цэль — кай амэ май набут тэ камас тэ терас кода, со правильно. Подам дума, сар амэ можэм тэ на домэкас, кай во када тэ стерэл, и тэ ашаспэ састэ.

СО АМЭНДИ ПОМОЖЫЯ ТЭ АШАСПЭ САСТЭ?

14. Со поможыя тумэнди састэс тэ залэн лэ Иеговастири риг и тэ на ашавэн лэс?

¹⁴ Гиндон пала пэстири посвящения и крещения. Васо тумэ стердэ кадэла шаӷоря? Важ кода кай закамлэ тэ залэн лэ Иеговастири риг. Вспомните, сар тумэ полинэ, кай виарақлэ о чачимос. Тумэ уӷанглэ о чачимос пала Иегова, полюбисардэ лэс и линэ тэ стон патив по пэско небесно Дад. Тумэндэ появисайля вера и тумэ каисайлэ андэ бэзэха, савэ терэнас май англал. Тумаро ди побудисардя тумэн тэ ашавэн и най лащи жызня и тэ андярэн лэ Дэвлэстири время. Тумэнди ашэля май вушэро, кала полинэ, кай о Дэл тумэн простисардя (Пс. 32:1, 2). Тумэ линэ тэ ԥирэн пэ собрании и тэ росԥэнэн пала чачимос аврэнди. Потом тумэ динэ алав тэ жувэн важ о Иегова и болделэ. Акана тумэ жан па дром, саво андярэл каринг и жызня, и камэн тэ терэн вся, кай тэ на сжан па кадэва дром (Матф. 7:13, 14).

15. Саво лашымос анэн и изучения и розмышления?

¹⁵ Изучайте лэ Дэвлэско алав и розмышляйте. Сар и витка састэс тердёл через пэстирэ барэ корнёря, кадя и амэ сможэм састэс тэ тердювас, если амари вера андо лэ Дэвлэско Алав авэла састи. Кала и витка барёл, латирэ корнёря ужан май дур андэ ԥув. Кала амэ изучаем и розмышляем, амари вера ашэл май састи и кадя амэ май фартэ патяс, кай о дром, саво сыкавэл амэнди о Дэл, со май лашо (Кол. 2:6, 7). Погиндон, сар о Иегова фэрияс пэстирэ служытелёнэн дэлмут, и сар лэнди поможынас лэстирэ указании и советоря. Например, о Иезекиилё диқля видения, андэ сави о анӷело драго измерял о храмо. О пророко внимательно пала када диқэлас. Кадэя видения придя лэсти зор. Андэр латэ исин важни урокоря и важ амэндэ. Вой сытярэл амэн, сар тэ ритярас лэ Иеговастирэ нормы важ и вужи поклонения (Иез. 40:1—4; 43:10—12)d. Амэнди тожэ трэбуй тэ витидас время, кай май драго тэ полас о чачимос анда лэ Дэвлэско Алав и тэ розмышляем пала лэстэ.

16. Сар о предано ди фэрисардя лэ Робертос? (Псалом 112:7).

¹⁶ Сытён тэ авэн предани. О царё Давидо ԥэндя, кай во вся и время лэла тэ любий лэ Иеговас. Во дилабэлас: «Мэрно ди преданно тути, мэрно Дэл» (Пс. 57:7). Амэндэ тожэ можэт тэ авэл предано ди, если амэ андэ вся ласа тэ патяс лэ Иеговасти. (Проадинон Псалом 112:7.) Диқам, сар о предано ди поможысардя лэ Робертости, пала саво амэ ужэ дям дума. Сар амэ сэрас, о анэстэзиолоӷо ԥэндя лэсти, кай кала жала и операцыя, о рат авэла лэндэ тала вас. О Роберто сразу жэ ԥэндя: «Если исин хоть най баро шансо, кай манди пэрэшона о рат, мэ сразу жэ ужава анда больница». Потом о Роберто вспоминал: «Мэ сымас уверено и мэрно ди дажэ на затиносайля».

17. Сости амэ сытювас анда кода, со сас лэ Робертоса? (Диқэн кадяжэ и картинка.)

¹⁷ О Роберто сыкадя пэстири вера важ кода, кай приля ришэния инке дэлмут, жы каринг кода, сар тэ пэрэл андэ больница. Спэрва, во закамля тэ радуий лэ Иеговас. Потом во драго розуӷангля, со андэ Библия и андэ авэр публикацыи ԥэнэнпэ пала жызня и пала рат. И тоди во поля, кай если о Иегова варисо амэнди ԥэнэн, када вся и время анэн амэнди лашымос. Амаро ди тожэ можэт тэ авэл предано, саво бы ԥаримос тэ на авэл.

18. Сар лэ Варакоско примеро сытярэл амэн тэ патяс лэ Иеговасти? (Диқэн и картинка пэ обложка.)

¹⁸ Патян лэ Иеговасти. Давайте роздиқаса, сар кода, кай о сындомари о Варако патялас кодэлэсти, со ԥэнэнас о Иегова, поможысардя лэсти тэ вицэлэл. Хоть кай и израильтяноря на сас «ни щито, ни копьё», о Иегова всаек ԥэндя лэ Варакости тэ жал войнаса против ханаа́нско военачальнико Сиса́ро и лэско войско (Суд. 5:8). Пророчеца Дево́ра ԥэндя лэ Варакости тэ змэкэлпэ па плая, кай тэ жал против Сисаро и лэстирэ 900 вурдона важ и война. Хоть о Варако и ӷанэнас, кай пэ кодэва ҭан лэ израильтянонэнди авэла фартэ ԥарэс тэ жан против вурдона важ и война, во всаек кангля. Кала лэстирэ воиноря змэкэнаспэ па плай Фаво́ро, о Иегова бишалдя пэ вороӷоря баро брышын. Лэ Сисаростирэ вурдона важ и война забэшлэ андэ чик, и о Иегова дя лэ Варакости победа (Суд. 4:1—7, 10, 13—16). О Иегова дэла победа и амэнди, если амэ патяс лэсти и кодэлэсти, со во ԥэнэн через пэстири арӷанизацыя (Втор. 31:6).

АВЭН САСТЭ

19. Васо тумэ камэн састэс тэ залэн лэ Иеговастири риг?

¹⁹ Пока амэ жувас андэ кадэя люма, амэнди вся и время трэбуй тэ борисавас важ кода, кай састэс тэ тердювас по правильно дром (1 Тим. 6:11, 12; 2 Пёт. 3:17). Давайте на домэкаса, кай амэн тэ змарэн па кадэва дром и приследовании, кода, кай тасавэн чоралэс, лэ манушэндири мышления, о хохаимос и отвлечении (Эф. 4:14). Авам састэ, предани лэ Иеговасти и витидам вся и время тэ кандас кода, со ԥэнэн о Иегова. И на трэбуй тэ бистрас, кай трэбуй тэ авас блаӷоразумни. Андэ авэр статья амэ подаса дума, васо о Иегова и о Иисусо сыкавэн амэнди со май лашо примеро, сар тэ авас блаӷоразумни.